შემადგენლობა:

1 მლ ხსნარი შეიცავს 0.5 მგ ქსილომეტაზოლინის ჰიდროქლორიდს.

 

დამხმარე ნივთიერებებია:

ბენზალკონიუმის ქლორიდის ხსნარი 50 %, ლიმონმჟავას მონოჰიდრატი, გლიცეროლი 85 %, ნატრიუმის ციტრატი 2H2O, გამოხდილი წყალი.

 

ფარმაკოლოგიური თვისებები:

გრიპოსტადი® რინოს მოქმედი ნივთიერება _ ქსილომეტაზოლინი _ მიეკუთვნება პირდაპირი მოქმედების სიმპატომიმეტური საშუალებების ჯგუფს და ამსუბუქებს ცხვირის გაჭედვის სიმპტომებს.

 

ჩვენებები:

ნაზალური ლორწოვანი გარსის შეშუპების შესამცირებლად, გაციების, სურდოს შეტევისა (ვაზომოტორული რინიტი) და ალერგიული რინიტის დროს. გრიპოსტადი® რინო განკუთვნილია 2-დან 6 წლამდე ასაკის ბავშვებისათვის.

 

წინააღმდეგჩვენება:

მომატებული მგრძნობელობა ქსილომეტაზოლინისა ან გრიპოსტადი® რინოს ნებისმიერი დამხმარე ნივთიერების მიმართ. _ ცხვირის ლორწოვანი გარსის "მშრალი" ანთება (მშრალი რინიტი). _ 2 წლამდე ასაკის ბავშვებში.

 

სიფრთხილის ზომები:

პრეპარატი გამოყენებული უნდა იქნას მხოლოდ მოსალოდნელი სარგებელისა და პოტენციური რისკის საგულდაგულო შეფასების შემდეგ: _ თუ თქვენ მკურნალობთ მონოამინოოქსიდაზას ინჰიბიტორებითა (მაო) ან სისხლის წნევის პოტენციურად ამწევი სხვა მედიკამენტებით. _ დახურულკუთხოვანი გლაუკომა. _ მძიმე კარდიოვასკულური დაავადებები (მაგ. გულის იშემიური დაავადება, ჰიპერტენზია). _ თირკმელზედა ჯირკვლის ტვინოვანი ნივთიერების არანამკურნალევი ჰორმონ-მაპროდუცირებელი სიმსივნე _ ფეოქრომოციტომა. _ თუ თქვენ გაწუხებთ მეტაბოლური დარღვევები (მაგ.: ჰიპერთირეოიდიზმი, დიაბეტი). მოერიდეთ ხანგრძლივად გამოყენებასა და დოზის გადაჭარბებას, განსაკუთრებით, ბავშვებში. ამ მედიკამენტის მიღება შესაძლებელია 2-დან 6 წლამდე ასაკის ბავშვებისათვის და შედარებით მაღალ დოზებში_ მხოლოდ ექიმის მეთვალყურეობით. კონსერვანტმა (ბენზალკონიუმის ქლორიდმა), რომელიც შედის ამ პრეპარატში, შესაძლებელია, გამოიწვიოს ცხვირის ლორწოვანი გარსის შეშუპება, განსაკუთრებით, პროლონგირებული გამოყენებისას. თუ თქვენ ეჭვი გაქვთ ასეთი სახის რეაქციაზე (მუდმივად გაჭედილი ცხვირი), თუ შესაძლებელია, უნდა გამოიყენოთ ნაზალური პრეპარატი ამ კონსერვანტის გარეშე. თუ არ არის ხელმისაწვდომი ნაზალური მედიკამენტები, რომლებიც არ შეიცავს ამ კონსერვანტს, გამოყენების სხვა ფორმა უნდა იქნას მიღებული. სიმპატომიმეტური დეკონგესტანტების (წამლების ჯგუფი, რომელსაც მიეკუთვნება გრიპოსტადი® რინო) ხანგრძლივმა მიღებამ შესაძლებელია, საბოლოოდ გამოიწვიოს ნაზალური ლორწოვანი გარსის ქრონიკული გაუვალობა (მედიკამენტოზური რინიტი) მის ატროფიამდეც კი (ოზენა).

 

ორსულობა და ლაქტაციის პერიოდი:

თუ თქვენ ორსულად ხართ, არ შეიძლება გრიპოსტადი® რინოს მოქმედი ნივთიერების, ქსილომეტაზოლინის გამოყენება, რადგანაც არ არის დამტკიცებული მისი უსაფრთხოება ნაყოფისათვის. ქსილომეტაზოლინის მიღება ძუძუთი კვების დროს არ არის ნაჩვენები, რადგანაც უცნობია, გამოიყოფა თუ არა მედიკამენტი დედის რძესთან ერთად.

 

ავტომობილის მართვისა და მექანიზმების გამოყენების უნარზე ზემოქმედება:

არ არის გამორიცხული, რომ გრიპოსტადი® რინოს შემადგენლობაში შემავალი გაციების საწინააღმდეგო საშუალებების პროლონგირებულმა, ან მაღალი დოზებით გამოყენებამ ზემოქმედება მოახდინოს გულ-სისხლძარღვთა და ნერვულ სისტემებზე. ამ შემთხვევაში, სუსტდება ავტომობილების მართვისა და მექანიზმებთან მუშაობის უნარი. განსაკუთრებით უნდა გახსოვდეთ, რომ ალკოჰოლი კიდევ უფრო მეტად აუარესებს საგზაო მოძრაობაში თქვენი მონაწილეობის უნარს.

 

ურთიერთქმედება სხვა სამკურნალო საშუალებებთან:

გთხოვთ, შეატყობინოთ თქვენს ექიმსა ან ფარმაცევტს, თუ ამჟამად ან წარსულში ღებულობდით სხვა მედიკამენტებს, იმ შემთხვევაშიც კი, თუ ისინი გაიცემა ურეცეპტოდ. გრიპოსტადი® რინოსა და ზოგიერთი ანტიდეპრესანტის (ტრანილციპრომინის ტიპის მაო-ს ინჰიბიტორები ან ტრიციკლური ანტიდეპრესანტები) ერთდროულმა მიღებამ შესაძლებელია გამოიწვიოს სისხლის წნევის მომატება ამ პრეპარატების კარდიოვასკულური ეფექტების გამო.

 

გამოყენების წესი და დოზირება:

გამოიყენება ნაზალურად. 2-დან 6 წლამდე ასაკის ბავშვებს, თუ სხვაგვარად არ არის დანიშნული, ჩააწვეთეთ 1-2 წვეთი თითოეულ ნესტოში სამჯერ დღეში. გრიპოსტადი® რინოს მიღება არ შეიძლება 5 დღეზე მეტ ხანს ექიმის რჩევის გარეშე. Aამ სამედიცინო პროდუქტის ხელმეორედ გამოყენებამდე მოიცადეთ რამდენიმე დღე. ექიმს ყოველთვის უნდა ჰკითხოთ რჩევა ბავშვებში მკურნალობის ხანგრძლივობასთან დაკავშირებით. ქრონიკული სურდოს შემთხვევაში გრიპოსტადი® რინოს მიღება შესაძლებელია მხოლოდ სამედიცინო დაკვირვებით ნაზალური ლორწოვანი გარსის ატროფიის რისკის არსებობის გამო. ჭარბი დოზირება გუგების გაფართოება (მიდრიაზი), გულისრევა, ღებინება, ტუჩების გალურჯება (ციანოზი), ცხელება, კრუნჩხვები, გულისცემის გახშირება (ტაქიკარდია), კარდიალური არითმია, ცირკულატორული კოლაფსი, გულის გაჩერება, სისხლის წნევის მომატება (ჰიპერტენზია), ფილტვების (პულმონური) შეშუპება, სუნთქვის დარღვევა, ფსიქიკური მოშლილობები. ასევე შესაძლებელია, გამოვლინდეს: ცენტრალური ნერვული სისტემის ფუნქციების დათრგუნვა ძილიანობით, სხეულის ტემპერატურის დაქვეითება, გულის რითმის შენელება (ბრადიკარდია), სისხლის წნევის შოკის მსგავსი დაქვეითება (ჰიპოტენზია), სუნთქვის გაჩერება (აპნოე) და კომა. დოზის ძლიერი გადაჭარბების შემთხვევაში, გთხოვთ, დაუყოვნებლივ დაუკავშირდეთ ექიმს, რომელიც მიიღებს საჭირო ზომებს, როგორიცაა გააქტივებული ნახშირის მიღება, გასტრალური ლავაჟი, ჟანგბადით ვენტილაცია მაღალი წნევის ქვეშ; ასევე აუცილებელია ცხელებისა და კრუნჩხვების მკურნალობა. არ მიიღოთ ორმაგი დოზა მომდევნო დალევისას, განაგრძეთ პრეპარატის მიღება ჩვეულებრივი რეჟიმით, როგორც ეს მოცემულია დოზირების სქემაში.

 

გვერდითი მოვლენები:

ძალიან ხშირი: 10 ნამკურნალევი პაციენტიდან ერთზე მეტში. ხშირი: 10 ნამკურნალევი პაციენტიდან ერთზე ნაკლებში, ხოლო 100-დან_ერთზე მეტში. არახშირი: 100 ნამკურნალევი პაციენტიდან ერთზე ნაკლებში, ხოლო 1000-დან_ერთზე მეტში. იშვიათი: 1000 ნამკურნალევი პაციენტიდან ერთზე ნაკლებში, ხოლო 10000დან_ერთზე მეტში. ძალიან იშვიათი: 10000 ნამკურნალევი პაციენტიდან ერთზე ნაკლებში, ცალკეული შემთხვევების ჩათვლით. სასუნთქი სისტემა გრიპოსტადი® რინომ შესაძლებელია, გამოიწვიოს გარდამავალი, მსუბუქი გაღიზიანება (ცხვირის ლორწოვანი გარსის წვა, ან სიმშრალე), განსაკუთრებით, მგრძნობიარე პაციენტებში. არსებობს შებრუნებითი გაჭედვის (რეაქტიული ჰიპერემია) ერთეული შემთხვევები დეკონგესტანტების მოქმედების შეწყვეტის შემდეგ. გრიპოსტადი® რინოს ხანგრძლივმა, ხშირმა და/ან მაღალი დოზებით მიღებამ შესაძლებელია გამოიწვიოს ცხვირის ლორწოვანი გარსის წვა ან სიმშრალე, ასევე რეაქტიული გაჭედვა მედიკამენტოზური რინიტის განვითარებით. ეს ეფექტი შესაძლებელია, გამოვლინდეს მხოლოდ 5 დღიანი მკურნალობის შემდეგ და პრეპარატის მიღების გაგრძელების შემთხვევაში, გამოიწვიოს ლორწოვანის მუდმივი დაზიანება ფუფხების წარმოქმნით (მშრალი რინიტი). ნერვული სისტემა: ძალიან იშვიათად, ან ცალკეულ შემთხვევებში აღინიშნება თავის ტკივილი, უძილობა, ან დაღლილობა. გულ-სისხლძარღვთა სისტემა: ადგილობრივმა ინტრანაზალურმა გამოყენებამ იშვიათად შეიძლება გამოიწვიოს სისტემური სიმპატომიმეტური ეფექტები, როგორიცაა გულის ფრიალი, გულისცემის სიხშირისა ან სისხლის წნევის მომატება. თუ თქვენ გამოგივლინდათ ისეთი გვერდითი მოვლენა, რომელიც არ არის აღწერილი ამ ჩანართში, აუცილებლად შეატყობინეთ თქვენს ექიმსა ან ფარმაცევტს.

შენახვის პირობები:

ბავშვებისათვის მიუწვდომელ ადგილას. არ შეინახოთ +25°C-ზე მაღალ ტემპერატურაზე.

 

ვარგისიანობის ვადა:

3 წელი.

შეფუთვა:

გრიპოსტადი® რინო შეფუთვა შეიცავს 10 მლ ხსნარს.

 

აფთიაქიდან გაცემის წესი:

რეცეპტის გარეშე.

 

მწარმოებელი:

STADA Arzneimittel AG, Stadastraßev 2-18, 61118 Bad Vilbel, Germany ტელ: + 49 6101 603-0, ფაქსი: + 49 6101 603-259, ინტერნეტი: www.stada.de