ფერუმ ლეკი 100 მგ/2 მლ, კუნთში შესაყვანი ხსნარი / Ferrum Lek

ფერუმ ლეკი 100 მგ/2 მლ, კუნთში შესაყვანი ხსნარი /  Ferrum Lek
ანოტაციის მომწოდებელია
0
1
რეკომენდაცია
0შეფასება
40280ნახვა
სამკურნალო პრეპარატის დასახელება:
ფერუმ ლეკი 100 მგ/2 მლ, კუნთში შესაყვანი ხსნარი


საერთაშორისო არადაპატენტებული დასახელება:
IRON (III) - HYDROXIDE DEXTRAN COMPLEX
დექსტრანის კომპლექსური ნაერთი რკინის (III) ჰიდროქსიდთან


გამოშვების ფორმა:
კუნთში შესაყვანი ხსნარი


აღწერა:
ყავისფერი არაგამჭვირვალე  ხსნარი.


შემადგენლობა:
თითოეული ამპულა (2 მლ) შეიცავს 100 მგ რკინას, დექსტრანთან რკინის (III) ჰიდროქსიდის კომპლექსური ნაერთის სახით.
დამხმარე ნივთიერებები: ნატრიუმის ჰიდროქსიდი და ქლორწყალბადის მჟავა (pH-ის რეგულირებისთვის), საინექციო წყალი.


ფარმაკოლოგიური ჯგუფი:
ანემიის საწინააღმდეგო საშუალებები. საშუალებები რკინის საფუძველზე, პარენტერალური საშუალებები რკინის საფუძველზე.

პრეპარატის ათქ-კოდი: В03АС.


ფარმაკოლოგიური თვისებები:
ფარმაკოდინამიკა
კუნთში შეყვანის შემდეგ რკინის (III) ჰიდროოქსიდის ნაწილი მარაგდება ფერიტინის სახით, რომელიც წარმოიქმნება ღვიძლის მიტოქონდრიებში. ფერიტინი შედგება ცილის გარსისგან – აპოფერიტინისგან, რომელშიც რკინა არსებობს რკინის ჟანგის ფოსფატის ჰიდრატირებული მიცელების სახით.
რკინის ტრანსპორტი პლაზმაში ხორციელდება ტრანსფერინის ბეტა-გლობულინის დახმარებით, რომლის სინთეზი ღვიძლში ხორციელდება. ტრანსფერინის თითოეული მოლეკულა უკავშირდება რკინის ორ ატომს. რკინა ტრანსფერინთან კომპლექსში გადაიტანება ორგანიზმის უჯრედების მიმართულებით, სადაც იგი გამოიყენება გემოგლობინის, მიოგლობინისა და ზოგიერთ ფერმენტის სინთეზისთვის. ტრანსფერინი, ასევე არაპირდაპირ მონაწილეობას იღებს ორგანიზმის ინფექციებისგან დაცვაში.
დექსტრანისა და რკინის (III) ჰიდროოქსიდის კომპლექსური ნაერთის პარენტერალურად შეყვანის შემდეგ გემოგლობინის კონცენტრაცია უფრო სწრაფად მატულობს, ვიდრე რკინის (II) მარილების შინაგანად მიღების შემდეგ, მიუხედავად იმისა, რომ რკინის ათვისების კინეტიკა არ არის დამოკიდებული მისი შეყვანის მეთოდზე.
დექსტრანისა და რკინის (III) ჰიდროოქსიდის კომპლექსი ზომით საკმაოდ მსხვილია და იმიტომ არ გამოიყოფა თირკმლების დახმარებით. წარმოქმნილი კომპლექსური ნაერთი სტაბილურია და ფიზიოლოგიურ პირობებში რკინის იონებს არ გამოყოფს. რკინის ბმა პოლინუკლეალურ ბირთვებში ფიზიოლოგიურ პირობებში ფერიტინის ბმის მსგავსია.
არსებული მონაცემები ადასტურებენ მოსაზრებას იმის შესახებ, რომ ფერუმ ლეკი უზრუნველყოფს ისეთივე ფიზიოლოგიურ ცვლილებებს, რომლებიც აღინიშნება რკინის ბუნებრივად შეწოვის დროსაც.


ფარმაკოკინეტიკა:
კუნთში შეყვანის შემდეგ დექსტრანისა და რკინის (III) ჰიდროოქსიდის კომპლექსური ნაერთი აბსორბირდება ძირითადად ლიმფურ სისტემაში და აღწევს ცირკულირებადი სისხლის სისტემაში 3 დღე-ღამის შემდეგ. ბიოხელმისაწვდომობის შესახებ მონაცემების არარსებობის მიუხედავად, ცნობილია, რომ კუნთში შეყვანილი დექსტრანისა და რკინის (III) ჰიდროოქსიდის კომპლექსური ნაერთის შედარებით დიდი ნაწილი არ აბსორბირდება კუნთოვან ქსოვილში დიდი ხნის შემდეგაც. დექსტრანისა და რკინის (III) ჰიდროოქსიდის კომპლექსური ნაერთის ნახევარ გამოყოფის ბიოლოგიური პერიოდი შეადგენს 3-4 დღე-ღამეს.
დექსტრანისა და რკინის (III) ჰიდროოქსიდის მაკრომოლეკულურ კომპლექსს იჭერს რეტიკულოენდოთელური სისტემა და იშლება კომპონენტებად – რკინად და დექსტრანად. შემდეგ რკინა უკავშირდება ფერიტინს და ნაკლებად – ტრანსფერინს. შემდგომში ეს რკინა გამოიყენება ძვლის ტვინში გემოგლობინის სინთეზისთვის, ანუ მონაწილეობს ერითროპოეზში.
დექსტრანი ან განიცდის მეტაბოლიზმს, ან გამოიყოფა.
რკინა გამოიყოფა უმნიშვნელო ოდენობით.


გამოყენების ჩვენებები:
ყველა ფორმის რკინადეფიციტური მდგომარეობების მკურნალობა, თუ რკინის პერორალური პრეპარატები არაეფექტურია და (ან) ვერ აიტანება პაციენტების მიერ.
უკუჩვენებები
• ჰიპერმგრძნობელობა მოქმედი ნივთიერების, მოცემული პრეპარატის ან მისი ნებისმიერი დამხმარე ნივთიერების მიმართ;
• ანემია, რომელიც არ არის დაკავშირებული რკინის დეფიციტთან;
• რკინით გადატვირთვა ან რკინის უტილიზაციის დარღვევები.


განსაკუთრებული მითითებები და სიფრთხილის ზომები:
რკინის პრეპარატების პარენტერალურმა შეყვანამ შესაძლოა გამოიწვიოს ალერგიული ან ანაფილაქტოიდური რეაქციები, მათ შორის პოტენციურად ლეტალური.
აგრეთვე არსებობს შეტყობინებები რკინის პარენტერალური კომპლექსების შეყვანის შემდეგ ჰიპერმგრძნობელობის რეაქციების გაჩენის შესახებ, რაც მანამდე გართულებების გარეშე ხდებოდა.
ასთმის, ეგზემის, ანამნეზში რკინის პარენტელურ პრეპარატებზე ატოპიური ალერგიის გამოვლინებების ან ალერგიული რეაქციების მქონე პაციენტებში ეს პრეპარატი შეყვანილი უნდა იქნეს სიფრთხილით, რადგან მათში განსაკუთრებით მაღალია ალერგიული რეაქციის წარმოშობის რისკი.
მოცემული პრეპარატი უნდა შეყვანილ იქნეს მხოლოდ ისეთი პერსონალის არსებობისას, რომელსაც გააჩნია ანაფილაქსური რეაქციების გამოვლენისთვის და გადაუდებელი დახმარების გაწევისთვის საჭირო ცოდნა, ისეთ პირობებში, სადაც არსებობს სრული რეანიმაციური აღჭურვილობა. საჭიროა თვალყურის დევნება თითოეული პაციენტის არასასურველ რეაქციებზე პრეპარატის ყოველი შეყვანის შემდეგ სულ მცირე 30 წუთის განმავლობაში მაინც. თუ პრეპარატის გამოყენების დროს ჩნდება ჰიპერმგრძნობელობის რეაქციები ან აუტანლობის ნიშნები, მკურნალობა დაუყოვნებლივ უნდა შეწყდეს. ხელმისაწვდომი უნდა იყოს ანტიალერგიული პრეპარატები, გულ-ფილტვის რეანიმაციისთვის საჭირო საშუალებები და აღჭურვილობა მწვავე ანაფილაქსურ/ანაფილაქტოიდურ რეაქციებთან საბრძოლველად, მათ შორის ადრენალინის საინექციო ხსნარი 1:1000. აუცილებლობისას დამატებით შეიძლება გამოყენებულ იქნეს ანტიჰისტამინური პრეპარატები და/ან კორტიკოსტეროიდები.
რკინის პარენტერალურად შეყვანა მწვავე ან ქრონიკული ინფექციების დროს უნდა განხორციელდეს სიფრთხილით. ბაქტერიემიის დროს რეკომენდებულია ამ პრეპარატის მოხსნა. ქრონიკული ინფექციის მქონე პაციენტებში საჭიროა სარგებლიანობისა და რისკის თანაფარდობის შეფასება.
გამოცდილების არარსებობის გამო ფერუმ ლეკის ინექციების კუნთში შეყვანა 4 თვეზე უმცროსი ასაკის ბავშვებში არ არის რეკომენდებული.


ორსულობა და ლაქტაცია:
ადექვატური და კარგად კონტროლირებადი კვლევები რკინის ამ პარენტერალური პრეპარატის ორსულ ქალებში გამოყენებასთან დაკავშირებით არ ჩატარებულა. ცხოველებზე ჩატარებულმა კვლევებმა გამოავლინეს რეპროდუქციული ტოქსიკურობა.
მაშასადამე, ორსულობის დროს მის გამოყენებამდე საჭიროა რისკისა და სარგებლიანობის თანაფარდობის საგულდაგულოდ შეფასება. ამ პრეპარატის გამოყენება ორსულობის დროს შეიძლება მხოლოდ უპირობო აუცილებლობის შემთხვევაში.
რკინადეფიციტური ანემია, რომელსაც ადგილი აქვს ორსულობის პირველ ტრიმესტრში, უმეტეს შემთხვევაში შეიძლება განკურნებულ იქნეს შინაგანად მისაღები რკინის პრეპარატების დახმარებით. ამ პრეპარატით მკურნალობა უნდა შემოიფარგლოს ორსულობის მეორე და მესამე ტრიმესტრებით, თუ მისი გამოყენების სარგებლიანობა აღემატება პოტენციურ რისკს როგორც დედისთვის, ასევე ნაყოფისთვის.
უცნობია, აღწევს თუ არა პრეპარატი დედის რძეში, ამიტომ მისი გამოყენება ძუძუთი კვების დროს არ არის სასურველი.
ზეგავლენა სატრანსპორტო საშუალებებით მართვისა და მექანიზმებთან მუშაობის უნარზე
ზეგავლენა ნაკლებად სავარაუდოა. თუ მოცემული პრეპარატის გამოყენების შემდეგ ჩნდება ისეთი სიმპტომები, როგორებიცაა თავბრუსხვევა, გონების არევ-დარევა ან გულის წასვლის წინა მდგომარეობა, პაციენტმა არ უნდა მართოს სატრანსპორტო საშუალებები ან იმუშაოს მექანიზმებთან მათ სრულ გაქრობამდე.


ურთიერთქმედებები სხვა სამკურნალო საშუალებებთან:
ეს პრეპარატი, ისევე, როგორც ყველა რკინის პარენტერალური პრეპარატი, არ არის რეკომენდირებული ერთდოულად დაინიშნოს შინაგანად მისაღებ რკინის პრეპარატებთან ერთად, რადგან ამ უკანასკნელთა შეწოვა დაქვეითდება. შინაგანად მისაღებ რკინის პრეპარატებით თერაპია უნდა დაწყებულ იქნეს რკინის ბოლო არაუადრეს 5 დღისა პარენტერალურად შეყვანის შემდეგ .


გამოყენების წესი და დოზები:
მოცემული პრეპარატის შეყვანის დროს და მას შემდეგ საჭიროა საგულდაგულოდ დაკვირვება ჰიპერმგრძნობელობის რეაქციების ნიშნებსა და სიმპტომებზე.
მოცემული პრეპარატი უნდა შეყვანილ იქნეს მხოლოდ ისეთი პერსონალის არსებობისას, რომელსაც გააჩნია ანაფილაქსური რეაქციების გამოვლენისა და გადაუდებელი დახმარების გაწევისთვის საჭირო ცოდნა, ისეთ პირობებში, სადაც არსებობს სარეანიმაციო ღონისძიებების განხორციელების საშუალება. გვერდითი რეაქციები უნდა შეფასებულ იქნეს პრეპარატის თითოეული შეყვანის შემდეგ სულ მცირე 30 წუთის განმავლობაში მაინც.
მოცემული პრეპარატი შეიძლება შეყვანილ იქნეს მხოლოდ კუნთში. იგი არ შეიძლება გამოყენებულ იქნეს ინტრავენური შეყვანისთვის არც ინექციების, არც ინფუზიების სახით.


დოზის გაანგარიშება:
რკინის შევსება რკინადეფიციტური ანემიის დროს
ფერუმ ლეკის დოზები უნდა შერჩეულ იქნეს ინდივიდუალურად რკინის საერთო დეფიციტის შესაბამისად, რომელიც გამოითვლება შემდეგი ფორმულით:
რკინის საერთო დეფიციტი (მგ) = სხეულის მასა (კგ) х (გემოგლობინის სამიზნე დონე (გ/ლ) – გემოგლობინის ფაქტიური დონე (გ/ლ)) х 0,24* + დეპონირებული რკინა (მგ) სხეულის მასა 35 კგ-მდე: გემოგლობინის სამიზნე დონე = 130 გ/ლ და დეპონირებული რკინა = სხეულის მასის 15 მგ/კგ
სხეულის მასა 35 კგ-ზე მეტი: გემოგლობინის სამიზნე დონე = 150 გ/ლ და დეპონირებული რკინა = 500 მგ
*კოეფიციენტი 0,24 = 0,0034 х 0,07 х 1000
(რკინის შემცველობა გემოგლობინში = 0,34%; სისხლის საერთო მოცულობა = სხეულის მასის 7%; კოეფიციენტი 1000 = გრამებიდან მილიგრამებში გადაყვანა).
მაგალითი:
პაციენტის სხეულის მასა: 70 კგ
გემოგლობინის ფაქტიური დონე: 80 გ/ლ
რკინის საერთო დეფიციტი = 70 x (150 - 80) х 0,24 + 500 = 1700 მგ რკინა
ფერუმ ლეკის შესაყვანი ამპულების საერთო რიცხვი = რკინის საერთო დეფიციტი (მგ) / 100 მგ
თუ ფერუმ ლეკის შეყვანის დაწყებიდან 1-2 კვირაში ჰემატოლოგიური პარამეტრები არ იცვლება, საჭიროა დასმული დიაგნოზის დაზუსტება.
სისხლის დაკარგვის შედეგად რკინის აღდგენისთვის საჭირო საერთო დოზის გამოთვლა
ფერუმ ლეკის ამპულების საჭირო რიცხვი პოსტჰემორაგიული რკინადეფიციტის კომპენსაციისთვის გამოითვლება შემდეგი ფორმულის მიხედვით:
თუ ცნობილია დაკარგული სისხლის რაოდენობა: 200 მგ-ის ინტრამუსკულარულად შეყვანა (ფერუმ ლეკის 2 ამპულა) იწვევს გემოგლობინის დონის მომატებას, რომელიც სისხლის 1 ერთეულის ექვივალენტურია (400 მლ სისხლი 150 გ/ლ გემოგლობინის შემცველობით).
აღსადგენი რკინა (მგ) = სისხლის დაკარგული ერთეულების რიცხვი х 200 ან ფერუმ ლეკის ამპულების საჭირო რიცხვი = სისხლის დაკარგული ერთეულების რიცხვი х 2;
თუ ცნობილია გემოგლობინის დაქვეითებული დონე, გამოიყენეთ ფორმულა იმის გათვალისწინებით, რომ დეპონირებული რკინის აღდგენა საჭირო არ არის:
აღსადგენი რკინა (მგ) = სხეულის მასა (კგ) х (გემოგლობინის სამიზნე დონე (გ/ლ) - გემოგლობინის ფაქტიური დონე გ/ლ)) х 0,24
60 კგ სხეულის მასის და 10 გ/ლ გემოგლობინის დეფიციტის მქონე პაციენტისთვის საჭიროა 150 მგ რკინის აღდგენა, რაც ფერუმ ლეკის ამპულის 1 ½-ს შეადგენს.
ნორმალური დოზები
ბავშვები: 0,06 მლ ფერუმ ლეკი/სხეულის მასის კგ/დღეში (3 მგ რკინა/კგ/დღეში).
მოზრდილი და ხანდაზმული პაციენტები: ფერუმ ლეკის 1-2 ამპულა (100-200 მგ რკინა), გემოგლობინის დონეზე დამოკიდებულებით.
მაქსიმალური სადღეღამისო დოზები:
ბავშვები: 0,14 მლ ფერუმ ლეკი/სხეულის მასის კგ/დღეში (7 მგ რკინა კგ/დღეში). მოზრდილები: 4 მლ (2 ამპულა) ფერუმ ლეკი.
მითითებები გამოყენების/მოპყრობისა და შეყვანის შესახებ
ამპულების არასწორმა შენახვამ შესაძლოა გამოიწვიოს ნალექის წარმოქმნა. გამოყენების წინ საჭიროა ამპულის ყურადღებით დათვალიერება. შეიძლება მხოლოდ იმ ამპულების გამოყენება, რომლებიც შეიცავენ ერთგვაროვან ხსნარს ნალექის გარეშე.
თუ ამპულებში გაჩნდა ნალექი ან ამოიწურა შენახვის ვადა, აუცილებელია მათი განადგურება.
გახსნილი ამპულა დაუყოვნებლივ უნდა იქნეს გამოყენებული.
ფერუმ ლეკის ამპულების შემცველობის სხვა წამლებთან შერევა არ შეიძლება.
ტკივილისა და კანის შეფერილობის შეცვლის თავიდან აცილების მიზნით მნიშვნელოვანია კუნთში ინექციების ფრთხილად და სწორედ შეყვანა. ფერუმ ლეკი შეიყვანება მხოლოდ კუნთში (ინტრავენურად - არავითარ შემთხვევაში!) ღრმად დუნდულის კუნთში, რიგრიგობით მარჯვენასა და მარცხენაში. დღეგამოშვებით.
ფერუმ ლეკის კუნთში შეყვანის ინექციები ტარდება დუნდულის კუნთის ზედა გარე კვადრანტში. ნემსის მინიმალური სიგრძე მოზრდილებისთვის არის 50 მმ, სხეულის ჭარბი მასის მქონე პაციენტებისთვის - 80-დან 100 მმ, ბავშვებისთვის - 32 მმ. ინექციის წინ საჭიროა კანის დეზინფიცირება და 2 სმ-ით ქვემოთ გადაადგილება ინექციის შემდეგ წამლის გადმოდინების შესამცირებლად. ინექციის შემდეგ კანი თავისუფლდება და ხორციელდება ინექციის ადგილზე ზეწოლა 1 წუთის განმავლობაში.


ჭარბი დოზირება:
ჭარბმა დოზირებამ შესაძლოა გამოიწვიოს რკინით მწვავე გადატვირთვა, რომელიც შესაძლოა გამოვლინდეს ჰემოსიდეროზის სახით. მკურნალი ექიმის შეხედულების მიხედვით ჭარბი დოზირების მკურნალობა უნდა განხორციელდეს რკინასთან ხელატური ნაერთების წარმომქმნელი პრეპარატებით, ანდა საზოგადოდ მიღებული სამედიცინო პრაქტიკის შესაბამისად


გვერდითი მოქმედება:
ქვემოთ მოყვანილია არასასურველი რეაქციები რკინის პარენტერალურ პრეპარატებზე.
დარღვევები იმუნური სისტემის მხრიდან
ჰიპერმგრძნობელობა, ანაფილაქტოიდური რეაქციები, ანგიონევროზული შეშუპება.
დარღვევები ნერვული სისტემის მხრიდან
გემოს მგრძნობელობის დარღვევა, თავის ტკივილი, თავბრუსხვევა, პარესთეზია, ჰიპესთეზია, გულის წასვლა, ძილიანობა, დათრგუნული გონება, გონების არევ-დარევა, გრძნობის დაკარგვა, მღელვარება, ტრემორი.
დარღვევები გულის მხრიდან
ძლიერი გულის ფრიალი, ბრადიკარდია, ტაქიკარდია.
დარღვევები სისხლძარღვების მხრიდან
არტერიული ჰიპოტენზია, არტერიული ჰიპერტენზია, მოქცევები, ფლებიტი, ცირკულარული კოლაფსი, თრომბოფლებიტი.
დარღვევები სასუნთქი სისტემის, გულმკერდის და შუასაყარის ორგანოების მხრიდან
ქოშინი, ბრონქოსპაზმი.
დარღვევები კუჭ-ნაწლავის ტრაქტის მხრიდან
გულისრევა, ღებინება, მუცლის ტკივილი, დიარეა, ყაბზობა.
დარღვევები კანის და კანქვეშა ქსოვილების მხრიდან
ქავილი, გამონაყარი, ჭინჭრის ციება, ერითემა.
დარღვევები ჩონჩხ-კუნთოვანი სისტემის და შემაერთებელი ქსოვილის მხრიდან
კუნთების სპაზმები, მიალგია, ართრალგია, ტკივილი კიდურებში, ტკივილი ზურგში.
დარღვევები თირკმლებისა და შარდის გამომყოფი გზების მხრიდან
ქრომატურია.
ზოგადი დარღვევები და დარღვევები შეყვანის ადგილას
რეაქციები ინექციის/ინფუზიის* ადგილას, ჟრჟოლა, ასთენია, ძალების დაკარგვა, პერიფერიული შეშუპება, ტკივილი, ტკივილი გულმკერდის არეში, მომატებული ოფლიანობა, ტემპერატურის მომატება, ცივი ოფლი, შეუძლოდ ყოფნა, სიფერმკრთალე.
*ყველაზე ხშირად აღინიშნა: ტკივილი ინექციის/ინფუზიის ადგილას, ექსტრავაზაცია, გაღიზიანება, რეაქციები, ბუნებრივი ფერის შეცვლა, ჰემატომა, ქავილი.
ლაბორატორიული და ინსტრუმენტალური მონაცემები
სისხლში ალანინამინოტრანსფერაზის დონის ამაღლება, ასპარტატამინოტრანსფერაზის დონის ამაღლება, გამა-გლუტამილტრანსფერაზის დონის ამაღლება, შრატის ფერიტინის დონის ამაღლება, ლაქტატდეჰიდროგენაზის დონის ამაღლება.
დამატებით კუნთში შესაყვანი დექსტრანის და რკინის კომპლექსური ნაერთისთვის არასასურველი რეაქციები შეფასდა სიხშირის შესახებ არსებული შემდეგი ინფორმაციიდან გამომდინარე:
ძალიან ხშირი (≥1/10), ხშირი (≥ 1/100, < 1/10), არახშირი (≥ 1/1 000, < 1/100), იშვიათი (≥1/10 000, < 1/1 000), ძალიან იშვიათი (< 1/10 000) და სიხშირე უცნობია (სიხშირის შეფასება არსებული მონაცემებით შეუძლებელია).
დარღვევები სისხლისა და ლიმფური სისტემის მხრიდან
ძალიან იშვიათი: ჰემოლიზი.
დარღვევები იმუნური სისტემის მხრიდან
იშვიათი: ანაფილაქტოიდური რეაქციები,ქოშინის, ჭინჭრის ციების, გამონაყარის, ქავილის, ღებინების და ჟრჟოლის ჩათვლით.
ძალიან იშვიათი: მწვავე მძიმე ანაფილაქტოიდური რეაქციები (სუნთქვის მოულოდნელი გაძნელება და (ან) მწვავე გულ-სისხლძარღვების უკმარისობა); არსებობს შეტყობინებები სასიკვდილო შედეგების შესახებ.
აღწერილია გადავადებული რეაქციები,რომლებიც შეიძლება მძიმე აღმოჩნდეს.ასეთი რეაქციები ხასიათდება ართრალგიით,მიალგიით და ზოგჯერ ციებ-ცხელებით.
დარღვევები ნერვული სისტემის მხრიდან:
არახშირი: მხედველობის არამკაფიოობა,დაბუჟება.
იშვიათი: კრუნჩხვები, აღგზნებული მდგომარეობა.
დარღვევები სმენის ორგანოების და ყურის ლაბირინთის მხრიდან
ძალიან იშვიათი: გარდამავალი სიყრუე.
დარღვევები გულის მხრიდან
იშვიათი: არითმია.
ზოგადი დარღვევები და დარღვევები შეყვანის ადგილას
არახშირი: სიცხის შეგრძნება.
კუნთში შეყვანისას აღნიშნული იყო ისეთი ადგილობრივი გართულებები, როგორიცაა კანის შეღებვა, სისხლდენა, ასეპტიკური აბსცესების განვითარება, ქსოვილების ნეკროზი ან ატროფია და ტკივილი.


შენახვის პირობები:
ინახება ბავშვებისთვის მიუწვდომელ ადგილას.
ინახება არაუმეტეს 25ºС ტემპერატურაზე.
არ გაყინოთ.


ვარგისიანობის ვადა:
5 წელი. არ გამოიყენოთ ვარგისიანობის ვადის ამოწურვის შემდეგ.


გაცემის პირობები:
გაიცემა რეცეპტით. მხოლოდ სტაციონარის პირობებში გამოსაყენებლად.
შეფუთვა
ხსნარი კუნთში შეყვანისთვის უფერო მინის 2 მლ ამპულებში.
5 და 50 ამპულა შეფუთვაში.
ინფორმაცია მწარმოებლის შესახებ
ლეკ დ.დ., ვეროვშკოვის 57, ლიუბლიანა, სლოვენია.

 

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.