ბაკლოსანი - მედიკამენტი

რეკომენდაცია

0შეფასება

38755ნახვა

აღწერა:
ტაბლეტები - შეფუთვაში 50 ც.
1 ტაბ. შედგება 10 მგ - 25 მგ ბაკლოფენისა და დამხმარე ნივთიერებების ლაქტოზას, კარტოფილის სახამებელის, ჟელატინის, ტალკის, მაგნიუმის სტეარატისა და ეთილცელულოზასგან.

ფარმაკოლოგიური ჯგუფი:
ცენტრალური მოქმედების მიორელაქსანტი.

ფარმაკოლოგიური მოქმედება:

ცენტრალური მოქმედების მიორელაქსანტი, გამა-ამინოერბოს მჟავის წარმოებული;
აფერენტული მგრძნობიარე ბოჭკოების დაბოლოებების აგზნებადობას ამცირებს;
შუალედურ ნეირონებს თრგუნავს;
ნერვული იმპულსების მონო და პოლისინაფტურ გადაცემას თრგუნავს;
კუნთოვან დაძაბულობას ამცირებს;
გავლენას არ ახდენს ნერვულ-კუნთოვან გადაცემაზე;
ნევრალგიური დაავადებების დროს თან ახლავს ჩონჩხის კუნთების სპასტიკურობა, ასუსტებს ტკივილს, სპაზმებსა და კლონურ კრუნჩხვას;
სახსრის მოძრაობის არეალს აუმჯობესებს, ასევე აიოლებს პასიური და აქტიური კინეზოთერაპიის ჩატარებას.

ფარმაკოკინეტიკა:

მაღალი აბსორბცია;
სისხლის პლაზმაში მაქსიმალური კონცენტრაცია პრეპარატის მიღებიდან დაახლოებით 2-3 საათში მიიღწევა;
30%-იანი კავშირი ცილებთან;
აღწევს - პლაცენტარულ ბარიერში, გამოიყოფა - დედის რძეში, მეტაბოლიზდება -ღვიძლში და გამოიყოფა - თირკმელების მეშვეობით.

ჩვენება:

გაფანტული სკლეროზის დროს კუნთების ტონუსის მომატება;
ინფექციური, დეგენერაციული და ტრავმული გენეზის ზურგის ტვინის დაავადება;
ინსულტი, ბავშვის ცერებრალური დამბლა, მენინგიტის, ქალა-ტვინის ტრავმა, ალკოჰოლიზმი.

დოზირება და რეჟიმი:

შინაგანად, ჭამის დროს;
მოზრდილებში საწყისი დოზაა 5 მგ (1/2 ტაბლეტი, თითო 10 მგ), დღეში 3-ჯერ. დოზა იზრდება ყოველ მესამე დღეს თანდათანობით თერაპიული ეფექტის მიღებამდე (30-75 მგ დღეი);
მათთვის, ვისაც სჭირდება ბაკლოსანის დიდი დოზის მიღება (75 მგ-დან 100 მგ-მდე), სასურველია 25 მგ-იანი ტაბლეტების გამოყენება;
65 წლის ასაკის ზევით პაციენტთათვის მაქსიმალური დღე-ღამის დოზაა 100 მგ.
ბავშვებიში საწყისი დოზაა 5 მგ (1/2 ტაბლეტი, თითო 10 მგ), 3-ჯერ დღეში. დოზა იზრდება ყოველ მესამე დღეს თანდათანობით. რეკომენდებული დოზებია 1-2 წლის ასაკის ბავშვებში დღე-ღამეში 10-20 მგ, 2-6 წლის ასაკის ბავშვებში - 20-30 მგ, 6-10 წლის ასაკის ბავშვებში - 30-60 მგ., ხოლო 10 წლის ასაკის ზევით მაქსიმალური დოზას წარმოადგენს სხეულის მასის 1.5-2.0 მგ/კგ.

გვერდითი მოვლენები:

გულისრევა და ღებინება;
ძილიანობა და მომატებული დაღლილობა;
თავბრუსხვევა;
სიმშრალე პირის ღრუში;
ცნობიერების დარღვევა;
შარდის შეკავება;
ყაბზობა ან დიარეა;
არტერიული წნევის დაცემა;
აპათია;
ეიფორია, დეპრესია;
პარესთეზიები;
მიალგია;
კუნთების სისუსტე;
ატაქსია;
ტრემორი;
ნისტაგმი;
აკომოდაციის პარეზი;
ჰალუცინაციები;
დიზურია;
ენურეზი;
კრუნჩხვები; (ხანგრძლივი კრუჩხვების დროს შესაძლებელია თირკმლის ფუნქციის მოშლაც კი).

უკუჩვენება:

ჰიპერმგრძნობელობა;
ეპილეფსია;
კრუნჩხვა;
ფსიქოზები;
პარკინსონის დაავადება;
თირკმლის ქრონიკული უკმარისობა;
თავის ტვინის სისხლძარღვების ათეროსკლეროზი;
კუჭისა და თორმეტგოჯას წყლულოვანი დაავადება.

გოზის გადაჭარბებისას განვითარებული სიმპტომები:

კუნთების ჰიპოტონია;
სასუნთქი ცენტრის დათრგუნვა;
ცნობიერების დარღვევა;
კომა.

სხვა წამლებთან ურთიერთქმედება:

აძლიერებს ისეთი პრეპარატების მოქმედებას, რომლებიც გავლენას ახდენენ ცენტრალურ ნერვულ სისტემაზე, ჰიპოტენზიურ საშუალებებსა და ეთანოლზე;
ტრიციკლური ანტიდეპრესანტები აძლიერებენ კუნთების ტონუსის დაწევას;
ლევოპადასა და კარდიდოპასთან ერთად იზრდება ჰალუცინაციების გაჩენის, ცნობიერების დარღვევისა და აგზნებადობის რისკი;

შენახვის პირობები და ვარგისიანობის ვადა:

ინახება 15-30oC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას, ვარგისიანობის ვადა - 5 წელი.

მწარმოებელი:
POLPHARMA, პოლონეთი.