DIPHENHYDRAMINI HYDROCHLORIDUM, NAPHAZOLINI NITRAS Warsaw pharmaceutical works POLFA, პოლონეთი

 

ათქ კლასიფიკაციის კოდი: S01GA51

 

შემადგენლობა და გამოშვების ფორმა: თვალის წვეთები: ფლაკონში 5 მლ, შეფუთვაში 2 ფლაკონი 1 მლ დიფენჰიდრამინის ჰიდროქლორიდი - 1 მგ ნაფაზოლინის ნიტრატი -0.33 მგ

 

დამხმარე ნივთიერებები: ბენზალკონიუმის ქლორიდის ხსნარი, დინატრიუმის ედეტატი, 10%-იანი ნატრიუმის ჰიდროქსიდი (პH - ის კორექციისათვის), გასუფთავებული წყალი.

 

კლინიკურ-ფარმაკოლოგიური ჯგუფი: სისხლძარღვთაშემავიწროვებელი და ანტიჰისტამინური პრეპარატი ადგილობრივი გამოყენებისათვის ოფტალმოლოგიაში

 

ფარმაკოლოგიური თვისებები: ალტადრინი კომბინირებული პრეპარატია, რომელიც შეიცავს ანტიჰისტამინურ ნივთიერება - დიფენჰიდრამინს და ალფა-ადრენომიმეტურ საშუალებას - ნაფაზოლინს. ამ ორი ნივთიერების მოქმედების შედეგად მოიხსნება ადგილობრივი ანთებითი სიმპტომები (სიწითლე, ტკივილი, ცრემლდენა), თუ მათი მიზეზი არის სენსიბილიზაცია.

 

ჩვენებები: პრეპარატი გამოიყენება კონიუნქტივის მწვავე ანთებითი პროცესების დროს, სეზონური და წლიური ალერგიული კონიუნქტივიტისას ან ანთებითი პროცესების დროს, რაც შეიძლება გამოიწვიოს კონტაქტური ლინზების გამოყენებამ, მზის სინათლემ, სიგარეტის კვამლმა, საცურაო აუზში წყალთან შეხებამ და სხვ.

 

დოზირების რეჟიმი: ალტადრინი მიიღება ექიმის რეკომენდაციის შესაბამისად. ეჭვის არსებობისას კვლავ მიმართეთ ექიმს. პრეპარატი განკუთვნილია თვალში გამოსაყენებლად.

 

დოზირება: მოზრდილები და 6 წლის ასაკის ზემოთ ბავშვები: 1-2 წვეთი კონიუნქტივალურ პარკში, საჭიროების შემთხვევაში ყოველ 6-8 საათში. პრეპარატი არ მიიღება 3-5 დღეზე მეტ ხანს. თუ მიგაჩნიათ, რომ პრეპარატის მოქმედება ზედმეტად ძლიერია ან სუსტია, მიმართეთ ექიმს. არ შეიძლება საწვეთურის ბოლოსთან შეხება, ვინაიდან ამან შეიძლება გამოიწვიოს ფლაკონის შიგთავსის დაბინძურება.

 

დოზის გამოტოვების შემთხვევაში: ნუ მიიღებთ ორმაგ დოზას გამოტოვებული დოზის ასანაზღაურებლად.

 

გვერდითი მოვლენები: სხვა წამლების მსგავსად, ალტადრინმა შეიძლება გამოიწვიოს გვერდითი მოვლენები. ყველაზე ხშირად განვითარებული დროებითი სიმპტომებია: წვა, ქავილი, ტკივილი თვალებში, მხედველობის დარღვევა, კონიუქტივის ჰიპერემია. იშვიათად: ძილიანობა, აჩქარებული გულისცემა, არტერიული წნევის მომატება, თავის ტკივილი და თავბრუსხვევა, გულისრევა და თვალშიდა წნევის მომატება. სისტემური რეაქციების გამოვლენის ან ადგილობრივი გაღიზიანების გახანგრძლივებისას პრეპარატი უნდა მოიხსნას. პრეპარატის ხანგრძლივმა გამოყენებამ შეიძლება გამოიწვიოს შეშუპებისა და სეკრეციის მეორადი მომატება, ასევე ეპითელიუმის ადგილობრივი ცვლილებები.

 

უკუჩვენებები: - ჰიპერმგრძნობელობა პრეპარატის ნებისმიერი კომპონენტის მიმართ - მახვილკუთხოვანი გლაუკომა - ჰიპერმგრძნობელობა ადრენომიმეტური საშუალებების მიმართ.

 

განსაკუთრებული მითითებები: - ნუ მიიღებთ პრეპარატს გახანგრძლივებული კონიუნქტივიტის დროს, ქრონიკული დაავადების გამწვავების შემთხვევაში - პრეპარატის მიღება შეიძლება ხანმოკლე ვადით. - პაციენტებში არტერიული ჰიპერტენზიით, გულის რითმის დარღვევებით, ჰიპერმგრძნობელობით სიმპატომიმეტიკების მიმართ (მაგალითად ჰიპერთირეოზით), წინამდებარე ჯირკვლის ჰიპერტროფიისას, ასევე ხანდაზმულ პაციენტებში აუცილებელია სიფრთხილის დაცვა სისტემური რეაქციების განვითარების შესაძლებლობის გამო. - თუ მკურნალობის ფონზე აღინიშნება მდგრადი სიმპტომები, გაღიზიანება ან ოფტალმალგია 72 საათზე მეტი ხნის განმავლობაში, პრეპარატი უნდა მოიხსნას. - არ არის რეკომენდებული პრეპარატის 5 დღეზე მეტ ხანს ან 3 საათზე ნაკლები ინტერვალით გამოყენება, შეშუპების რისკის გამო, ასევე ეპითელიუმის შეუქცევადი ცვლილებების განვითარების შესაძლებლობის გამო. - პაციენტებმა, რომლებიც კონტაქტურ ლინზებს ატარებენ - პრეპარატის გამოყენებამდე უნდა მოიხსნან ლინზები. მათი ჩასმა შესაძლებელია პრეპარატის ჩაწვეთებიდან 15 წუთის შემდეგ, ბენზალკონიუმის ქლორიდმა შეიძლება გააღიზიანოს თვალი და შეცვალოს ლინზების ფერი. ზემოქმედება ავტოტრანსპორტისა და მექანიზმების მართვის უნარზე: პრეპარატმა შეიძლება შეასუსტოს მხედველობის სიმახვილე, ამიტომ სიფრთხილეა საჭირო მისი გამოყენებისას იმ პირებში, რომლებიც მართავენ ავტოსატრანსპორტო საშუალებებს და მუშაობენ მექანიზმებთან.

 

ორსულობა და ლაქტაცია: წამლის მიღებამდე აუცილებელია ექიმთან კონსულტაცია. ორსულებში წამლის გამოყენება შეიძლება მხოლოდ იმ შემთხვევაში, თუ ექიმი ჩათვლის, რომ სარგებელი დედისათვის აღემატება რისკს ნაყოფისათვის. მეძუძურ დედებში წამლის გამოყენებისას განსაკუთრებული სიფრთხილეა საჭირო.

 

ჭარბი დოზირება: კონიუნქტივალურ პარკში პრეპარატის ჩაწვეთებისას ჭარბი დოზირების შესახებ მონაცემები არ არსებობს. პრეპარატის ხანგრძლივმა ან ხშირმა გამოყენებამ პატარა ბავშვებში შეიძლება გამოიწვიოს ცენტრალური ნერვული სისტემის დათრგუნვა, ჰიპოთერმია (სხეულის ტემპერატურის დაქვეითება), კომა, გუგის ხანგრძლივი გაფართოვება. არადანიშნულებისამებრ პრეპარატის გამოყენებამ შეიძლება გამოიწვიოს არტერიული წნევის უეცარი დაქვეითება, ტაქიკარდია (ტაქიარითმია). სამკურნალო საშუალების რეკომენდებულზე უფრო მაღალი დოზის გამოყენების შემთხვევაში, უნდა მიმართოთ ექიმს ან ფარმაცევტს.

 

სხვა წამლებთან ურთიერთქმედება: ექიმს უნდა აცნობოთ ყველა წამლის შესახებ, რომლებსაც ბოლო დროს ღებულობდით, ურეცეპტოდ გაცემული წამლების ჩათვლით. პრეპარატის გამოყენება არ შეიძლება მონოამინოოქსიდაზას ინჰიბიტორებთან (მაგ. ანტიდეპრესანტებთან) ან ტრიციკლურ ანტიდეპრესანტებთან ერთად.

 

შენახვის პირობები და ვადა: პრეპარატი ინახება მჭიდროდ თავდახურულ ფლაკონში არაუმეტეს 25 ºჩ ტემპერატურაზე, ბავშვებისათვის მიუწვდომელ, სინათლისაგან დაცულ ადგილას. სამკურნალო საშუალება გამოიყენება ფლაკონის გახსნიდან 4 კვირის განმავლობაში. ვარგისიანობის ვადა - 3 წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ. აფთიაქიდან გაცემის პირობები: პრეპარატი გაიცემა ექიმის რეცეპტით Warsaw pharmaceutical works POLFA