ბისეპტოლი 480

ბისეპტოლი 480
ანოტაციის მომწოდებელია
0
0
რეკომენდაცია
0შეფასება
4794ნახვა
სავაჭრო სახელწოდება: ბისეპტოლი 480

 

საერთაშორისო დასახელება (აქტიური ნივთიერება): TRIMETHOPRIM, SULFAMETHOXAZOLE

 

კლინიკურ-ფარმაკოლოგიური ჯგუფი: ანტიბაქტერიული საშუალება

 

მწარმოებელი: პოლფა ვარშავა (Polfa Warszawa S.A)

 

მწარმოებელი ქვეყანა: პოლონეთი

 

გამოშვების ფორმა: (400მგ+80მგ)/5მლ კონცენტრატი საინფუზიო ხსნარის მოსამზადებლად ამპულა №10

 

გაცემის რეჟიმი: II ჯგუფი, გაიცემა ფორმა №3 რეცეპტით

 

ინსტრუქცია

 

ათქ კლასიფიკაციის კოდი
J01EE01


შემადგენლობა და გამოშვების ფორმა

საინექციო ხსნარი: ამპულაში 5 მლ, შეფუთვაში 10 ც.
5 მლ
ტრიმეტოპრიმი . . . . . . . . . 80 მგ
სულფამეტოქსაზოლი . . . . . 400 მგ


კლინიკურ-ფარმაკოლოგიური ჯგუფი

ანტიბაქტერიული საშუალება.


ფარმაკოლოგიური თვისებები

ორი აქტიური ნივთიერების ტრიმეტროპრიმისა და სულფამეტოქსაზოლის კომბინაცია თრგუნავს ფოლის მჟავის სინთეზს, რომელიც მიმდინარეობს ორ სხვადასხვა ბიოსინთეზურ ეტაპად, რაც იწვევს ბაქტერიების დეზოქსირიბონუკლეინის მჟავის სინთეზის დათრგუნვას.
პრეპარატი თრგუნავს შემდეგი გრამდადებითი და გრამუარყოფითი ბაქტერიების ზრდასა და გამრავლებას, როგორიცაა: სტაფილოკოკები, სტრეპტოკოკები, ფილტვების ანთების გამომწვევი - დიპლოკოკები, გონოკოკები, დიზენტერიის ჩხირები, მუცლის ტიფისა და პარატიფის ჩხირები, ნაწლავის ჩხირი, პროტეუსის ჩხირი.
ბისეპტოლი კარგად შეიწოვება საჭმლისმომნელებელი ტრაქტიდან: პრეპარატის მიღებიდან 1-3 სთ-ის შემდეგ აღინიშნება მისი მაქსიმალური კონცენტრაცია სისხლში. პრეპარატის 60-80%-ი გამოიყოფა თირკმელებიდან უცვლელი სახით.


ჩვენებები
სასუნთქი გზების ინფექციები, ქრონიკული ბრონქიტი, ცხვირის წიაღების ანთება, საშარდე გზების ინფექციები - ქრონიკული პიელონეფრიტი, საჭმლისმომნელებელი ტრაქტის ინფექციები, რომლებიც გამოწვეულია სალმონელათი, შიგელებით, ნაწლავის ჩხირით; სასქესო ორგანოების ინფექციები, მათ შორის გონორეული ურეთრიტი, სხვა ბაქტერიული ინფექციები, მაგალითად კანის (მათ შორის ჭრილობით განპირობებული) ინფექციები.


დოზირების რეჟიმი

მოზრდილებსა და 12 წლის ასაკის ზევით ბავშვებში: 2 ამპულა (10 მლ), მძიმე შემთხვევებში 3 ამპულა (15 მლ) ყოველ 12 საათში.
ბავშვებში 12 წლის ასაკის ქვევით: 30 მგ სულფამეტოქსაზოლი და 6 მგ ტრიმეტოპრიმი 1 კგ სხეულის მასაზე დღე-ღამეში 2-ად დაყოფილ დოზებად.
3 თვიდან - 5 თვემდე: 1.25 მლ ყოველ 12 საათში.
6 თვიდან - 5 წლამდე: 2.5 მლ ყოველ 12 საათში.
6 წლიდან - 12 წლამდე: 5 მლ ყოველ 12 საათში. განსაკუთრებით საშიში ინფექციების დროს შესაძლებელია დოზის გაზრდა 50%-ით. პრეპარატის მიღების ზოგადი კურსი შეადგენს 2-5 დღე.
პნევმონია, გამოწვეული Pნეუმოცყსტის ცარინიი-ით 100 მგ სულფამეტოქსაზოლის და 20 მგ ტრიმეტოპრიმი 1 კგ სხეულის მასაზე, დღე-ღამეში 4 დაყოფილი დოზით, ყოველ 6 საათში. მკურნალობის ხანგრძლივობა არ უნდა აღემატებოდეს 14 დღეს.

შეყვანის მეთოდი:
სამკურნალო პრეპარატი შეჰყავთ ინტრავენურად, წინასწარი გაზავების შემდეგ, ნელი წვეთოვანი გადასხმით. მომზადებული ხსნარი საგულდაგულოდ უნდა განზავდეს და სწრაფად იქნას შეყვანილი. იმ შემთხვევაში, თუ აღმოჩენილი იქნა სითხის დალექვა ან ამღვრევის ნიშნები, ხსნარი აღარ გამოიყენება.
პრეპარატი ზავდება შემდეგი სქემით:
1 ამპულა (5 მლ) 125 მლ გასახსნელი სითხე.
2 ამპულა (10 მლ) 250 მლ გასახსნელი სითხე.
დასაშვებია შემდეგი სითხეების გამოყენება:
- 5% და 10% გლუკოზის ხსნარი;
- 0.9%-ანი NaCl ხსნარი;
- რინგერის ხსნარი;
- 0.45% NaCl ხსნარი, 2.5%-ანი გლუკოზის ხსნართან ერთად.
არ გამოიყენება სხვა გასახსნელ ხსნარებთან ერთად.
შენიშვნა: თუ პაციენტისთვის არ შეიძლება სითხის დიდი დოზით მიღება, დასაშვებია პრეპარატატის უფრო მაღალი დოზის გამოყენება: 5 მლ-75 მლ, 5%-ან გლუკოზაზე.


გვერდითი მოვლენები

ხანდახან შესაძლებელია გულისრევა, ღებინება და კანზე ალერგიული რეაქციები.
იშვიათად გვხვდება: კანის მძიმე რეაქციები, როგორიცაა კანის და თვალის ლორწოვანის სინდრომი (სტივენ-ჯონსის სინდრომი), ეპიდერმული ტოქსიკური ნეკროლიზი (ლაიელის სინდრომი); ღვიძლში ცვლილებები, მათ შორის სიყვითლე, ღვიძლის უკმარისობა, ღვიძლის ნეკროზი; ფსევდომემბრანოზული კოლიტი.

 

უკუჩვენებები
სულფანილამიდების მიმართ სენსიბილიზაცია, ორსულობის პერიოდი, ღვიძლისა და თირკმელების ფუნქციის მძიმე ფორმის დაზიანებები. პრეპარატის ხანგრძლივად გამოყენებისას საჭიროა სისხლის სურათის შემოწმება.
პრეპარატის ახალშობილებსა და დღენაკლულ ბავშვებში გამოყენება დაუშვებელია.


განსაკუთრებული მითითებები

თირკმლის უკმარისობის დროს რეკომენდებულია სპეციალური დოზირება.

 

შენახვის პირობები და ვადა
პრეპარატი ინახება არა უმეტეს 30ºC ტემპერატურაზე, სინათლისაგან დაცულ, ბავშვებისათვის მიუწვდომელ ადგილას.


აფთიაქიდან გაცემის პირობები

პრეპარატი გაიცემა ექიმის რეცეპტით.

 

ამ წამალზე შეფასება ჯერ არ არის.


შეფასების დამატება
ეფექტურობა
ფასი
ხელმისაწვდომობა

ანოტაციის შეფასება წარმატებით დასრულდა

თქვენი შეფასება გამოქვეყნდება ადმინისტრაციის გადამოწმების შემდეგ

გთხოვთ ასევე გააზიაროთ ანოტაციის გვერდი:

დარეკვა სად შევიძინოთ
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.