პრეპარატის გამოყენებამდე ყურადღებით წაიკითხეთ ანოტაციაში მოყვანილი სრული ინფორმაცია. - შეინახეთ ანოტაცია იმ შემთხვევისათვის, თუ დაგჭირდათ მისი ხელახლა წაკითხვა.

- დამატებითი შეკითხვების შემთხვევაში მიმართეთ თქვენს ექიმს ან აფთიაქარს. - ეს პრეპარატი დაგინიშნეს თქვენ. ნუ მისცემთ მას სხვა პირებს, რადგანაც ამ პრეპარატმა შეიძლება ავნოს მათ იმ შემთხვევაშიც კი, თუ მათ თქვენი მსგავსი ჩივილები აქვთ. - რაიმე მნიშვნელოვანი გვერდითი მოვლენების ან ისეთი გვერდითი მოვლენების აღმოჩენისას, რომლებიც არ არის მითითებული წინამდებარე ანოტაციაში, გთხოვთ შეატყობინოთ თქვენს ექიმს ან აფთიაქარს.

 

ანოტაციაში იხილავთ:

1. რას წარმოადგენს და რისთვის გამოიყენება პრეპარატი ატრამი.

2. რას უნდა მიაქციოთ ყურადღება პრეპარატ ატრამის მიღების დაწყებისას.

3. როგორ გამოიყენება პრეპარატი ატრამი.

4. შესაძლო გვერდითი მოვლენები.

5. როგორ ინახება პრეპარატი ატრამი.

6. დამატებითი ინფორმაცია.

 

1. რას წარმოადგენს და რისთვის გამოიყენება პრეპარატი ატრამი: ატრამი შეიცავს აქტიურ ნივთიერება კარვედილოლს, რომელიც იწვევს სისხლძარღვების გაფართოებას (ვაზოდელატაციას). ატრამი განკუთვნილია სისხლის მაღალი წნევის, ხანგრძლივი სტაბილური სტენოკარდიის (მკერდის ტკივილი დატვირთვისას) სამკურნალოდ და ხანგრძლივი სტაბილიზებული გულის უკმარისობის მკურნალობისას. ატრამი განკუთვნილია ზრდასრული პაციენტებისათვის.

 

2. რას უნდა მიაქციოთ ყურადღება პრეპარატი ატრამის მიღების დაწყებისას არ მიიღოთ პრეპარატი ატრამი:

• თუ გაქვთ ალერგია (მომატებული მგრძნობელობა) კარვედილოლზე (პრეპარატი ატრამის აქტიური ნივთიერება) ან სამკურნალო საშუალების შემადგენელ სხვა ნაწილებზე;

• თუ გაწუხებთ გულის მწვავე უკმარისობა, რომელიც მოითხოვს გულის მუშაობის დამხმარე პრეპარატების ინტრავენურ მიღებას;

• თუ გაწუხებთ ბრონქებისა და ფილტვების ანთება ბრონქების შევიწროვებით;

• თუ გაწუხებთ ბრონქული ასთმა;

• თუ გაქვთ ღვიძლის მძიმე დაზიანება;

• თუ გაწუხებთ გულის რითმის დარღვევა;

• თუ გაწუხებთ ძალიან დაბალი გულისცემა (პულსი 50/წთ-ზე ნაკლები) ან ძალიან დაბალი სისხლის წნევა (სისტოლური სისხლის წნევა 85 mm Hg-ზე ნაკლები);

• გულის რიტმის დარღვევის შემთხვევაში სინუსური კვანძის ცუდი მუშაობის გამო, სინუსურ ბლოკსა და წინაგულს შორის არსებული დარღვევების ჩათვლით - სინოატრიალური ბლოკადა;

• თირკმლისზედა ჯირკვლის ტვინის სიმსივნის შემთხვევაში, რომელიც სათანადოდ არ კონტროლდება მკურნალობით;

• თუ აღმოგაჩნდათ ე.წ. პრინცმეტალის სტენოკარდია;

• სისხლის მომატებული მჟავიანობის შემთხვევაში (მეტაბოლური აციდოზი);

• ხელებისა და ფეხების არტერიებში ცირკულაციის მძიმე დარღვევების შემთხვევაში;

• ვერაპამილის ან დილტიაზემის ერთდროული ინტრავენური მიღების შემთხვევაში (იხილეთ "ურთიერთქმედება სხვა სამკურნალო პრეპარატებთან");

• თუ ხართ მეძუძური დედა. პრეპარატი არ გამოიყენება გულის ფუნქციის მძიმე დარღვევების გამო შოკურ მდგომარეობაში მყოფ პაციენტებში.

პრეპარატი არ გამოიყენება ბავშვებსა და 18 წლამდე ასაკის მოზარდებში. პრეპარატი ატრამის გამოყენებისას მისაღები საჭირო განსაკუთრებული ზომები - იმ შემთხვევაში, თუ გაწუხებთ შაქრის დაავადება (დიაბეტი მელიტუსი), ფსორიაზი (კანის დაავადება), დეპრესია, პერიფერიული სისხლის მიმოქცევის დარღვევები, მემკვიდრეობითი კუნთოვანი სისუსტე (მიასთენია გრავისი), ფარისებრი ჯირკვლის მომატებული მუშაობა (თირეოტოქსიკოზი), - წარსულში მომატებული მგრძნობელობის მნიშვნელოვანი გამოვლინებების შემთხვევაში, - გულის ქრონიკული უკმარისობისა და სისხლის დაბალი წნევის შემთხვევაში (სისტოლური სისხლის წნევა 100 mm Hg-ზე ნაკლები), - სრული ნარკოზის ქვეშ ჩატარებული ქირურგიული ჩარევის შემთხვევაში, - თუ იყენებთ კონტაქტურ ლინზებს უნდა გაითვალისწინოთ ცრემლის გამოყოფის შემცირების შესაძლებლობა თუ გეხებად ზემოაღნიშნულთაგან რომელიმე მდგომარეობა, ან თუ არ ხართ ამ პრეპარატის გამოყენებასთან დაკავშირებულ რაიმე საკითხში გარკვეული, გთხოვთ მიმართოთ თქვენს ექიმს.

 

ურთიერთქმედება სხვა სამკურნალო პრეპარატებთან: გთხოვთ შეატყობინოთ თქვენს ექიმს ან აფთიაქარს, თუ იყენებთ ან დაიწყებთ შემდეგი წამლების გამოყენებას, მათ შორის ისეთების, რომლებიც გაიცემა ურეცეპტოდ. პრეპარატი ატრამისა და სხვა მასთან ერთად მიღებული სამკურნალო პრეპარატების შედეგებმა შესაძლოა გავლენა იქონიოს ერთმანეთზე. ატრამი აძლიერებს მასთან ერთად მიღებული სისხლის მაღალი წნევის სამკურნალო პრეპარატებისა და აგრეთვე იმ პრეპარატების მოქმედებას, რომელთაგანაც გვერდითი მოვლენის სახით მოსალოდნელია სისხლის წნევის დაწევა. პრეპარატი ატრამის ერთდოული მიღებისას აქტიური ნივთიერებების დილტიაზემისა ან ვერაპამილის შემცველ პერორალურ პრეპარატებთან ერთად ხანდახან ადგილი აქვს გულის მუშაობის დარღვევებს, რომლებმაც შესაძლოა გამოიწვიოს გულის რითმის დარღვევა. თუ პრეპარატ ატრამს ერთდოულად იღებთ რომელიმე ზემოაღნიშნულ ნივთიერებასთან ერთად, საჭიროა გულის მუშაობის კონტროლი (ეკგ) და სისხლის წნევის ზომვა. აკრძალულია ამ ნივთიერებების ერთდროული ინტრავენური მიღება. პაციენტებთან სისხლის მაღალი წნევით, რომლებიც იყენებენ პრეპარატ ატრამს დიგოქსინის შემცველ მედიკამენტთან ერთად, შესაძლოა გამოიწვიოს სისხლში დიგოქსინის დონის მომატება. ამისათვის საჭიროა მკურნალობის დაწყებისას, მის განმავლობაში და პრეპარატი ატრამის შეწყვეტისას სისხლში დიგოქსინის დონის გაკონტროლება. ატრამი აძლიერებს ინსულინისა და სხვა დიაბეტის სამკურნალო მედიკამენტების მოქმედებას, რითაც იწვევს სისხლში შაქრის დაბალი დონის სიმპტომების დამახინჯებას ან შესუსტებას (პირველ რიგში გულის შეკუმშვის მომატებული სიხშირე). ამისათვის დიაბეტის მქონე პაციენტებმა რეგულარულად უნდა ისინჯონ სისხლში შაქრის დონე. პრეპარატი ატრამის ერთდოული მიღებისას აქტიური ნივთიერების კლონიდინის (სისხლის მაღალი წნევის საწინააღმდეგო) შემცველ პრეპარატებთან ერთად ჯერ უნდა შეწყდეს ატრამის მიღება, რამდენიმე დღით ადრე კლონიდინის შემცველი მედიკამენტის თანდათანობით შეწყვეტამდე. პაციენტებში, რომლებიც იყენებენ აქტიურ ნივთიერება რიფამპიცინის (ანტიბიოტიკი) შემცველ მედიკამენტს, პრეპარატი ატრამის დონემ შესაძლოა დაიწიოს და დაითრგუნოს მისი სამკურნალო ეფექტი. ამის საპირისპიროდ, ერთობლივი გამოყენებისას ციმეტიდინის (კუჭის წყლულის სამკურნალოდ) შემცველ მედიკამენტებთან ერთად მოსალოდნელია პრეპარატი ატრამის მოქმედების გაძლიერება. სიფრთხილის გამოჩენაა საჭირო სრული ნარკოზისას (სრული გაუტკივარება), კარვედილოლისა და ანესთეტიკების ერთობლივი დეპრესიული მოქმედების გამო გულის რითმსა და სისხლის წნევაზე. პაციენტების მონიტორინგი საჭიროაAერთობლივი მიღების დროს რეზერპინთან, გუანეტიდინთან, მეთილდოპთან, გუანფაცინთან, დეპრესიის სამკურნალო პრეპარატებთან ან დიჰიდროპირიდინთან ერთად. ერთობლივი მკურნალობის დროს ტკივილგამაყუჩებელი და ანთებისსაწინააღმდეგო პრეპარატებთან ერთად ან ესტროგენებისა და კორტიკოსტეროიდების შემცველ მედიკამენტებთან ერთად პრეპარატი ატრამის მოქმედება სუსტდება. ატრამი აძლიერებს ერგოტამინისა და კუნთის ნერვების ბლოკატორების სამკურნალო მოქმედებას. პრეპარატი ატრამის მიღება საჭმელსა და სასმელთან ერთად პრეპარატი ატრამი მიიღება ჭამის დროს საკმარისი რაოდენობით სითხესთან ერთად.

 

ფეხმძიმობა და ლაქტაცია: პრეპარატი ატრამი არ უნდა გამოიყენონ ფეხმძიმე და მეძუძურმა ქალებმა. ნებისმიერი სამკურნალო საშუალების გამოყენების წინ კონსულტაცია მიიღეთ თქვენი ექიმის ან აფთიაქარისაგან.

 

ავტოტრანსპორტისა და მექანიზმების მართვა: თერაპიული დოზებით პრეპარატი ატრამის გამოყენების დროს ავტოტრანსპორტისა და მექანიზმების მართვის შესაძლებლობაზე რაიმე სახის გავლენა არ არის ცნობილი. მნიშვნელოვანი ინფორმაცია პრეპარატ ატრამის ზოგიერთი შემადგენელი ნივთიერების შესახებ: თუ ექიმმა გითხრათ, რომ რაიმე სახის შაქარს ვერ ინელებთ, ამ მედიკამენტის მიღების დაწყებამდე გაესაუბრეთ თქვენს ექიმს.

 

3. როგორ გამოიყენება პრეპარატი ატრამი: ყოველთვის გამოიყენეთ პრეპარატი ატრამი თქვენი ექიმის მითითებების ზუსტი დაცვით. თუ არ ხართ დარწმუნებული, რჩევა კითხეთ თქვენს ექიმს ან აფთიაქარს. ამ პრეპარატის დოზის მომატების დროს უნდა იყოთ თქვენი მკურნალი ექიმის მუდმივი კონტროლის ქვეშ.

სისხლის მაღალი წნევის მკურნალობა: პრეპარატი რეკომენდებულია დღეში ერთხელ მისაღები დოზით. ზრდასრული პაციენტები პრეპარატი ატრამის რეკომენდებული დოზა მკურნალობის დაწყებისას პირველი ორი დღის განმავლობაში არის 12,5 მგ ერთხელ დღეში. შემდგომში კი გამოიყენება დოზით 25 მგ ერთხელ დღეში. საჭიროების შემთხვევაში დოზის გაზრდა შესაძლებელია ეტაპობრივად ორკვირიანი ინტერვალებით რეკომენდებულ მაქსიმალურ დოზამდე 50 მგ-ის ოდენობით დღეში ერთხელ ან გაყოფილი ორ მიღებად. ასაკოვანი პაციენტები რეკომენდებული დოზა მკურნალობის დაწყებისათვის არის 12,5 მგ ერთხელ დღეში, რაც საკმარისია ზოგიერთი პაციენტისათვის. თუმცა თუ მკურნალობა არ არის საკმარისად შედეგიანი, შესაძლებელია დოზის გაზრდა ეტაპობრივად ორკვირიანი ინტერვალებით რეკომენდებულ მაქსიმალურ დოზამდე. სტენოკარდიის მკურნალობა ზრდასრული პაციენტები პრეპარატის რეკომენდებული დოზა დასაწყისისათვის არის 12,5 მგ ორჯერ დღეში პირველი ორი დღის განმავლობაში. შემდეგ დოზა შესაძლებელია გაიზარდოს 25 მგ-მდე ორჯერ დღეში. საჭიროების შემთხვევაში დოზა შესაძლებელია გაიზარდოს მაქსიმალურ დღიურ დოზამდე ორ მიღებად გაყოფილი 100 მგ-ის ოდენობით. ასაკოვანი პაციენტებისათვის რეკომენდებულია დღიური დოზა 50 მგ-ის ოდენობით გაყოფილი ორ მიღებად. გულის უკმარისობის მკურნალობა ზრდასრული პაციენტები პრეპარატი ატრამის რეკომენდებული დოზა მკურნალობის დაწყებისას პირველი ორი კვირის განმავლობაში არის 3,125 მგ ორჯერ დღეში. თუ პაციენტი ამ დოზას კარგად იტანს შესაძლებელია დოზის მომატება არაუმოკლეს ორი კვირის ინტერვალებით, ჯერ 6,25 მგ-მდე ორჯერ დღეში, შემდეგ კი 12,5 მგ-მდე ორჯერ დDეში და საბოლოოდ 25 მგ-მდე ორჯერ დღეში. დოზის მომატება შესაძლებელია იმ მაქსიმალურ ოდენობამდე, რომელსაც პაციენტი იტანს. მაქსიმალური რეკომენდებული დღიური დოზა პაციენტებისათვის გულის მწვავე უკმარისობით და პაციენტებისათვის გულის მსუბუქი უკმარისობით, რომლებიც იწონიან 85 კგ-მდე, არის 25 მგ ორჯერ დღეში. პაციენტებისათვის გულის მსუბუქი უკმარისობით, რომლებიც იწონიან 85 კგ-ზე მეტს, დოზა არის 50 მგ ორჯერ დღეში. დოზის ყოველი მომატების წინ საჭიროა გამოკვლევა, რომელსაც აწარმოებს მკურნალი ექიმი. თუ მოხდება გულის უკმარისობის გაუარესება ან ორგანიზმში სითხის შეკავება (შეშუპება), საჭიროა დიურეტიკების (წამლების, რომლებიც ახდენენ შარდის წარმოქმნისა და გამოყოფის სტიმულაციას) დოზის მომატება ექიმის მითითებების შესაბამისად. ზოგიერთ შემთხვევაში საჭიროა პრეპარატი ატრამის მიღების დროებით შეწყვეტა. თუ საქმე მივიდა პრეპარატი ატრამის დროებით შეწყვეტამდე ორ კვირაზე მეტი ვადით, რეკომენდებულია წამლის მიღების გაგრძელების დაწყება კვლავ დოზით 3,125 მგ ორჯერ დღეში და შემდეგ დოზის მომატება ეტაპობრივად ზემოაღნიშნული მეთოდით. ზუსტ მითითებას მოგცემთ თქვენი ექიმი. ტაბლეტები იყლაპება მთლიანად რაიმე სახის სითხის საკმარისი ოდენობის მიყოლებით. პრეპარატ ატრამის საჭიროზე მეტი რაოდენობით მიღების შემთხვევაში ატრამის ჭარბი რაოდენობით მიღებამ შესაძლოა გამოიწვიოს სისხლის წნევის მნიშვნელოვანი დაცემა, გულის მუშაობის მნიშვნელოვანი შემცირება, გულის უკმარისობა და ასევე შოკი და გულის გაჩერება. შესაძლებელია სუნთქვის პრობლემები (ქოშინი), პირღებინება, ცნობიერების დარღევევები, კრუნჩხვები. ჭარბი რაოდენობით მიღების ან შემთხვევით ბავშვის მიერ პრეპარატის მიღების შემთხვევაში სასწრაფოდ მიმართეთ ექიმს.

 

თუ დაგავიწყდათ პრეპარატ ატრამის მიღება: თუ დაგავიწყდათ დოზის მიღება, მიიღეთ ის, როგორც კი გაგახსენდებათ. თუ მოახლოვებულია შემდეგი მიღების დრო, გამოტოვეთ წინა მიღება და დაელოდეთ შემდეგი მიღების დროს. თუ დაგავიწყდათ ერთი დოზის მიღება არ გააორმაგოთ შემდეგი დოზა გამოტოვებული მიღების ანაზღაურების მიზნით.

თუ შეწყვეტთ პრეპარატ ატრამის მიღებას: მკურნალობა პრეპარატი ატრამით ხანგრძლივია. ამის გამო მკურნალი ექიმის მითითების გარეშე ნუ შეწყვეტთ მკურნალობას. წამლის მიღება უნდა შეწყდეს ეტაპობრივად. ამ პრეპარატის მოხმარებასთან დაკავშირებით რაიმე შეკითხვის არსებობის შემთხვევაში მიმართეთ თქვენს ექიმს ან აფთიაქარს.

4. შესაძლო გვერდითი მოვლენები: სხვა წამლების მსგავსად ატრამსაც შეიძლება ჰქონდეს გვერდითი მოვლენები, რომლებიც არ არის აუცილებელი, რომ ყველას გამოაჩნდეს. კარვედილოლის (პრეპარატი ატრამის აქტიური ნივთიერება) მიღებისას შესაძლოა შემდეგი გვერდითი მოვლენები (სიხშირის მიხედვით): ძალიან ხშირი (აწუხებს 10 პაციენტიდან 1-ზე მეტს): მკურნალობის დასაწყისში შესაძლოა შეგაწუხოთ თავბრუსხვევამ**. ხშირი (აწუხებს 100 პაციენტიდან 1-10-ს): წონის მომატება, გულის შენელებული მუშაობა, სითხეების მომატებული შეფერხება, გულისრევა, დიარეა, ტკივილი მუცლის არეში, სისხლში შაქრის დონის მომატება (განსაკუთრებით დიაბეტიან პაციენტებში), ქოლესტერინის დონის მომატება სისხლში, სისხლის წნევის დაცემა, შეშუპება, ცხვირის გაჭედვა, ცრემლწარმოქმნის შემცირება, კიდურების ტკივილი, მკურნალობის დასაწყისში შესაძლოა შეგაწუხოთ თავის ტკივილმა და დაღლილობამ. ნაკლებად ხშირი გვერდითი მოვლენები (აწუხებს 1000 პაციენტიდან 1-10-ს): გულის ფუნქციისა და რითმის დარღვევები, სისხლის მიმოქცევის დარღვევები, ტვინის ჟანგბადით არასაკმარისი მომარაგებით გამოწვეული გონების ხანმოკლე დაკარგვა*, მხედველობის გაუარესება**, სუნთქვის გაძნელება და ასთმა, ვისაც ამისაკენ აქვთ მიდრეკილება, შეკრულობა, პირღებინება**, პირის სიმშრალე, შარდვის გაძნელება, ჩხვლეტები, თვალების გაღიზიანება, კანის ალერგიული რეაქციები (გამონაყარი, ჭინჭრის ციება, ქავილი), სქესობრივი ფუნქციის დარღვევები, უძილობა, დეპრესია. იშვიათი გვერდითი მოვლენები (აწუხებს 10 000 პაციენტიდან 1-10-ს): თრომბოციტების** ან/და ლეიკოციტების რაოდენობის შემცირება, თირკმლის ფუნქციის დარღვევები, ლაბორატორიული მაჩვენებების ცვლილებები. * ეს გვერდითი მოვლენა პაციენტებში გულის ქრონიკული უკმარისობით გვხვდება იშვიათად. ** ეს გვერდითი მოვლენა პაციენტებში გულის ქრონიკული უკმარისობით გვხვდება ხშირად. რაიმე მნიშვნელოვანი გვერდითი მოვლენების აღმოჩენისას ან ისეთი გვერდითი მოვლენების აღმოჩენისას, რომელიც არ არის მითითებული წინამდებარე ანოტაციაში, გთხოვთ შეატყობინოთ თქვენს ექიმს ან აფთიაქარს.

5. როგორ ინახება პრეპარატი ატრამი: შეინახეთ ბავშვებისაგან დაცულ ადგილას. პრეპარატი ატრამის გამოყენება დაუშვებელია იმ ვადის გასვლის შემდეგ, რომელიც მითითებულია შეფუთვაზე. გამოყენების ვადა იწურება აღნიშნული თვის ბოლო რიცხვში. შეინახეთ არაუმეტეს 30°C ტემპერატურაზე. დაუშვებელია სამკურნალო საშუალებების მოხვედრა ჩამდინარე წყლებსა და საყოფაცხოვრებო ნაგავში. ჰკითხეთ თქვენს აფთიაქარს, თუ როგორ შეიძლება იმ სამკურნალო საშუალებების განადგურება, რომლებიც უკვე აღარ გესაჭიროებათ. ამით თქვენ შეიტანთ წვლილს საცხოვრებელი გარემოს დაცვაში.

6. დამატებითი ინფორმაცია: პრეპარატ ატრამის შემადგენლობა აქტიური ნივთიერება არის Carvedilolum (კარვედილოლი) 6,25 მგ, 12,5 მგ ან 25 მგ ერთ ტაბლეტში. დამხმარე ნივთიერებებს წარმოადგენს პოვიდონი 30, ლაქტოზის მონოჰიდრატი, კოლოიდური უწყლო კაჟბადი, კროსკარმელაზის ნატრიუმის მარილი, მაგნიუმის სტეარატი, აზორუბინი, რკინის ყვითელი ოქსიდი, რკინის წითელი ოქსიდი (ატრამი 12,5 და ატრამი 25) პრეპარატ ატრამის გარეგნული იერ-სახე და შეფუთვის შემადგენლობა ატრამი 6,25 წარმოადგენს ყვითელი ფერის ტაბლეტებს ნათელი წერტილებით, კარატეს ტიპის გამყოფი ხაზითა და ცალ მხარეს ციფრი "6"-ის რელიეფური გამოსახულებით. ატრამი 12,5 წარმოადგენს ჟანგმიწის ფერის ტაბლეტებს ნათელი წერტილებით, კარატეს ტიპის გამყოფი ხაზითა და ცალ მხარეს რიცხვი "12"-ის რელიეფური გამოსახულებით. ატრამი 25 წარმოადგენს ჟანგმიწის ფერის ტაბლეტებს ნათელი წერტილებით, კარატეს ტიპის გამყოფი ხაზითა და ცალ მხარეს რიცხვი "25"-ის რელიეფური გამოსახულებით. ატრამი 6,25 და ატრამი 12,5: ერთი შეფუთვა შეიცავს 15 ან 30 ტაბლეტს. ატრამი 25: ერთი შეფუთვა შეიცავს 30 ან 90 ტაბლეტს. სავალდებულო არ არის ბაზარზე იყოს ყველა ზომის შეფუთვა. რეგისტრაციის მფლობელი და მწარმოებლები ზენტივა, კ.ს., პრაღა, ჩეხეთის რესპუბლიკა