სავაჭრო დასახელება: იბუზამი

 

აღწერა: თეთრი ან თითქმის თეთრი ფერის ოვალური ტაბლეტები ერთ მხარეზე ნაზოლით.

 

შემადგენლობა:1 ტაბლეტი შეიცავს: იბუზამი 400.0 მგ პარაცეტამოლი 325.0 მგ

დამხმარე ნივთიერებები: სიმინდის სახახმებელი, ნატრიუმის ბენზოარი, პოვიდონი, გასუფთავებული ტალკი, მანგიუმის სტეარატი, ნატრიუმის სახამებლის გლიკოლატი, კაჟბადის კოლოიდური უწყლო. გამოშვების ფორმა: ტაბლეტები ფარმაკოთერაპიული ჯგუფი: არასტეროიდული ანთების საწინააღმდეგო პრეპარატი (აასპ).

 

ათქ კოდი: M01AE51.

 

გამოყენების ჩვენებები: გამოიყენება სხვადასხვა გენეზის ზომიერად გამოხატული ტკივილის სინდრომისას (ოსტეოართროზის, ართროპატიების, ოსტეოქონდროზის, თავის და კბილის ტკივილის დროს, ნევალგიის, მიალგიის, მყესების დაჭიმულობის დროს, ამოვარდნილობებისას და მოტეხილობებისას, დისკენორეას დროს, პოსტოპერაციულ პერიოდში ტკივილების დროს). საშუალო ინტენსივობის ტკივილის სინდრომისას დეგენერაციული ჩონჩხ-კუნთოვანი დაავადებისას (ოსტეოართროზი, ოსტეოქონდროზი, სპონდილოზი და სხვ.); რევმატული ართრიტის გამწვავება და სხვა ანთებითი არტროპათიისას; რბილი ქსოვილის არასახსროვანი რევმატიული დაზიანებებისას (მიოზიტი, ფიბრომიალგია და სხვა); ტრავმების (დაზიანება, მოტეხილობა და ამოვარდნილობა, მყესების დაჭიმულოდა და ა.შ.) და ოპერაციებისას; პოსტოპერაციულ პერიოდში; ნევრალგია, მიალგია, ლუმბაგო, ფიბროზიტი, ტენდოვაგინიტი, კბილის ტკივილი (კარიესი, პერიოდინტიტი, კბილის ექსტრაქციის შემდეგ); თავის ტკივილი, სხეულის ტკივილი და ცხელება; დისმენორეა; ცხელება ინფექციურ-ანთებითი დაავადებებისას. პრეპარატის სიცხის დამწევი საშუალების სახით მიღების მიზანშეწონილობა ყოველ შემთხვევაში განისაზღვრება სიმპტომების, ცხელების ხასიათის და ამტანობის მიხედვით.

გამოყენების წესი და დოზირება: მიიღება შიგნით, საკვების მიღების შემდეგ. უფროსებში და 14 წელზე ზემოთ ბავშვებში მიიღება ერთი ტაბლეტი 3 ჯერ დღეში, დიდი რაოდენობით წყლის მიყოლებით. მაქსიმალური ერთჯერადი დოზა - 2 ტაბლეტი, მაქსიმალური დღიური დოზა - 6 ტაბლეტი. მიღებებს შორის ინტერვალი- მინიმუმ 4 საათი. თირკმელების ან ღვიძლის ფუნქციის დარღვევისას პრეპარატის მიღებებს შორის ინტერვალი უნდა შეადგენდეს მინიმუმ 8 სთ-ს. პრეპარატის მიღება არ შეიძლება 5 დღეზე მეტ ხანს, როგორც ტკივილგამაყუჩებელი საშუალება და 3 დღეზე მეტ ხანს, როგორც სიცხის დამწევი საშუალება ექიმის მეთვალყურეობის გარეშე.

გვერდითი მოქმედებები: ხანდახან შესაძლოა ალერგიული რეაქციები კანზე (გამონაყარი, ქავილი, ჭინჭრის ცხელება), ტკივილი კუჭის არეში, ღებინება, თავის ტკივილი, თავბრუსხვევა, მხედველობის დარღვევა. მაღალი დოზებით ხანგრძლივი გამოყენებისას შესაძლოა განვითარდეს ღვიძლისა და თირკმელების ფუნქციის დარღვევა, კუჭ-ნაწლავის ტრაქტის ეროზიულ-წყლულოვანი დაზიანება, ასევე სისხლის სისტემის დარღვევა (თრომბოციტოპენია).

 

უკუჩვენებები: მომატებული ინდივიდუალური მგრძნობელობა პრეპარატის კომპონენტების მიმართ; - კუჭისა და თორმეტგოჯა ნაწლავის წყლულოვანი დაავადება გამწვავების ფაზაში. - კუჭ-ნაწლავის სისხლდენა; - ღვიძლისა და თირკმელების გამოხატული დარღვევა; - ბრონქული ასთმა (ასპირინზე დამოკიდებულება); - მხედველობის ნერვის დაზიანება; -გლუკოზა-6 ფოსფატდეჰიდროგენაზის გენეტიკური არ არსებობა; - სისხლის სისტემის დაავადება; - 14 წლამდე ასაკი; - ორსულობა - ლაქტაციის პერიოდი

 

ჭარბი დოზირება: სიმპტომები: ღებინება, გულისრევა, კუჭის ტკივილი, რთულ შემთხვევებში ღვიძლის უკმარისობის განვითარება და კომური მდგომარეობა. ზემოთაღნიშნული სიმპტომების გამოვლენისას დაუყონებლივ მიმართეთ ექიმს. პრეპარატის ჭარბი დოზირებისას უნდა შეწყვიტოთ მისი მიღება, აუცილებლად უნდა გამოირეცხოთ კუჭი პირველი 4 საათის განმავლობაშ, საჭიროა ადსორბენტების მიღება, ისეთი საშუალებების შეყვანა, რომლებიც ზრდიან გლუტატიონის წარმოქმნას (აცეტილცისტეინი ვენაში ან ორალურად პირველი 12 საათის განმავლობაში ) და სიმპტომური თერაპიის ჩატარება.

 

უსაფრთხოების ზომები: პრეპარტი მიიღება სიფრთხილით ღვიძლის და თირკმლის ფუნქციის დარღვევის მქონე პაციენტებში, გულის ქრონიკული უკმარისობისას, აგრეთვე პირებში, რომლებიც ღებულობენ ანტიკოაგულურ პრეპარატებს და ორალურ ჰიპოგლიკემიურ პრეპარატებს. პრეპარტის ხანგრძლივი დროით გამოყენებისას (5 დღეზე მეტი ხნით) აუცილებელია პერიფერიული სისხლის და ღვიძლის ფუნქციონალური კონტროლი.

ურთიერთზემოქმედება: სხვა პრეპარატებთან: ხანგრძლივი კომბინირებული გამოყენება პარაცეტამოლთან ერთად ზრდის ნეფროზული ეფექტების განვითარების რისკს. ეთანოლთან, გლუკო-კორტიკოსტეროიდულ საშუალებებთან, კოტრიკოტროპინთან შერწყმა ზრდის კუჭ-ნაწლავის ტრაქტის ეროზიულ-წყლულოვან დაზიანებას. კოფეინი აძლიერებს იბუპროფენის ანალგეზურ მოქმედებას. უნდა მოერიდოთ იბუზამის და სხვა არასტეროიდული ანთების საწინააღმდეგო საშუალებების, ბარბიტურატების, კრუნჩხვების საწინააღმდეგო პრეპარატების, რიფამპიცინის ერთად მიღებას. იბუზამმა შესაძლოა შეასუსტოს ფუროსემიდის და თიაზიდური დიურეზულების შარდმდენი მოქმედება, გააძლიეროს ქლორამფენიკოლის (ლევომიცეტინის) ციტოტოქსიურობა.

 

ორსულობა და ლაქტაცია: იბუზამის გამოყენება ორსულობის და ლაქტაციის დროს უკუნაჩვენებია. მკურნალობის დროს უნდა შეწყდეს ლაქტაცია.

 

შენახვის პირობები და ვარგისიანობის ვადა: ინახება ნესტისა და სინათლისაგან დაცულ ადგილას არაუმეტეს 25°ჩ ტემპერატურაზე, ბავშვებისაგან მიუწვდომელ ადგილას. 3 წელი. არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

 

აფთიაქიდან გაცემის წესი: გაიცემა ექიმის რეცეპტის გარეშე

 

შეფუთვა: 10 ტაბლეტი ბლისტერში, 1 ან 2 ბლისტერი ფურცელჩანართთან ერთად მოთავსებულია მუყაოს კოლოფში.

 

მწარმოებლის ინფორმაცია: დეფი ჰელსკერ პვტ ლტდ, ინდოეთი