კანავიტი

კანავიტი
ანოტაციის მომწოდებელია
0
5
რეკომენდაცია
0შეფასება
11711ნახვა
კანავიტი, საინექციო ემულსია

ფიტომენადიონი


წამლის გამოყენებამდე კარგად წაიკითხეთ ეს ჩანართი, რადგან იგი შეიცავს თქვენთვის მნიშვნელოვან ინფორმაციას.

- შეინახეთ მოცემული ჩანართი. შესაძლოა დაგჭირდეთ მისი თავიდან წაკითხვა.
- დამატებითი კითხვების შემთხვევაში დაუკავშირდით თქვენს ექიმს ან ფარმაცევტს.
- ეს წამალი დაგენიშნათ მხოლოდ თქვენ. არ გადასცეთ იგი სხვებს. ეს შესაძლოა საზიანო იყოს მათთვის იმ შემთხვევაშიც კი თუ თქვენი და მათი სიმპტომები ერთნაირია. 
- თუ შენიშნავთ ისეთ გვერდით მოვლენებს რომელიც ამ ჩანართში არ არის მოცემული, აცობეთ ექიმს ან ფარმაცევტს. იხილეთ პუნქტი 4.

 

 

ამ ჩანართში:
1. რას წარმოადგენს კანავიტი და რისთვის გამოიყენება იგი
2. რა უნდა იცოდეთ კანავიტის გამოყენებამდე
3. როგორ მივიღოთ კანავიტი
4. შესაძლო გვერდითი მოვლენები 
5. როგორ შევინახოთ კანავიტი
6. შეფუთვის შიგთავსი და სხვა ინფორმაცია 

 

 

1. რას წარმოადგენს კანავიტი და რისთვის გამოიყენება იგი
კანავიტი შეიცავს ფიტომენადიონს (ვიტამინი K1). ვიტამინი K1 მნიშვნელოვან როლს თამაშობს  სისხლის შედედების აგენტის ჩამოყალიბებაში (კოაგულაციის ფაქტორი) და აქვს სასარგებლო გავლენა ანტიბიოტიკების და ქიმიოთერაპუიული აგენტების მიღების შედეგად ნაწლავის მიკროფლორის დარღვევისას K 1 ვიტამინის დეფიციტის დროს.
კანავიტი გამოიყენება სისხლის შედედების პრევენციის და დარღვევების მკურნალობისთვის რომელიც გამოწვეულია  K ვიტამინის დეფიციტით, სისხლის შედედების პრეპარატებით (მაგ: ვარფარინი) გამოწვეული სისხლდენის გართულებების დროს, ნაღვლის ბუშტის გახანგრძლივებული ობსტრუქცის შემდეგ სისხლის შედედების შემცირებისას, საკვების შემცირებულ შეწოვასთან დაკავშირებული  ნაწლავის დაავადებები (მალაბსორბცია), ანტიბიოტიკებით ხანგრძლივი მკურნალობისას, სულფინამიდები და სალიცილატები, სისხლის კოაგულაციის შემცირება ღვიძლის ციროზის ადრეულ ეტაპზე. მშობიარობამდე პრევენციის მიზნით მიღება, რათა თვიდან იქნას აცილებული სისხლდენა ბავშვებში და ახალშობილებში. ახალშობილთა სისხლდენის სამკურნალოდ. 
ქირურგიაში, ნაღვლის გახანგრძლივებული დრენაჟის დროს ღვიძლიდან ნაწლავებში (სანაღვლე სადინარის დრენაჟი) და სისხლის შედედების შემცირების მქონე პაციენტების წინა საოპერაციო მომზადება. 

 

 

2. რა უნდა იცოდეთ კანავიტის გამოყენებამდე
არ მიიღოთ კანავიტი: 
თუ ხართ ალერგიული ფიტომენადიონის ან ამ მედიკამენტის რომელიმე ინგრედიენტის მიმართ (მოცემულია პარაგრაფ 6-ში).

 

 

გაფრთხილება და სიფრთხილის ზომები
კანავიტის გამოყენებამდე მიმართეთ ექიმს ან ექთანს თუ:
-    გაქვთ ღვიძლის მძიმე დაავადება;
-    გაქვთ გლუკოზა-6-ფოსფატი დეჰიდროგენაზას ფერმენტის დეფიციტი (ვიტამინი K1 შეიძლება გამოიწვიოს ერითროციტების დაშლა);
-    ბიოქიმიური შემოწმების წინ (ფიტომენადიონი ზრდის ბილირუბინის დონეს სისხლის შრატში)
-    თუ სხვა მიზეზების გამო აღგენიშნებათ სისხლდენის მდგომარეობები (მაგ: გინეკოლოგიური სისხლდენა).

 

 

სხვა მედიკამენტები და კანავიტი
მოახსენეთ თქვენს ექიმს თუ თქვენ ღებულობთ, ბოლო დღოს იღებდით ან შესაძლოა მიიღოთ სხვა მედიკამენტები.
კანავიტის და სხვა მედიკამენტების ერთდროულად მიღებამ შეიძლება დააბრკოლონ ერთმანეთი. აცნობეთ თქვენს ექიმს ან ფარმაცევტს თუ ღებულობთ შემდეგ მედიკამენტებს:
ფენაცეტინის, სულფონამიდების, ქინინის - კანავიტთან ერთდოულად მიღებამ შეიძლება გაზარდოს ერითროციტების დაშლის რისკი.
კანავიტის სულფონამიდებთან ერთდოულად მიღებისას შეიძლება გაიზარდოს ბილირუბინის დეპონირების რისკი ტვინის სტრუქტურებში (ე.წ. ბირთვული სიყვითლე).
ქოლესტირამინი - ამცირებს  ვიტამინი K1-ს შეწოვას ნაწლავებიდან. 

 

 

ორსულობა, ძუძუთი კვება და ფერტილობა
თუ ხართ ორსული ან მეძუძური, ფიქრობთ რომ შესაძლოა იყოთ ორსულად, ან გეგმავთ ორსულობას, მედიკამენტის მიღებამდე კონსულტაციისთვის მიმართეთ თქვენს ექიმს ან ფარმაცევტს.

 

ორსულობა

ორსულობის დროს ფიტომენადიონის მიღების შესახებ მონაცემები არ არის. კანავიტის მიღება შეიძლება ორსულობის პერიოდში მხოლოდ მაშინ თუ მკურნალობის სარგებელი აღემატება ნაყოფისათვის მოსალოდნელ შესაძლო რისკს.


ძუძუთი კვება

ფიტომენადიონი მცირე რაოდენობით გამოიყოფა დედის რძეში. მეძუძურ დედებს კანავიტის მიღება შეუძლიათ მხოლოდ მაშინ თუ მკურნალობის სარგებელი აღემატება ნაყოფისათვის მოსალოდნელ პოტენციურ რისკს.

 

 

ავტომანქანის მართვა და მექანიზმების გამოყენება
მედიკამენტს არ ახდენს მნიშვნელოვან გავლენას ავტომანქანის მართვის და მექანიზმის გამოყენების უნარზე.

 

 

3.  როგორ გამოიყენება კანავიტი
მედიკამენტი ყოველთვის გამოიყენეთ ექიმის ან ფარმაცევტის დანიშნულების მიხედვით. თუ არ ხართ დარწმუნებული კონსულტაციისთვის მიმართეთ თქვენს ექიმს ან ფარმაცევტს.

დოზა
ზრდასრული და ხანდაზმული პაციენტები
სისხლდენა რომელიც განპირობებულია სისხლის შედედების საწინააღმდეგო მედიკამენტებით (მაგ: ვარფარინი):
მძიმე შემთხვევებში, 10-დან 20-მგმდე (1-2 ამპულა) კანავიტი იხსნება 5მლ-დან 10 მლ-მდე საინექციო წყალში ან 5% გლუკოზას ხსნარში და კეთდება ნელი ინტრავენური შეყვანით (ინექცია ვენაში).
სანაღვლე სადინარებში და ღვიძლის დაავადებისას სისხლდენის პრევენცია და მკურნალობა:
სისხლის შედედების ზომიერად შემცირების  (სისხლის შედედების აგენტები) შემთხვევაში, ინტრამუსკულარულად (ინექცია კუნთში) კეთდება 5მგ-დან 10 მგ-მდე  კვირაში 3-ჯერ. სისხლის შედედების მკვეთრად შემცირების  და აშკარა სისხლდენის შემთხვევაში კეთდება 1-2 ამპულა დღეში 1-2-ჯერ კუნთში (ინტრამუსკულარულად).
ქირურგიულ პროცედურებამდე სისხლდენის პრევენცია იმ პაციენტებში რომლებსაც აქვთ შემცირებული კოაგულაციის ფაქტორი: სასწრაფო ოპერაციის წინ ინტრავენურად (კეთდება ვენაში) კეთდება ორი ამპულის ნახევარი; ნაკლებად გადაუდებელ შემთხვევებში ინტრამუსკულარულად კეთდება დღეღამეში 10-დან 20 მგ-მდე.

 


სისხლდენის სხვა შემთხვევებში:
შემცირებული კოაგულაციის ფაქტორი II, VII და X, სხვადასხვა ეტიოლოგიის სისხლდენის შემთხვევაში, კეთდება 1-2 ამპულა ინტრამუსკულარულად (ინექცია კუნთში), სანამ არ გამოსწორდება კოაგულაცია და არ შეჩერდება სისხლდენა. 
ყველაზე დიდი ერთჯერადი დოზა არის 20მგ, ყველაზე დიდი სადღეღამისო დოზა შეადგენს 40 მგ კანავიტს ორივე გზით მიღებისას.
გამოყენება ბავშვებში
ბავშვებში კანავიტის გამოყენება შეიძლება ინტრავენურად და ინტრამუსკულარულად. K ვიტამინის დეფიციტით განპირობებული სისხლდენის პრევენციის მიზნით. დროულად დაბადებულ ჯანმრთელ ბავშვებში ან მშობიარობამდე ახლო პეიოდში: ერთჯერადი ინექცია (1მგ) დაბადებისთანავე ან მალევე.
ნაადრევად დაბადებულ ბავშვებში, > 2.5 კგ სხეულის წონით და განსაკუთრებით მაღალი რისკის ახალშობილებში: კეთდება ერთი მილიგრამი ინტრამუსკულარულად (კეთდება კუნთში) ან ინტრავენურად (კეთდება ვენაში) დაბადებისთანავე ან მალევე.
ნაადრევად დაბადებულ ბავშვებში, < 2.5 კგ სხეულის წონით, კეთდება 0.4 მგ/კგ (შეესაბამება 0.04 მლ/კგ) ინტრამუსკულარულად (კეთდება კუნთში) ან ინტრავენურად (კეთდება ვენაში) დაბადებისთანავე ან მალევე.

 

 

მიღების წესი
ზრდასრულები და ხანდაზმული პაციენტები: ინტრამუსკულარულად (კეთდება კუნთში) ან ინტრავენურად (კეთდება ვენაში)
ბავშვები და თინეიჯერები:
ინტრამუსკულარულად (კეთდება კუნთში) ან ინტრავენურად (კეთდება ვენაში)

 

 

თუ თქვენ იღებთ უფრო მეტ კანავიტს ვიდრე უნდა ღებულობდეთ:
სერიოზული სიმპტომები არ ღინიშნება  თუ მიიღეთ იმაზე მეტი პროდუქტი ვიდრე უნდა მიგეღოთ. კანავიტის ინტრავენური გზით მიღებამ შეიძლება გამოიწვიოს მწვავე ალერგიული რეაქციები, როგორიც არის წამოცხელება, ოფლიანობა, გულმკერდის ტკივილი, ჰაერის უკმარისობა, მოლურჯო-იისფერი კანი და ლორწოვანი გარსი (ციანოზი), ბრონქული შევიწროება (ბრონქოკონტინინგი) და გულის უკმარისობა. 
ახალშობილებში, განსაკუთრებით ნაადრევად დაბადებულ ჩვილებში, კანავიტის დიდი დოზით მიღებამ შეიძლება გამოიწვიოს ერითროციტების დაშლით (ჰემოლიტიკური ანემია) განპირობებული ანემია. ასევე არსებობს ტვინის სტრუქტურებში ბილირუბინის დაგროვების რისკი (ბირთვული სიყვითლე).
კანავიტის ჭარბი დოზის მიღება არ საჭიროებს მკურნალობას, რადგან ფიტომენადიონი სწრაფად გამოიყოფა ორგანიზმიდან.

 

 

თუ შეწყვიტეთ კანავიტის გამოყენება
მედიკამენტის გამოყენებასთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

 

 

4. შესაძლო გვერდითი მოვლენები:
მსგავსად ყველა მედიკამენტისა ამ მედიკამენტმაც შეიძლება გამოიწვიოს გვერდითი მოვლენები, თუმცა ყველასთან არ ვითარდება. გვერდითი მოვლენები შეიძლება განვითარდეს ფიტომენადიონით მკურნალობის პერიოდში, შემთხვევის სიხშირის მიხედვით:
იშვიათი -  (შესაძლოა გავლენა იქონიოს 100-დან 1 პაციენტზე): გამონაყარი, რეაქცია ინექციის ადგილზე, ანთება ინექციის ადგილზე, ინექციის ადგილის ტკივილი.
უცნობი - (არსებული მონაცემებით ვერ ხერხდება შეფასება): სისხლის მიმოქცევის დარღვევა, მომატებული ოფლიანობა (ჰიპერჰიდროზი), მოლურჯო-იისფერი კანი და ლორწოვანი გარსი (ციანოზი), ბრონქული შევიწროება (ბრონქოკონტინინგი), ერითროციტების დაშლით (ჰემოლიტიკური ანემია) განპირობებული ანემია, ახალშობილთა სიყვითლე. 

 

 

გვერდითი მოვლენების მოხსენება
მიმართეთ ექიმს ან ფარმაცევტს თუ გამოვლინდა რაიმე სახის არასასურველი მოვლენა, მათ შორის ის მოვლენები რომელიც ამ ჩანართში არ არის მოცემული. 
გვერდითი მოვლენების შესახებ ასევე შეგიძლიათ პირდაპირ მიმართოთ შემდეგ მისამართზე: Statni ustav pro kontrolu leciv Srobarova 48  100 41 Praha 10; www.sulk.cz/nahlastin-nezadouci-ucinek.
გვერდითი მოვლენების მოხსენებით თქვენ უზრუნველყობთ მედიკამენტის უსაფრთხოების უფრო მეტ ინფორმაციას. 

 

 

5. როგორ შევინახოთ კანავიტი
მედიკამენტი შეინახეთ ბავშვებისთვის მიუწვდომელ ადგილას, არაუმეტეს 250C. შეინახეთ ორიგინალ შეფუთვაში რათა მოარიდოთ სინათლეს.
არ გამოიყენოთ მედიკამენტი ვარგისიანობის ვადის გასვლის შემდეგ, რომელიც მითითებულია შეფუთვაზე. ვადის ამოწურვა გულისხმობს  თვის ბოლო დღეს. გახსნის შემდეგ გამოიყენეთ დაუყოვნებლივ. 
მედიკამენტის გადაგდება არ შეიძლება ჩამდინარე წყალში ან საყოფაცხოვრებო ნარჩენებში. თუ წამალი აღარ გჭირდებათ მიმართეთ ექიმს რჩევისთვის თუ როგორ განკარგოთ იგი. ამ ზომების მიღებით დაიცავთ გარემოს.

 

 

6. შეფუთვის შიგთავსი და სხვა ინფორმაცია
რას შეიცავს კანავიტი:
ერთი მილიგრამი საინექციო ემულსია შეიცავს 10მგ ფიტომენადიონს (ვიტამინი K1).
დამხმარე ნივთიერებები:
პოლისორბატი 80,  ნატრიუმის აცეტატი,  დინატრიუმის ედეტატი დეჰიდრატი,  საინექციო წყალი, მარილმჟავა.

 

 

კანავიტის აღწერა და შეფუთვის ფორმა 
კანავიტი არის მომწვანო მოყვითალო, ოდნავ გაუმჭვირვალე მღვრიე ემულსია, ფაზის გამყოფი მითითების გარეშე.
შეფუთვაში მოცემულია 1 მლ 5 შუშის ამპულა.

გაცემის წესი: ფარმაცევტული პროდუქტის ჯგუფი II, გაიცემა ფორმა N3 რეცეპტით.

სავაჭრო ნებართვის მფლობელი 
BB Pharma a.s დურიჩოვა 101/66, 142 00 პრაღა 4 - Lhotka, ჩეხეთის რესპუბლიკა.

მწარმოებელი:
HBM Pharma s.r.o., Sklabinska 30, 036 80, მარტინ, სლოვაკეთის რესპუბლიკა   

მოცემული ჩანართი გადამოწმდა
13/10/2016

 

 

მოცემული ინფორმაცია განკუთვნილია მხოლოდ სამედიცინო ან ჯანდაცვის სპეციალისტებისთვის:
დოზა და მიღების წესი:
ზრდასრულები და მოზარდები:
სისხლდენა არაპირდაპირი ანტიკოაგულანტების შემდეგ: მძიმე შემთხვევებში, 10-დან 20-მგმდე (1-2 ამპულა) კანავიტი იხსნება 5მლ-დან 10 მლ-მდე საინექციო წყალში ან 5% გლუკოზას ხსნარში და კეთდება ნელი ინტრავენური შეყვანით. თუ სისხლდენა გრძელდება, მედიკამენტის მიღება შეიძლება განმეორდეს სამი-ოთხი საათის შემდეგ. გადაუდებელ შემთხვევებში საჭიროა მთლიანი სისხლის ან გაყინული პლაზმის გადასხმა. უფრო მსუბუქ შემთხვევებში კანავიტი კეთდება ინტრამუსკულარულად. ყოველთვის უნდა გახსოვდეთ, რომ  K ვიტამინის ეფექტი ხანგრძლივდება და ანტიკოაგულანტური თერაპიის ერთდროულად შეწყვეტისას შეიძლება მიაღწიოს მაქსიმუმს 24 საათის შემდეგ, როდესაც გამოვლინდება სისხლის კოაგულაციის არასასურველი ზრდა. გარდა ამისა, საჭიროა სიფრთხილე პერორალური ან ინტამუსკულარული მიღებისას. აირჩიეთ საკმაოდ მცირე დოზა, ისე რომ პაციენტი არ იყოს ახალი თრომბოემბოლიის რისკის ქვეშ, რომელიც განპირობებულია კოაგულაციის ფაქტორის სწრაფი ზრდით. 
სანაღვლე სადინარებში და ღვიძლის დაავადებისას სისხლდენის პრევენცია და მკურნალობა:
სისხლის შედედების ზომიერად შემცირების  შემთხვევაში, ინტრამუსკულარულად კეთდება 5მგ-დან 10 მგ-მდე  კვირაში 3-ჯერ. სისხლის შედედების მკვეთრად შემცირების  და აშკარა სისხლდენის შემთხვევაში კეთდება 1-2 ამპულა დღეში 1-2-ჯერ კუნთში, პროთრომბინის კომპლექსის ნორმალიზებამდე. ღვიძლის ნაკლებად შორსწასული დაადების შემთხვევაში კეთდება 20-30 მგ კანავიტი ინტრამუსკულარულად კვირაში 3-ჯერ. 
ქირურგიულ პროცედურებამდე სისხლდენის პრევენცია იმ პაციენტებში რომლებსაც აქვთ შემცირებული კოაგულაციის ფაქტორი: სასწრაფო ოპერაციის წინ ინტრავენურად კეთდება ორი ამპულის ნახევარი; ნაკლებად გადაუდებელ შემთხვევებში ინტრამუსკულარულად კეთდება დღეღამეში 10-დან 20 მგ-მდე.


სისხლდენის სხვა შემთხვევებში:
შემცირებული კოაგულაციის ფაქტორი II, VII და X, სხვადასხვა ეტიოლოგიის სისხლდენის შემთხვევაში, კეთდება 1-2 ამპულა ინტრამუსკულარულად, სანამ არ გამოსწორდება კოაგულაცია და არ შეჩერდება სისხლდენა. 
ყველაზე დიდი ერთჯერადი დოზა არის 20მგ, ყველაზე დიდი სადღეღამისო დოზა შეადგენს 40 მგ კანავიტს ორივე გზით მიღებისას.
შენიშვნა: ინტრავენური გზით მიღებისას საინექციო ემულსია ზავდება ხუთჯერ (საინექციო წყალში ან 5% გლუკოზას ხსნარში), კეთდება ნელი შეყვანით, დაახლოებით 1 მლ 20 წამში.
პედიატრიული პოპულაციები (<18 წელი):
ახალშობილები > 36 კვირა გესტაციური ასაკი:
1მგ ინტრამუსკულარული ინექციის სახით დაბადებისთანავე ან მალევე. 
ნაადრევად დაბადებულ ჩვილებში (<36 კვირა გესტაციური ასაკი > 2.5კგ) და განსაკუთრებით მაღალი რისკის ქვეშ მყოფი დროულად დაბადებული ახალშობილები (მაგ: მოუმწიფებელი, ასფიქსიით დაბადებული, ობსტრუქციული სიყვითლე, ყლაპვის უუნარობა, ანტიკოაგულანტების ან ანტიეპილეფსიური მედიკამენტების მიღება დედებში): 1 მგ ინტრამუსკულარულად ან ინტრავენურად დაბადებისთანავე ან მალევე. მომდევნო დოზების რაოდენობა და სიხშირე განისაზღვრება კოაგულაციის სტატუსის მიხედვით. 
ნაადრევად დაბადებულ ჩვილებში (<36 კვირა გესტაციური ასაკი < 2.5კგ სხეული წონა): კეთდება 0.4 მგ/კგ (შეესაბამება 0.04 მლ/კგ) ინტრამუსკულარულად ან ინტრავენურად, დაბადებისთანავე ან მალევე. არ უნდა გადააჭარბოთ მოცემულ პარენტერალურ დოზას. მომდევნო დოზების რაოდენობა და სიხშირე განისაზღვრება კოაგულაციის სტატუსის მიხედვით. 
დამტკიცებულია რომ პაციენტებს რომლებსაც აქვთ ქოლესტაზური ღვიძლის დაავადება და მალაბსორბცია, პერორალური გზით პროფილაქტიკა არ არის საკმარისი (იხ. პარაგრაფი 5.1).
გაფრხილება: გასათვალისწინებელია დოზის გაანგარიშება და შეფასება ბავშვის სხეულის წონასთან მიმართევაში (ხშირი შეცდომები მაგ: ათჯერ).

 

 

ნაადრევად დაბადებულ ბავშვებში K ვიტამინის დეფიციტით გამოწვეული სისხლდენის პროფილაქტიკის მიზნით დოზები მოცემულია ცხრილში: 
ბავშვის სხეულის წონა      K ვიტამინის დოზა დაბადებისას    ინექციის მოცულობა
1 კგ                                                          0.4 მგ                                   0.04 მლ
1.5 კგ                                                       0.6  მგ                                  0.06 მლ
2 კგ                                                          0.8 მგ                                   0.08 მლ
2.5 კგ                                                       1 მგ                                      0.1 მლ
2.5 კგ                                                       1 მგ                                      0.1 მლ

 

 

ბავშვები რომლებით იკვებებიან ძუძუთი რეკომენდებულია დოზის მიღება პერორალურად. 

მიღების წესი

ზრდასრულები და ხანდაზმული პაციენტები:
მიიღება ინტრავენურად და ინტრამუსკულარულად.
პედიატრიული პოპულაციები:
მიიღება ინტრავენურად და ინტრამუსკულარულად.

 

 

განსაკუთრებული გაფრთხილება და გამოყენების სიფრთხილის ზომები
საჭიროა სიფრთხილე ღვიძლის დაავადების დროს. ინდივიდებს რომლებსაც აქვთ გლუკოზა-6-ფოსფატი დეჰიდროგენაზას დეფიციტი, სადაც K ვიტამინმა შეიძლება გამოიწვიოს ერითროციტების ჰემოლიზი, მედიკამენტის მიღებამდე გასათვალისწინებელია რისკის სარგებლის თანაფარდობა.
ბიოქიმიურ ანალიზში ფიტომენადიონი ზრდის ბილირუბინის დონეს სისხლის შრატში. 
კანავიტი არ წარმოადგენს უნივერსალურ ანტიკოაგულანტს და სხვა ფაქტორებისგან გამოწვეული სისხლდენის პირობებში (მაგ: გინეკოლოგიური სისხლდენის მკურნალობა) მისი გამოყენება არ არის შესაფერისი.   

 

შეუთავსებლობა
ხსნარებთან, პროდუქტი შეუთავსებელია დექსტრანთან, ვიტამინ  B 12-თან, ჰიდანტოინებთან და ბარბიტურატებთან. 

 

ჭარბი დოზირების მართვა
მკურნალობის საჭიროება არ არის თუ არ აღინიშნება სერიოზული კლინიკური სიმპტომები  ჭარბი დოზის მიღებისას, რადგან ფიტომენადიონის ნახევრად დაშლის პერიოდი   მოკლეა ( 1.2 - 3.5 საათი).


 

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.