შემადგენლობა:

თითოეული ფლაკონი შეიცავს ამპიცილინ ნატრიუმს, რომელიც შეესაბამება 250, 500, 1000 მგ ამპიცილინს; სულბაქტამ ნატრიუმს, რომელიც შეესაბამება 125, 250, 500 მგ სულბაქტამს.
თითოეული ამპულა გამხსნელით შეიცავს 1, 1.8 და 3.5 მლ დისტილირებულ საინექციო წყალს.
პრეპარატი სტერილური და აპიროგენულია.

 

ფარმაკოლოგიური თვისებები:
ამპიცილინი, 6-ამინოპენიცილინის მჟავის წარმოებული, არის ბაქტერიციდული ეფექტის მქონე ფართო სპექტრის ანტიბიოტიკი, რომელიც მოქმედებს გრამ(+) და გრამ(-) აერობებსა და ანაერობებზე; თავის ბაქტერიციდულ მოქმედებას ახორციელებს უჯრედოვანი მემბრანის მუკოპეპტიდების ბიოსინთეზის ინჰიბირებით.
ამპიცილინი არ არის მდგრადი β-ლაქტამაზების მოქმედების მიმართ, ადვილად იშლება და შესაძლოა იყოს უეფექტო მკურნალობისას.
სულბაქტამი არის პენიცილინის ბირთვის წარმოებული; შეუქცევადად აინჰიბირებს β-ლაქტამაზას, რომელიც წარმოადგენს მიკროორგანიზმების რეზისტენტობის საფუძველს ცეფალოსპორინების და პენიცილინების მიმართ.
β-ლაქტამაზების ინჰიბირებით, რომლებსაც გამოყოფენ ამპიცილინის მიმართ მგრძნობიარე მიკროორგანიზმები, სულბაქტამი ავლენს სინერგიულ მოქმედებას.
ამპიცილინი/სულბაქტამი in vitro მოქმედებს β-ლაქტამაზა მაპროდუცირებელ და არამაპროდუცირებელ გრამდადებით Staphylococcus aureus, Staphylococcus faecalis, Streptococcus pneumoniae, Streptococcus viridans, Streptococcus pyogenes. და გრამუარყოფით Haemophilus influenzae, Branhamella catarrhalis, Esherichia coli, Klebsiella, Proteus mirabilis, Neisseria gonorrhoeae, Proteus vulgaris, Providencia rettgeri, Providencia stuartii, Morganella morganii. მიკრობებზე, აგრეთვე ანაერობულ მიკროორგანიზმებზე: კლოსტრიდიები, პეპტოკოკები, პეპტოსტრეპტოკოკები და ბაქტეროიდები (B.fragilis ჩათვლით ).
ამპიცილინი/სულბაქტამი ი/ვ და ი/მ შეყვანის შემდეგ ქმნის მაღალ კონცეტრაციას სისხლის პლაზმაში. თირკმელების ნორმალური ფუნქციის მქონე პაციენტებში შეყვანიდან 8 საათის შემდეგ პრეპარატის 75-80% შეუცვლელად გამოიყოფა შარდთან ერთად. თირკმელების ფუნქციის მოშლა მოქმედებს პრეპარატის ელიმინაციაზე. ამპიცილინი უკავშირდება სისხლის ცილებს 28%-ით, სულბაქტამი -38%-ით. ამპიცილინი/სულბაქტამი მაღალ კონცენტრაციას ქმნის ორგანიზმის სხვადასხვა ორგანოებსა და სითხეებში; ინტრავენურად შეყვანის შემდეგ აღმოჩენილია თავ-ზურგ-ტვინის სითხეში (თავის ტვინის გარსების ანთების დროს).

 

ჩვენება:
გამოიყენება ამპიცილინი/სულბაქტამის მიმართ მგრძნობიარე მიკროორგანიზმებით გამოწვეული ინფექციების დროს.
-კანისა და რბილი ქსოვილების ინფექციები.
-სასუნთქი გზების ინფექციები.
-ინტრააბდომინალური ინფექციები.
-გინეკოლოგიური ინფექციები.
-შარდ-სასქესო სისტემის ინფექციები.
ასევე გამოიყენება ბაქტერიული სეპტიცემიის, ძვალ-სახსროვანი სისტემისა და გონოკოკური ინფექციის დროს, წინასაოპერაციო პროფილაქტიკისათვის, ასევე სეფსისის რისკის შემცირების მიზნით აბორტების და საკეისრო კვეთის შემდეგ.

 

წინააღმდეგჩვენება:
ამპისიდი არ გამოიყენება პენიცილინების მიმართ მომატებული მგრძნობელობისას.

 

თავისებურებები:
ამპიცილინი/სულბაქტამით მკურნალობისას შეიძლება აღინიშნოს მომატებული მგრძნობელობის რეაქცია. ანაფილაქსიური რეაქცია შეიძლება აღინიშნოს პენიცილინებისა და ცეფალოსპორინების მიმართ მაღალი მგრძნობელობის დროს, ამიტომ მკურნალობის დაწყებამდე აუცილებელია ანამნეზის დეტალური შეკრება. ალერგიული რეაქციის გამოვლენისას აუცილებელია პრეპარატის მოხსნა და ანტიჰისტამინური პრეპარატებით და კორტიკოსტეროიდებით მკურნალობის დაწყება.
მიუხედავად პენიცილინების არატოქსიურობისა, ხანგრძლივი დანიშვნისას აუცილებელია სასიცოცხლო მნიშვნელობის ორგანოების (თირკმელები, ღვიძლი, ჰემოპოეზის სისტემა) ფუნქციების კონტროლი. ამპიცილინ/სულბაქტამს არ ახასიათებს კანცეროგენული და მუტაგენური ეფექტები. არ გამოიყენება მონონუკლეოზით დაავადებულებში.

 

გვერდითი მოვლენები:
ამპისიდი კარგად გადაიტანება, მაგრამ ძალიან იშვიათად შეიძლება აღინიშნოს შემდეგი რეაქციები:
-ადგილობრივად: ტკივილი და წვა ინექციის ადგილას.
-ს.მ.ს: სტომატიტი, ენის ზედაპირის გამუქება, გასტრიტი, დიარეა, ენტეროკოლიტი, ფსევდომემბრანული კოლიტი.
-კანი და რბილი ქსოვილები: გამონაყარი კანზე, ქავილი, ურტიკარია, მულტიფორმული ერითემა.
-ჰემატოლიზური:აგრანულოციტოზი,ჰემოგლობინის,ჰემატოკრიტის,ლეიკოციტების, თრომბოციტების რაოდენობის შემცირება ან ლიმფოციტების, მონოციტების, ეოზინოფილების რაოდენობის მომატება.
ეს ცვლილებები ატარებს გარდამავალ ხასიათს და სისხლის სურათი ნორმალიზდება პრეპარატის მოხსნისას.

 

მიღების წესი:
გამოიყენება ინტრამუსკულური და ინტრავენური ინექციისათვის.
მოზრდილებში სადღეღამისო დოზა 1,5 გრამიდან (1გ ამპიცილინი/0,5გ სულბაქ-ტამი) 12 გრმამდე (8გამპიცილინი /4გსულბაქტამი). სულბაქტამის მაქსიმალური სადღეღამისო დოზაა 4გ. ინფექციური პროცესის სიმძიმის მიხედვით პრეპარატი გამოიყენება 6-8 საათში ერთჯერ. საშუალო სიმძიმის ინფექციების დროს 12 სთ-ში ერთჯერ. პრეპარატი შეჰყავთ ვენაში ძალიან ნელა 10-15 წთ-ის განმავლობაში. 50-100 მლ საინფუზიო ხსნარის გამოყენების შემთხვევაში პრეპარატი შეჰყავთ 15-30 წთ-ის განმავლობაში. კუნთში ინექცია კეთდება ღრმად. ტკივილის შემთხვევაში შეიძლება გამოვიყენოთ ლიდოკაინის ჰიდროქლორიდის 0.5% ხსნარი. საინექციოდ მომზადებული ხსნარი გამოიყენება 1 სთ-ის განმავლობაში.
თირკმელების ფუნქციის მოშლის შემთხვევაში ამპიცილინისა და სულბაქტამის ელიმინაცია იცვლება. ამ შემთხვევაში გამოიყენება შემდეგი სქემა:

კრეატინინის კლირენსი

გამოსაყენებელი დოზა

გამოყენების ინტერვალი

(მლ/წმ)

(გ)

(სთ)

>30

1.5-3

6-8

15-29

1.5-3

12

5-14

1.5-3

24

ბავშვებსა და ახალშობილებში სადღეღამისო დოზაა 150მგ/კგ 6-8სთ-ში ერთჯერ. დღენაკლებსა და ახალშობილებში სიცოცხლის პირველი ერთი კვირის განმავლობაში 150 მგ/კგ-ზე 12სთ-ში ერთჯერ.
მკურნალობა უნდა გაგრძელდეს ტემპერატურული რეაქციის ნორმალიზაციიდან 48 სთ-ის განმავლობაში. მკურნალობა გრძელდება 5-14 დღე, მაგრამ მძიმე შემთხვევაში შეიძლება მკურნალობის კურსის გახანგრძლივება.
ქირურგიული ოპერაციების პროფილაქტიკისათვის ქსოვილებში საკმარისი კონცენტრაციის შესაქმნელად გამოიყენება 1,5-3გ ანესთეზიის დროს და 6-8 სთ-ის შემდეგ განმეორებით. თუ არსებობს ამინოგლიკოზიდების გამოყენების აუცილებლობა, ორივე პრეპარატი მზადდება საინექციოდ ცალცალკე და კეთდება სხვადასხვა ადგილას.

 

ხსნარის მომზადება:
გახსნის შემდეგ უნდა დაველოდოთ ქაფის გაქრობას. შეჰყავთ ინტრავენურად და ინტრამუსკულურად. გამხსნელად გამოიყენება დისტილირებული საინექციო წყალი.
ამპისიდი ი/ვ და ი/მ ინექციისათვის 0,375გ 0,8 მლ.
ამპისიდი ი/ვ და ი/მ ინექციისათვის 0,750გ 1,6 მლ.
ამპისიდი ი/ვ და ი/მ ინექციისათვის 1,5გ 3,2 მლ.

სულბაქტამ-ნატრიუმი შეიძლება შევიყვანოთ მრავალ გამხსნელთან ერთად, ამპიცილინ-ნატრიუმი კი ნაკლებად მდგრადია დექსტროზისა და ნახშირწყლების შემცველი გამხსნელების მიმართ. ქვემოთ მოყვანილია დასაშვები გამხსნელების გამოყენების სქემა:

გამხსნელი

ამპიცილინი/სულბაქტამის
კონცეტრაცია (მგ/მლ)

გამოყენების დრო

სტერილური წყალი
ინექციისათვის

45(30/15)
45(30/15)
30(20/15)

8სთ 25°C
48სთ 4°C
72სთ 4°C

იზოტონიური ნატრიუმის
ქლორიდი

45(30/15)
45(30/15)
30(20/10)

8სთ 25°C
48სთ 4°C
72სთ 4°C

5% დექსტროზა/წყალი

30(20/10)
30(20/10)
3 (2/1)

2სთ 25°C
4სთ 4°C
4სთ 4°C

რინგერის ლაქტატი

45(30/15)
45(30/15)

8სთ 25°C
24სთ 4°C

ნატრიუმის ლაქტატი M/6

45(30/15)
45(30/15)

8სთ 25°C
8სთ 4°C

5% დექსტროზა/0.45 Nacl

3 (2/1)
15(10/15)

4სთ 25°C
4სთ 4°C

10% გლუკოზა

3 (2/1)
30 (20/10)

4სთ 25°C
3სთ 4°C

 

შენახვის პირობები:
ინახება მშრალ ადგილას (არაუმეტეს 25°C ტემპერატურაზე)
ბავშვებისაგან დაცულ ადგილას.

 

გამოშვების ფორმა:
ამპისიდი ი/ვ; ი/მ ინექციისათვის 0,375გ, 0,750გ, 1,5გ ფხვნილი და 1 ამპულა
1; 1,8; 3,5 მლ დისტილირებული საინექციო წყალი.

 

სხვა გამოშვების ფორმები:
ამპისიდი ი/მ; ინექციისათვის 0,375გ
ამპისიდი ი/მ; ინექციისათვის 0,750გ
ამპისიდი ი/მ; ინექციისათვის 1.5გ
ამპისიდი შემოგარსული ტაბლეტები 0,375გ №10
ამპისიდი შემოგარსული ტაბლეტები 0,750გ №10
ამპისიდი სუსპენზია 0,25გ/5 მლ 40 მლ №1 ფლაკონი

 

ვარგისიანობის ვადა:
2 წელი

 

 

გაცემის წესი:
რეცეპტით

 

მწარმოებელი:
მუსტაფა ნევზატ ილაჩ სანაი
#5/1-80290 იენიბოსნა-სტამბული
თურქეთი