პრეპარატის სავაჭრო სახელწოდება:

კალეტრა

 

საერთაშორისო არაპატენტირებული სახელწოდება: ლოპინავირი/რიტონავირი ქიმიური სახელწოდება: ლოპინავირი - [1S[1R*, [R*], 3R*, 4P*]]-N-[4-[[(2,6-დიმეთილფენოქსი) აცეტილ]ამინო]-3-ჰიდროქსი - 5 -ფენილ-1 -(ფენილმეთილი) პენტილი) ტეტრაჰიდრო-ალფა(1-მეთილეთილ)-2-ოქსო-1 (2H)-პირიმიდინაცეტამიდი. რიტონავირი - 10-ჰიდროქსი-2-მეთილ-5-(1-მეთილეთილი)1-[2-(მეთილეთილი)-4-თიაზოლილი]-3,6-დიოქსო-8,11-ბის (ფენილმეთილი)-2,4,7,12-ტეტრაზატრიდეკანი-13-ოეის მჟავა, 5-თიაზოლილმეთილის ეთერი [5S-(5R*, 8R*, 10R*, 11R*)].

 

წამლის ფორმა: რბილი კაფსულები და შიგნით მისაღები ხსნარი.

 

აღწერილობა: ნარინჯისფერი რბილი კაფსულები შავი ლოგოტიპით და ნიშნით „PK". შიგნით მისაღები ხსნარი - მკრთალი მოყვითალო ან ოქროსფერი სითხე.

 

შემადგენლობა: რბილი კაფსულები: აქტიური ნივთიერები ყოველი კაფსულა შეიცავს 133,3 მგ ლოპინავირს და 33,3მგ რიტონავირს.

 

დამხმარე ნივთიერებები: დამხმარე ნივთიერებების სახით პრეპარატის ყოველი კაფსულა შეიცავს: ოლეის მჟავა, პროპილენგლიკოლი, აბუსალათინის ზეთი პოლიოქსილ 35, გაწმენდილი წყალი. კაფსულის გარსი: ჟელატინი, უწყლო თხევადი სორბიტი (სორბიტის ნარევი, უწყლო სორბიტისა და მანიტოლის), გლიცეროლი, ტიტანის დიოქსიდი (E171), ყვითელი საღებავი (E110), ტრიგლიცერიდები, ლეციტინი. შავი საღებავი შეიცავს პროპილენგლიკოლს, რკინის შავ ოქსიდს (E172), პოლივინილაცეტატის ფტალატს, პოლიეთილენგლიკოლ 400, ამონიუმის ჰიდროქსიდს.

 

შიგნით მისაღები ხსნარი აქტიური ნივთიერება ხსნარის ყოველი 1მლ შეიცავს 80მგ ლოპინავირს და 20მგ რიტონავირს.

 

დამხმარე ნივთიერებები: დამხმარე ნივთიერებების სახით ხსნარი შეიცავს: ეთილის სპირტი, სიმინდის სიროფი ფრუქტოზის მაღალი შემცველობით, პროპილენგლიკოლი, გაწმედნილი წყალი, გლიცეროლი, პოვიდონი, მაგნასვიტი-110 არომატი (გლიცირიზინატის და გლიცეროლის მონოამინის მარილის ნარევი), ვანილის არომატი, აბუსალათინის ზეთი პოლიოქსილ 40, საკონდიტრო არომატი, კალიუმის აცესულფამი, ნატრიუმის საქარინატი, ნატრიუმის ქლორიდი, მენთოლის ზეთი, ნატრიუმის ციტრატი, ლიმონმჟავა, მენთოლი.

 

ფარმაკოთერაპიული ჯგუფი: ანტივირუსული საშუალება, ATC კოდი: J05AE.

 

ფარმაკოლოგიური თვისებები

 

ფარმაკოდინამიკა: კალეტრა შეიცავს ლოპინავირს, რომელიც წარმოადგენს ადამიანის იმუნოდეფიციტის ვირუსის (აივ) პროტეაზის ინჰიბიტორს და რიტონავირს, რომელიც ახდენს CYP3A ფერმენტით გამოწვეული მეტაბოლიზმის ინჰიბირებას ღვიძლში, რაც იწვევს სისხლის პლაზმაში ლოპინავირის კონცენტრაციის მომატებას. ლოპინავირი უზრუნველყოფს კალეტრას ანტივირუსულ აქტივობას და წარმოადგენს აივ-1 და აივ-2 პროტეაზების ინჰიბიტორს. აივ პტოტეაზების ინჰიბირება ხელს უშლის ვირუსის ცილების სინთეზს, რაც იწვევს მოუმწიფებელი და დაინფიცირების უნარის არმქონე ვირუსის წარმოშობას.

 

ფარმაკოკინეტიკა: ლოპინავირის რიტონავირთან კომბინაციაში ფარმაკოკინეტიკურმა გამოკვლევებმა ჯანმრთელ უფროს მოხალისეებსა და აივ ინფიცირებულებში არ გამოავლინა რაიმე მნიშვნელოვანი განსხვავებები ამ ორ ჯგუფს შორის.

 

აბსორბცია: კალეტრას მიღებისას დოზით 400/100მგ დღეში ორჯერ 3-4 კვირის განმავლობაში საკვების ყოველგვარი შეზღუდვის გარეშე სისხლის პლაზმაში მაქსიმალური კონცენტრაციის საშუალო მნიშვნელობა (Cmax) შეადგენს 9.6+4.4 მკგ/მლ და იგი მიიღწევა პრეპარატის მიღებიდან 4 საათის შემდეგ. პრეპარატის წონასწორული კონცენტრაციის საშუალო მნიშვნელობამ სისხლის პლაზმაში დილის დოზის მიღებამდე შეადგინა 5.5+4,0 მკგ/მლ. ლოპინავირის ირიბი კონცენტრაცია-დროის (AUC) ფართობი დოზირების 12 საათიანი ინტერვალისას შეადგენს საშუალოდ 82,8+44,5მკგ ხ სთ/მლ. ლოპინავირის რიტონავირთან კომბინაციაში აბსოლუტური ბიოშეღწევადობა ადამიანში დადგენილი არ არის. პერორალურად მიღებული პრეპარატის აბსორბციაზე საკვების გავლენა: კალეტრას ერთჯერადი მიღება კაფსულის სახით დოზით 400/100მგ ზომიერად ცხიმიან საკვებთან ერთად (500-682 კკალ, 22,7-25,1% ცხიმების ხარჯზე) იწვევს ლოპინავირის AUC საშუალო მნიშვნელობის მომატებას 48%-ით და მისი Cmax გაზრდას 23%-ით უზმოზე პრეპარატის მიღებასთან შედარებით. კალეტრას მიღება ისეთ საკვებთან, რომელიც შეიცავს ცხიმების დიდ რაოდენობას (872კკალ, 55.8% ცხიმების ხარჯზე), იწვევს ლოპინავირის AUC და Cmax მნიშვნელობების მომატებას: რბილი კაფსულებისთვის 96%-ით და 43%-ით შესაბამისად, ხოლო ხსნარისათვის 130%-ით და 56%-ით. იმისათვის, რომ გაიზარდოს ბიოშეღწევადობა და შემცირდეს აბსორციის ვარიაბელურობა, პრეპარატი კალეტრა მიღებულ უნდა იქნას ჭამის დროს.

 

განაწილება: სისხლის პლაზმაში წონასწორული კონცენტრაციისას ლოპინავირი დაახლოებით 98-99%-ით უკავშირდება ცილებს. ლოპინავირი უკავშირდება ალფა-1-მჟავას გლიკოპროტეინს და ალბუმინს, მაგრამ გააჩნია მაღალი ეფექტურობა ალფა-1 მჟავას გლიკოპროტეინის მიმართ. სტაბილური წონასწორული კონცენტრაციის მდგომარეობაში, ლოპინავირის კავშირი ცილებთან რჩება მუდმივი, რომლებიც სისხლში განისაზღვრება კალეტრას მიღების შემდეგ დოზით 400/100მგ დღეში ორჯერ.

 

მეტაბოლიზმი: ლოპინავირი უპირატესად განიცდის დაჟანგვას ღვიძლის ციტოქრომ P450 სისტემის მონაწილეობით CYP3A იზოფერმენტის ზემოქმედებით. რიტონავირი არის CYP3A ინჰიბიტორი და იგი აფერხებს ლოპინავირის მეტაბოლიზმს, რაც უზრუნველყოფს სისხლის პლაზმაში ლოპინავირის კონცენტრაციის მომატებას. ადამიანის სისხლის პლაზმაში აღმოჩენილ იქნა ლოპინავირის 13 ჟანგვითი მეტაბოლიტი. 4-ოქსო და 4-ჰიდროქსიმეტაბოლიტური იზომერული წყვილი წარმოადგენს ძირითად მეტაბოლიტებს, რომლებსაც გააჩნიათ ანტივირუსული აქტივობა. ლოპინავირის კონცენტრაციები პრეპარატის მრავალჯერადი მიღებისას სტაბილიზდება 10-14 დღის განმავლობაში.

 

გამოყოფა: 14C-ლოპინავირის/რიტონავირის 400/100მგ დოზის ერთჯერადი მიღების შემდეგ დაახლოებით 10.4+2.3% მიღებული 14C-ლოპინავირის დოზისა ვლინდება შარდში და 82.6+2.5% ფეკალიებში, ხოლო უცვლელი ლოპინავირის რაოდენობა შესაბამისად შეადგენს 2.2% და 19.8%. მრავალჯერადი მიღების შემდეგ, ლოპინავირის დოზის 3%-ზე ნაკლები გამოიყოფა უცვლელი სახით შარდთან ერთად. ლოპინავირის ნახევარგამოყოფის პერიოდი შეადგენს 5-6 საათს ხოლო მისი კლირენსი პრეპარატის პერორალური მიღებისას უტოლდება 6-7 ლ/სთ-ში.

 

პაციენტთა განსაკუთრებული ჯგუფები ბავშვები: ფარმაკოკინეტიკური მონაცემები 2 წლამდე ასაკის ბავშვებში შეზღუდულია. პრეპარატ კალეტრას ფარმაკოკინეტიკა შესწავლილ იქნა 6 თვიდან 12 წლამდე ასაკის 53 ბავშვში 300/75 მგ/მ2 დოზით დღეში ორჯერ და 230/57,5მგ/მ2 დოზის დღეში ორჯერ მიღებისას. სისხლში წონასწორული კონცენტრაციისას ლოპინავირის AUC, Cmax და Cmin მნიშვნელობები შეადგენდა 72,6+31,1მკგხსთ/მლ-ს, 8,2+2,9 და 3,4+2,1მკგ/მლ-ს შესაბამისად კალეტრას მიღების შემდეგ დოზით 230/57,5მგ/მ2 დღეში ორჯერ. კალეტრას დოზირება 230/75,5 მგ/მ2 დღეში ორჯერ უზრუნველყოფს ლოპინავირის კონცენტრაციას სისხლის პლაზმაში, რომელიც შეესაბამება ისეთ მოზრდილ პაციენტებს, რომლებსაც ენიშნებათ პრეპარატი დოზით 400/100მგ დღეში ორჯერ.

 

სქესი, რასა და ასაკი: პრეპარატ კალეტრას ფარმაკოკინეტიკა ხანდაზმული ასაკის ადამიანებში შესწავლილი არ არის. არც ასაკით და არც სქესის მიხედვით მოზრდილ ავადმყოფებში ფარმაკოკინეტიკური განსხვავებები გამოვლენილი არ არის.

 

თირკმლის უკმარისობა: პრეპარატ კალეტრას ფარმაკოკინეტიკა თირკმლის უკმარისობით დაავადებულ ავადმყოფებში შესწავლილი არ არის, მაგრამ, ვინაიდან ლოპინავირის და რიტონავირის თირკმლის კლირენსი უმნიშვნელოა, არ არის მოსალოდნელი მათი კონცენტრაციების მომატება იმ პაციენტთა სისხლის პლაზმაში, რომლებსაც აღენიშნებათ თირკმლის უკმარისობა. ღვიძლის უკმარისობა: კალეტრა ძირითადად მეტაბოლიზირდება და გამოიყოფა ღვიძლით. იგი შესწავლილი არ არის ღვიძლის უკმარისობით დაავადებულ პაციენტებში. (იხ. ნაწილი სპეციალური გაფრთხილებები და სიფრთხილის ზომები).

 

მიღების ჩვენებები: კალეტრა ნაჩვენებია ადამიანის იმუნოდეფიციტის ვირუსით ინფიცირებულ (აივ) მოზრდილ პაციენტებში და 2 წელზე უფროსი ასაკის ბავშვების სამკურნალოდ კომბინაციაში სხვა პრეპარატებთან, რომლებიც გამოიყენება აივ-ინფექციის სამკურნალოდ. კალეტრას გამოყენების დიდი გამოცდილება დაგროვილია პაციენტებში, რომლებიც სხვა ანტივირუსულ პრეპარატებს ადრე არ იღებდნენ. კალეტრას შერჩევა პაციენტების სამკურნალოდ, რომლებიც ინფიცირებულნი არიან აივ-1 და რომლებიც ადრე იღებდნენ პროტეაზის ინჰიბიტორებს, უნდა ეფუძნებოდეს ვირუსის რეზისტენტობის ინდივიდუალურ განსაზღვრას და წინამორბედ თერაპიას (იხ. ნაწილები სპეციალური გაფრთხილებები და სიფრთხილის ზომები და ფარმაკოდინამიკა).

 

დოზირება და მიღების წესი: პრეპარატი კალეტრა ინიშნება ექიმ-სპეციალისტის მიერ. რბილი კაფსულები მოზრდილები და მოზარდები: პრეპარატის რეკომენდებული დოზაა 400/100მგ (3 კაფსულა) დღეში ორჯერ ჭამის დროს. ხსნარი გამოიყენება იმ პაციენტებში, რომლებსაც ყლაპვასთან დაკავშირებული სირთულეები აქვთ. ბავშვები (2 წლის ასაკის ზევით): ბავშვებისათვის, რომელთა სხეულის ზედაპირი 1,3მ2 და მეტია პრეპარატის რეკომენდებული დოზაა 3 კაფსულის მიღება დღეში ორჯერ ჭამის დროს. ბავშვებს, რომელთა სხეულის ზედაპირი შეადგენს 1.3მ2-ზე ნაკლებს, ენიშნებათ ხსნარი პერორალურად მიღებისათვის*. * სხეულის ზედაპირის ფართობი (BSA) გამოითვლება შემდეგი ფორმულით: BSA(მ2) = (სიმაღლე (სმ) ხ სხეულის მასა (კგ)/3600). 2 წლამდე ასაკის ბავშვები: პრეპარატის კალეტრა გამოყენება 2 წლამდე ასაკის ბავშვებში რეკომენდებული არ არის უსაფრხოებისა და ეფექტურობის შესახებ მცირე მონაცემების არსებობის გამო. როგორც კი ბავშვი ყლაპვას შეძლებს, შინაგნით მისაღები ხსნარის მაგივრად შეიძლება დაინიშნოს პრეპარატ კალეტრას კაფსულებ.

 

შინაგანი მიღების ხსნარი: უფროსები: რეკომენდებული დოზაა 5მლ ხსნარი (400/100მგ) დღეში ორჯერ ჭამის დროს. ბავშვები (2 წლის ასაკის ზევით): კალეტრას რეკომენდებული დოზა არის 230/57.5 მგ/მ2 დღეში ორჯერ საკვებთან ერთად, მაქსიმალური დოზა შეადგენს დღეში ორჯერ 400/100მგ. 230/57.5 მგ/მ2 დოზა შეიძლება არასაკმარისი იყოს იმ ბავშვებში, რომლებიც იმავდროულად იღებენ ნევირაპინს ან ეფავირ