შემადგენლობა:

აქტიური ნივთიერება:
ქსილომეტაზოლინის ჰიდროქლორიდი.
კონსერვანტი - ბენზალკონიუმის ქლორიდი.

 

ფარმაკოლოგიური მოქმედება:
დლიანოსში შემავალი აქტიური ნივთიერება-ქსილომეტაზოლინის ჰიდროქლორიდი მიეკუთვნება არილალკილური იმიდაზოლინების ჯგუფს, რომელიც წარმოადგენს ალფა-ადრენომიმეტურ საშუალებას. პრეპარატი ცხვირში ჩაწვეთების შემდეგ იწვევს ლორწოვანი გარსის სისხლძარღვების შევიწროვებას, რაც ხელს უწყობს ცხვირისა და ხახის ლორწოვანის გარსის შეშუპების მოხსნას.
პრეპარატის მოქმედება აღინიშნება მისი მიღებიდან რამოდენიმე წუთში და გრძელდება რამოდენიმე სთ-ის განმავლობაში. დლიანოსი არ არღვევს სასუნთქი გზების ლორწოვანის მოციმციმე ეპითელის ფუნქციას.
პრეპარატის გამოყენებისას პრაქტიკულად არ ვითარდება რეაქტიული ჰიპერემია.

 

ფარმაკოკინეტიკა:
ქსილომეტაზოლინის ადგილობრივად გამოყენებისას მისი კონცენტრაცია სისხლის პლაზმაში იმდენად მცირეა, რომ მისი განსაზღვრა თანამედროვე მეთოდებით შეუძლებელია.

 

ჩვენება:
- რინიტის მოვლენებით მიმდინარე გაცივებით გამოწვეული დაავადებები;
- სინუსიტები (სეკრეტის ევაკუაცია შესამსუბუქებლად);
- ოტიტი (კომბინირებული თერაპიის შემადგენლობაში ცხვირ-ხახის ლორწოვანის შეშუპების შესამცირებლად);
- რინოსკოპიის ჩატარების გასაადვილებლად.

 

მიღების წესი/დოზირება:
შესასხურებელი (0,1%) ინიშნება მხოლოდ მოზრდილებსა და ბავშვებში 6 წლის ასაკის ზევით: ერთი შესხურება ცხვირის თითოეულ ნესტოში, აუცილებლობისას შესაძლებელია მისი განმეორება. ჩვეულებრივ საკმარისია დღეში 4-ჯერ შესხურება.
შესასხურებელის გამოყენება:
იმისათვის, რომ სწორად ჩავატაროთ შესხურება საჭიროა შესასხურებელი დავიჭიროთ ვერტიკალურ მდგომარეობაში, რათა თავსართი მიმართული იყოს ზევით. ამის შემდეგ იგი უნდა მოვათავსოდ ცხვირის ნესტოში და სწრაფად და მკვეთრად დავაჭიროთ ერთხელ შესასხურებელს და გამოვიღოთ იგი ნესტოდან, შესასხურებელზე ზეწოლის მოხსნის გარეშე.. შესხურების დროს საჭიროა ცხვირით მცირე რაოდენობით ჰაერის შესუნთქვა, რაც უზრუნველყოფს პრეპარატის ოპტიმალურ შეყვანას.
პრეპარატის დოზირება და შესხურება (0,1%)
მოზრდილებსა და 6 წლის ასაკის ზევით ბავშვებში: ერთი შესხურება თითოეულ ნესტოში, აუცილებლობის შემთხვევაში შესაძლებელია მისი განმეორება. ჩვეულებრივ დღეში პრეპარატის 4-ჯერ შესხურება საკმარისია.
ცხვირის წვეთები (0,05%) ინიშნება 1-დან 6 წლამდე ასაკის ბავშვებში. საშუალო დოზა შეადგენს 1-2 წვეთს თითოეულ ნესტოში 1-2-ჯერ დღეში. არ არის მიზანშეწონილი პრეპარატის დღეღამეში 3-ჯერ მეტი რაოდენობით გამოყენება. გამოყენების ხანგრძლივობა შეადგენს - არაუმეტეს 3 დღეს.

გამოყენების შეზღუდვა:

წინააღმდეგჩვენება:
- ტრანსფენოიდური ჰიპოფიზექტომია ანამნეზური მონაცემებით, ტვინის გარსებზე ქირურგიული ჩარევა;
- ქსილომეტაზოლინის მიმართ მომატებული მგრძნობელობა.

 

სიფრთხილეა საჭირო:
პრეპარატი სიფრთხილით ინიშნება პაციენტებში, რომლებსაც გააჩნიათ მომატებული მგრძნობელობა ადრენერგულ საშუალებების მიმართ. დლიანოსი 2 წლამდე ასაკის ბავშვებში შესაძლებელია მხოლოდ მკაცრი ჩვენების მიხედვით, ექიმის მეთვალყურეობის ქვეშ. სისხლძარღვების შემავიწროვებელი სხვა საშუალებების მსგავსად დლიანოსის ხანგრძლივი გამოყენება მაგალითად ქრონიკული რინიტის დროს არ არის მიზანშეწონილი.

 

გვერდითი მოვლენები:
პრეპარატის გამოყენებისას ხანდახან აღინიშნება შემდეგი გვერდითი მოვლენები:
- ცხვირ-ხახის წვის შეგრძნება, ადგილობრივი გაღიზიანება;
- გულისრევა;
- თავის ტკივილი;
- ცხვირის ლორწოვანი გარსის სიმშრალე.

 

ურთიერთქმედება სხვა სამკურნალო საშუალებებთან:
დღემდე დლიანოსის ურთიერთქმედების მონაცემები არ არის აღწერილი.

 

ჭარბი დოზირება:
არ მოიპოვება მონაცემები მოზრდილებში დლიანოსის ჭარბი დოზირების შესახებ
ჭარბი დოზირების იშვიათად შემთხვევები აღწერილია ბავშვებში, რომელიც გამოიხატება პულსის გახშირებითა და არითმიით, აგრეთვე არტერიული წნევის მომატებით და ხანდახან ცნობიერების დაბინდვით. ჭარბი დოზირების დროს საჭიროა სიმპტომატური მკურნალობის ჩატარება ექიმის კონტროლის ქვეშ.

 

შენიშვნა:
პრეპარატი უნდა ინახებოდეს ბავშვებისათვის მიუწვდომელ ადგილას.

 

შენახვის პირობები:
ინახება 300 C ტემპერატურამდე პირობებში. არ არის დაშვებული პრეპარატის გამოყენება შეფუთვაზე მითითებული ვარგისიანობის ვადის გასვლის შემდეგ.

 

შეფუთვა:
0,1%-იანი სპრეი - 10 მლ;
0,05%-იანი ცხვირის წვეთები - 10 მლ.

 

ვარგისიანობის ვადა:
3 წელი. პრეპარატის გამოყენება არ შეიძლება შეფუთვაზე მითითებული ვარგისიანობის ვადის ამოწურვის შემდეგ.

 

აფთიაქიდან გაცემის პირობები:
გაიცემა ურეცეპტოდ.

"სანდოზ ენთერპრაისის პრივატე ლიმიტედი", (ინდოეთი). "ნოვარტის აგ" (ბაზელი, შვეიცარია)
«Сандоз прайвит Лимитед», (Индия) для «Новартис АГ» (Базель, Швеицария)