შემადგენლობა

ჰერბექსის ერთი ტაბლეტი შეიცავს: 
აქტიური ნივთიერებები:
პარაცეტამოლი – 325 მგ
ქლორფენირამინის მალეატი – 10 მგ
ასკორბინის მჟავა – 100 მგ.
დამხმარე ნივთიერებები: 
სიმინდის სახამებელი, ჟელატინიზებული სახამებელი, თიოშარდოვანა, 3% ჰიდროქსიპრომილმეთილცელულოზა, ნატრიუმის სახამებლის გლიკოლატი (ტიპი A), მაგნიუმის სტეარატი, სილიციუმის დიოქსიდი, ნატრიუმის კარბოქსიმეთილ-ცელულოზა.

ფარმაკოლოგიური თვისებები
ჰერბექსი კომბინირებული პრეპარატია, რომელიც შეიცავს პარაცეტამოლსა და ქლორფენირამინის მალეატს, რის გამოც აქვს ტკივილგამაყუჩებელი, სიცხის დამწევი და ანტიჰისტამინური (H1) მოქმედება. ჰერბექსში შემავალი ასკორბინის მჟავა მონაწილეობს ჟანგვითაღდგენითი პროცესების რეგულაციაში, ამცირებს სისხლძარღვთა გამტარობას და ზრდის ორგანიზმის წინააღმდეგობას.

ჩვენებები
გაციების, გრიპის და ინფექციურ-ანთებითი დაავადებების (მწვავე რესპირატორული დაავადებები, გრიპი) სიმპტომური თერაპია, რომელიც მიმდინარეობს:
– მაღალი ტემპერატურით;
– ციებ-ცხელებით;
– თავის ტკივილით;
– რინიტით (სურდო);
– ცემინებით;
– კუნთების ტკივილით.

მიღების წესები და დოზები
მოზრდილებში - 1 ტაბლეტი 4-ჯერ დღეში. 
მაქსიმალური დოზაა 4 ტაბლეტი დღე-ღამის განმავლობაში. 
ბავშვებში 12-დან 15 წლამდე - 1 ტაბლეტი 2-ჯერ დღეში.
მაქსიმალური დოზაა 2 ტაბლეტი დღე-ღამის განმავლობაში.
მკურნალობა გრძელდება არა უმეტეს 3-5 დღე.

გვერდითი მოვლენები
ჰერბექსს ახასიათებს კარგი ამტანობა. იშვიათად შესაძლებელია პირის სიმშრალე, გულისრევის შეგრძნება, თავის ტკივილი, ალერგიული რეაქცია (გამონაყარი კანზე, ქავილი, ჭინჭრის ციება), ძილიანობა.

უკუჩვენება
პრეპარატი არ გამოიყენება:
• პრეპარატის რომელიმე კომპონენტის მიმართ მომატებული მგრძნობელობის შემთხვევაში;
• სისხლის დაავადების დროს;
• ფერმენტის – გლუკოზა-6-ფოსფატდეჰიდროგენაზას დეფიციტის შემთხვევაში;
• ორსულობისა (I და II ტრიმესტრი) და ლაქტაციის პერიოდში.

განსაკუთრებული მითითებები
ჰერბექსის მიღება ორსულობისა და ლაქტაციის პერიოდში არ არის რეკომენდებული. 
პრეპარატი სიფრთხილით ინიშნება კორონარული არტერიების გამოხატული ათეროსკლეროზის, ჰიპერთირეოზის, შაქრიანი დიაბეტის მძიმე ფორმების და შინაგან ორგანოთა მძიმე ფუნქციური დარღვევების დროს.
არ შეიძლება ჰერბექსის მიღება პარაცეტამოლის შემცველ სხვა პრეპარატებთან ერთად. ღვიძლის ფერმენტების მაინდუცირებელი მოქმედების სამკურნალო საშუალებები (ზოგიერთი საძილე და კრუნჩხვების საწინააღმდეგო პრეპარატი, რიფამპიცინი, ეთანოლი) პარაცეტამოლთან კომბინაციაში აძლიერებენ მის ჰეპატოტოქსიკურობას. 
მკურნალობის პერიოდში რეკომენდებული არ არის ავტომობილის ან სხვა ისეთი მექანიზმის მართვა, რომელიც მოითხოვს სწრაფ ფსიქომოტორულ რეაქციას.

შენახვის პირობები და ვადები
შეინახეთ ბავშვებისათვის მიუწვდომელ, მშრალ ადგილას, 10-25oC-მდე ტემპერატურაზე.
ვარგისობის ვადა: 3 წელი. 
არ გამოიყენოთ პრეპარატი შეფუთვაზე მითითებული ვარგისიანობის ვა¬დის გასვლის შემდეგ.

აფთიაქში გაცემის წესი
ურეცეპტოდ (III ჯგუფი)საერთაშორისო დასახელება (აქტიური ნივთიერება): paracetamol, phenylephrine, chlorpheniramine, ascorbic acid
კლინიკურ-ფარმაკოლოგიური ჯგუფი: პულმონოლოგია → გაციების დროს გამოსაყენებელი საშუალებები → პრეპარატები სისტემური გამოყენებისათვის
მწარმოებელი კომპანია: Slavia Pharm S.R.L
მწარმოებელი ქვეყანა: რუმინეთი
გამოშვების ფორმა: ტაბლეტი №20
გაცემის რეჟიმი: III ჯგუფი (ურეცეპტოდ)