დექსამეტაზონი - ანოტაციის აღწერა

რეკომენდაცია

0შეფასება

91769ნახვა

ზოგადი დახასიათება:

საერთაშორისო და ქიმიური სახელწოდებები:
Dexamethasone; (9-ფტორ-11β,17,21-ტრიჰიდროქსი-16α-მეთილპრეგნა-1,4-დიენ-3,20-დიონი);

აღწერა:
თეთრი ფერის ტაბლეტები;

შემადგენლობა:
1 ტაბლეტი შეიცავს დექსამეტაზონს - 0.0005 გ დაშემდეგ დამხმარე ნივთიერებებს: შაქარი, კარტოფილის სახამებელი და სტეარინის მჟავა.

ფარმაკოთერაპიული ჯგუფი:
გლუკოკორტიკოსტეროიდები.

ფარმაკოლოგიური თვისებები:

გააჩნია ანთების, ალერგიის საწინააღმდეგო, მადესენსიბილიზირებელი, ანტიტოქსიკური მოქმედება;
ამცირებს სისხლში ეოზინოფილების, ლიმფოციტების, ნეიტროფილების შემცველობას;
თრგუნავს შემაერთებელი ქსოვილის განვითარებას და ჰიალურონიდაზას აქტივობას, ამცირებს კაპილარების გამტარობას;
პრაქტიკულად არ იწვევს ნატრიუმისა და წყლის შეკავებას ორგანიზმში, სუსტად მოქმედებს ელექტროლიტების ცვლაზე;
პრეპარატი 7-ჯერ უფრო აქტიურია, ვიდრე პრედნიზოლონი და 35-ჯერ, ვიდრე კორტიზონი;
კარგად აბსორბირდება კუჭ-ნაწლავის ტრაქტიდან და ნაწილდება მთელ ორგანიზმში. განაწილების მოცულობა ერთნაირია ყველა ასაკობრივი ჯგუფის ავადმყოფებში;
დექსამეტაზონი ღვიძლში მეტაბოლიზირდება;
ნახევარგამოყოფის პერიოდი დაახლოებით 3.5 საათს შეადგენს;
მოქმედება 72 საათი გრძელდება;
გამოიყოფა თირკმელებით, ძალიან მცირე რაოდენობა - ნაღვლის წვენთან ერთად მეტაბოლიტების სახით.

გამოყენების ჩვენებები:

დექსამეტაზონით ინიშნება აუცილებელი ჩვენებების არსებობისას და ექიმის კონტროლის ქვეშ შესაძლო უკუჩვენებებისა და გართულებების გათვალისწინებით. მკურნალობა თანდათან წყდება, ვინაიდან პრეპარატის გამოყენების უეცარი შეწყვეტა იწვევს პათილოგიური პროცესის გართულებას. მკურნალობის ბოლოს მიზანშეწონილია კორტიკოტროპინის რამოდენიმე ინექციის დანიშვნა (10-20 ერთ. დღე-ღამეში). აუცილებელია არტერიული წნევის, სისხლში გლუკოზას შემცველობის, სისხლის შედედების, დიურეზისა და სხეულის წონის მუდმივი კონტროლი.

შაქრიანი დიაბეტის, ტუბერკულოზის, ბაქტერიული და ამებური ინფექციის, თრომბოემბოლიების, გულისა და თირკმელების უკმარისობის დროს პრეპარატი ძალიან ფრთხილად გამოიყენება და იმ პირობით, რომ შეიძლება ძირითადი დაავადების ადეკვატური მკურნალობის ერთდროული ჩატარება. თუ ანამნეზში არის მითითება ფსიქოზზე, თერაპია ტარდება მხოლოდ სასიცოცხლო ჩვენებებით.
ორსულობის პერიოდში გამოყენება შეიძლება მხოლოდ სასიცოცხლო ჩვენებებით. დექსამეტაზონით თერაპიის დროს ძუძუთი კვება უნდა შეწყდეს.

დექსამეტაზონი ინიშნება:

რევმატოიდული და სხვა ართრიტების;
პერიართრიტების;
ანკილოზირებადი სპონდილოართრიტის;
სხვადასხვა დერმატიტების;
დერმატოზების;
მწვავე და ქრონიკული ალერგიული დაავადებების (ბრონქული ასთმა, ჭინჭრის ციება და სხვ.);
ადისონის დაავადების;
ნეფროზული სინდრომის;
ლიმფოგრანულემატოზის;
სისხლის დაავადებების (მწვავე ლიმფობლასტური და მიელობლასტური ლეიკოზი, ინფექციური მონონუკლეოზი);
თვალის სხვადასხვა დაავადებების სამკურნალოდ;
ინფექციური დაავადებების დროს;
შოკის პროფილაქტიკისათვის;
ორგანოებისა და ქსოვილების ტრანსპლანტაციის დროს (იმუნოდეპრესიული მოქმედება) და სხვ.

გამოყენების წესი და დოზები:

ინიშნება ჭამის დროს ან მის შემდეგ. დღე-ღამის ჩვეულებრივი დოზა მოზრდილებში შეადგენს 0.002-0.003 გ (2-3 მგ), ხოლო მძიმე შემთხვევებში - 0.004-0.006 გ-მდე. თერაპიული ეფექტის მიღწევის შემდეგ დოზა თანდათან მცირდება და შემანარჩუნებელ დოზაზე გადადის - 0.0005-0.001 გ (0.5-1 მგ) დღეში. დღის დოზა ინიშნება 2-3 მიღებად. ბავშვებში, ასაკის მიხედვით, პედიატრის შეხედულებისამებრ და კონტროლის ქვეშ ინიშნება 0.00025 გ-დან (0.25 მგ, ე.ი. 1/2 ტაბლეტი) 0.002 გ-მდე (2 მგ, ე.ი. 4 ტაბლეტი). დღე-ღამის დოზა მიიღება 3-4 მიღებად.

გვერდითი მოქმედება:
კარგი ამტანობით ხასიათდება, მაგრამ დიდი დოზებისას და მის მიმართ ჰიპერმგრძნობელობისას შეიძლება განვითარდეს შემდეგი გვერდითი ეფექტები:

იცენკო-კუშინგის სიმპტომოკომპლექსი;
ჰიპერგლიკემია;
კალციუმის გამოყოფის გაძლიერება და ოსტეოპოროზი;
რეგენერაციის პროცესების შენელება;
კუჭისა და 12-გოჯა ნაწლავის წყლულოვანი დაავადების გამწვავება;
არადიაგნოსტირებული წყლულის პერფორაცია;
ჰემორაგიული პანკრეატიტი;
ინფექციის მიმართ წინააღმდეგობის დაქვეითება;
სისხლის შედედების მომატება;
ფერიმჭამელების გაჩენა;
მენსტრუალური ციკლის დარღვევა;
უძილობა;
აგზნებადობა;
ეიფორია;
ეპილეფსიის მსგავსი კრუნჩხვები.

ხანგრძლივი გამოყენებისას უაცილებელია თირკმელზედა ჯირკვლის ქერქის ფუნქციის დათრგუნვის შესაძლებლობა ჰორმონების ბიოსინთეზის დათრგუნვით.

უკუჩვენებები:

ჰიპერტონული დაავადების მძიმე ფორმები;
იცენკო-კუშინგის დაავადება;
სისხლის მიმოქცევის III ხარისხის უკმარისობა;
მწვავე ენდოკარდიტი;
ფსიქოზები;
ნეფრიტი;
ოსტეოპოროზი;
კუჭისა და 12-გოჯა ნაწლავის წყლულოვანი დაავადება;
სიფილისი;
აქტიური ტუბერკულოზი (სპეციფიური მკურნალობის არ არსებობის დროს);
შაქრიანი დიაბეტი;
ალერგიული რეაქციები დექსამეტაზონზე ანამნეზში;
ვირუსული ინფექციები.

ურთიერთქმედება სხვა სამკურნალო საშუალებებთან:

საგულე გლიკოზიდებთან ერთად მათი მოქმედების გაძლიერებულია კალიუმის დეფიციტის გამო;
სალურეზულებთან ერთად კალიუმის გამოყოფა გაძლიერებულია;
დიაბეტის საწინააღმდეგო საშუალებებთან ერთად ჰიპოგლიკემიური აქტივობა დაქვეითებულია;
კუმარინის წარმოებულებთან ერთად ანტიკოაგულანტური აქტივობა დაქვეითებულია;
ბარბიტურატებსა და რიფამპიცინთან ერთად კორტიკოიდული აქტივობა დაქვეითებულია;
სალიცილატებისა დაბუტადიონთან ერთად კუჭის წყლულის განვითარების შესაძლებლობა გაზრდილია;
ანტიბიოტიკებთან ერთად ინფექციების მიმართ წინააღმდეგობა დაქვეითებულია;
ანტიჰისტამინური პრეპარატებსა დაბუტადიონთან ერთად დექსამეტაზონის აქტივობის დაქვეითებულია;
დიურეზულებსა და ცნს-ს სტიმულატორებთან ერთად სპეციფიური ეფექტება გაძლიერებულია.