ზოგადი დახასიათება:

საერთაშორისო და ქიმიური სახელწოდება: ეტჰამბუტოლ; 2.2-(ეთილ-ენდიიმინო)დი[(შ)-ბითანოლ]დიჰიდროქლორიდი; ძირითადი ფიზიკურ-ქიმიური თვისებები: თეთრი ან თითქმის თეთრი ფერის ტაბლეტები, ბრტყელი ზედაპირით, ხაზითა და ნაზოლით. ტაბლეტების ზედაპირზე დაიშვება ბზინვარება. შემცველობა: 1 ტაბლეტი შეიცავს ეთამბუტოლს (ეთამბუტოლის ჰიდროქლორიდს) 0.4 გ; დამხმარე ნივთიერებები: კალციუმის დიჰიდროფოსფატის დიჰიდრატი, კარტოფილის სახამებელი, სტეარინის მჟავა. გამოშვების ფორმა. ტაბლეტები. ფარმაკოთერაპიული ჯგუფი. მიკობაქტერიებზე მოქმედი საშუალებები. ანტიტუბერკულოზური საშუალებები. კოდი ATC J04A K02.

ფარმაკოლოგიური თვისებები. ფარმაკოდინამიკა:

აქტიურია მხოლოდ ტუბერკულოზის ბაქტერიების მიმართ, სტრეპტომიცინის, კანამიცინის, იზონიაზიდის, ეთიონამიდის მიმართ მდგრადი შტამების ჩათვლით. მოქმედების მექანიზმი დაკავშირებულია უჯრედში ტუბერკულოზის მიკობაქტერიების სწრაფად შეღწევასთან, სადაც არღვევს გრძელ ლიპიდურ ცვლას რნმ მიკობაქტერიების სინთეზს. ავლენს ბაქტერიოსტატურ ეფექტს.

 

ფარმაკოკინეტიკა:

პერორალურად მიღების შემდეგ შეიწოვება კუჭ-ნაწლავის ტრაქტში (75-80%). სისხლში ცილებს უკავშირდება (20-30%). მაქსიმალური კონცენტრაცია სისხლში მიიღწევა 2-4 საათის შემდეგ. კარგად აღწევს სხვადასხვა ორგანოებსა და ბიოლოგიურ სითხეებში, ასციტურის, პლევრალური და ლიკვორის გარდა. ყველაზე დიდი კონცენტრაციები აღინიშნება თირკმელებში, ფილტვებში, ნერწყვში, შარდში. აღწევს დედის რძეში. ვერ აღწევს დაუზიანებელ ჰემატოენცეფალურ ბარიერში. ექვემდებარება ბიოტრანსფორმაციას ღვიძლში არააქტიური მეტაბოლიტების წარმოქმნით. ნახევარგამოყოფის პერიოდი შეადგენს 3-4 საათს. გამოიყოფა 65% თირკმელებით: 50% - უცვლელი სახით და 15% - არააქტიური მეტაბოლიტების სახით; და 20% ნაწლავიდან - უცვლელი სახით.

 

გამოყენების ჩვენებები:

ტუბერკულოზის ფილტვისა და არაფილტვის ფორმები; ატიპიური მიკობაქტერიებით გამოწვეული ინფექციები. გამოყენების წესი და დოზები. ინიშნება ჭამის შემდეგ. უფროსებს ენიშნებათ ერთხელ დღე-ღამეში დოზით 25 მგ/სხეულის წონის კგ (4-5 ტაბლეტი დღე-ღამეში 1 მიღებაზე) ან 30-40 მგ/სხეულის წონის კგ (5-7 ტაბლეტი) 3-ჯერ კვირაში. პროცესის სტაბილიზაციის შემდეგ რეკომენდებულია მიღება დოზით 15 მგ/ს.წ.კგ დღე-ღამეში (2-3 ტაბლეტი დღე-ღამეში) მკურნალობის მთელი პერიოდის განმავლობაში. უმაღლესი Dდღე-ღამის დოზა შეადგენს 2.5 გ (6 ტაბლეტი). 6 წელზე უფროსი ასაკის ბავშვებში პრეპარატი ინიშნება გაანგარიშებიდან 15 მგ/ს.წ.კგ დღე-ღამეში ერთხელ დღე-ღამეში, მაგრამ არაუმეტეს 1 გ (2.5 ტალეტი). მკურნალობის კურსი შეადგენს 6-დან 12 თვემდე.

 

გვერდითი მოქმედება:

ცალკეულ პაციენტებში პრეპარატის მიღებისას შესაძლოა განვითარდეს ალერგიული რეაქციები; დისპეპფსიური მოვლენები (უმადობა, ღებინება, გულისრევა, ტკივილები მუცელში); პოდაგრის გამწვავება (შეტევა); თავბრუსხვევა; დეზორიენტაცია სივრცეში; პერიფერიული ნევრიტები; მხედველობის ნერვის ნევრიტი; ლეიკოპენია; ჰიპერურიკემია.

 

უკუჩვენებები:

ჰიპერმგრძნობელობა პრეპარატის კომპონენტების მიმართ, პოდაგრა, მხედველობის ნერვის ნევრიტი, კატარაქტა, დიაბეტური რეტინოპათია, თვალების ანთებითი დაავადებები, ორსულობა, თირკმელების ფუნქციის დარღვევა, 6 წლამდე ბავშვთა ასაკი. ჭარბი დოზა. სიმპტომები: ღებინება, დიარეა, ცხელება, თავის ტკივილი; ნევროლოგიური დარღვევების განვითარება, განსაკუთრებით - მხედველობის ნერვის დაზიანება, რომელიც სიბრმავეს იწვევს; თავბრუსხვევა, გონების არევა, ჰალუცინაციები; სუნთქვის დათრგუნვა, ასისტოლია. მკურნალობა - სიმპტომატური; ნაჩვენებია ფორსირებული დიურეზი, პერიტონეალური დიალიზი. შესაძლებელია ჰემოდიალიზის გამოიყენება.

 

გამოყენების განსაკუთრებულობანი:

მკურნალობის დასაწყისში შესაძლებელია ხველის გაძლიერება, ნახველის რაოდენობის მატება. პრეპარატი ინიშნება მხოლოდ კომბინაციაში სხვა ანტიტუბერკულოზურ საშუალებებთან ერთად; მაღალი ეფექტურობა გააჩნია იზონიაზიდთან და რიფამპიცინთან ერთად. ხანგრძლივი გამოყენებისას აუცილებელია რეგულარულად (თვეში ერთხელ) ჩატარდეს მხედველობის ფუნქციის, პერიფერიული სისხლის სურათის, ასევე ღვიძლისა და თირკმელების ფუნქციური მდგომარეობის კონტროლი. ეთამბუტოლი დედის რძესთან ერთად გამოიყოფა. პრეპარატით ეთამბუტოლი-ლქფზ მკურნალობის დროს აუცილებელია ლაქტაციის შეწყვეტა.

ურთიერთქმედება სხვა სამკურნალო საშუალებებთან:

ეთამბუტოლი აძლიერებს ანტიტუბერკულოზურ ეფექტებს და ამინოგლიკოზიდების, ასპარაგინაზის, კარბამაზეპინის, ციპროფლოქსაცინის, იმიპენემის, ლითიუმის მარილების, მეთოტრექსატის, ქინინის ნეიროტოქსიკურობას. ეთამბუტოლს შეუძლია დიგიტოქსინის ეფექტურობის შემცირება. ანტაციდური საშუალებები (ალუმინის ჰიდროქსიდი და სხვ.) ამცირებს ეთამბუტოლის შეწოვას კუჭ-ნაწლავის ტრაქტიდან. დისულფირამის ერთდროულად მიღებამ შესაძლოა გაზარდოს ეთამბუტოლის ტოქსიკურობა. ეთილის სპირტი აძლიერებს ეთამბუტოლის ტოქსიკურ მოქმედებას მხედველობის ორგანოებზე.

 

შენახვის პირობები და ვადა:

ინახება ბავშვებისათვის მიუწვდომელ, მშრალ, სინათლისაგან დაცულ ადგილას, ტემპერატურაზე 10-30C. ვარგისიანობის ვადა - 2 წელი.

 

შეფუთვა:

ტაბლეტები 0.4 გ #10ხ5 კონტურულ დანაყოფებიან შეფუთვაში; #50, #1300 ქილებში.

 

გაცემის პირობები:

რეცეპტით.

მწარმოებლის სახელწოდება და მისამართი:

რსს "ლუგანსკის ქიმიურ-ფარმაცევტული ქარხანა". მისამართი. 91019, უკრაინა, ქ. ლუგანსკი, კიროვის ქ., 17.