სავაჭრო სახელწოდება: ადანტი - Adant

საერთაშორისო დასახელება: (აქტიური ნივთიერება) hyaluronic acid sodium

კლინიკურ-ფარმაკოლოგიური ჯგუფი: ნივთიერებათა ცვლის დარღვევები - ქსოვილებში ნივთიერებათა ცვლაზე მოქმედი საშუალებები - ქსოვილებში ნივთიერებათა ცვლის გამააქტიურებელი, ტროფიკის გამაუმჯობესებელი და რეგენერაციის პროცესის
მასტიმულირებელი პრეპარატები - ბუნებრივი წარმოშობის პრეპარატები

გამოშვების ფორმა: 25მგ2.5მლ მზა შპრიცი #1

გაცემის რეჟიმი: II ჯგუფი (გაიცემა ფორმა N3 რეცეპტით)

შემადგენლობა: 1მლ. ნატრიუმის ჰიალურონატი- 10მგ

ფარმაკოლოგიური თვისებები: ნატრიუმის ჰიალურონატი წარმოადგენს ბუნებრივ
პოლიმერს გლიკოზამინოგლიკანების კლასიდან, რომელიც სინოვიალური სითხის
ფიზიოლოგიური ფუნქციის ძირითადი და წამყვანი კომპონენტია. ნატრიუმის
ჰიალურონატი ხასიათდება ვისკოელასტიურობით, ჰიგროსკოპულობით და
ლუბრიკანტული თვისებებით. ჰირუანის სახსარშიდა ინექცია აუმჯობესებს სახსრის
ფუნქციას და მობილურობას; ახდენს დაავადებულ სახსარში სინოვიალური სითხის
ნორმალიზებას.

ჩვენებები: მუხლის სახსრის დეფორმაციული ოსტეოართრიტი, მხრის პერიართრიტი.

მიღების წესი და დოზები: ადანტის ინექცია კეთდება უშუალოდ მუხლის ან მხრის სახსარში კვირაში ერთხელ 5 კვირის განმავლობაში. ინექციის რაოდენობა განისაზღვრება სიმპტომებიდან და დაავადების სიმწვავიდან გამომდინარე. ჰირუანის
ინექცია კეთდება უშუალოდ სახსარშიდა სივრცეში (სინოვიალურ სითხეში) და ამიტომ საჭიროა მკაცრად იყოს დაცული პროცედურის სტერილურობა.

გვერდითი მოვლენები: ჰიპერმგრძნობელობა: შეშუპება (სახეზე, ქუთუთოებზე), სიწითლე სახეზე, იშვიათად გამონაყარი, ურტიკარია, ქავილი. ასსეტ შემთხვევაში რეკომენდებულია ჰირუანით მკურნალობის შეწყვეტა და ადექვატური მკურნალობის ჩატარება.
ინექციის ადგილას: შეიძლება განვითარდეს ტკივილი (ტრანზიტორული), შეშუპება, სიწითლე, სითბოსა და სიმძიმის შეგრძნება. შეიძლება განვითარდეს: გულისრევა, ღებინება და ცხელება.

სერიოზული გვერდითი მოვლენები: შოკის სიმპტომების განვითარების შემთხვევაში, მკურნალობა დაუყოვნებლივ წყდება და ტარდება ადექვატური მკურნალობა.

უკუჩვენება: მომატებული მგრძნობელობა ნატრიუმის ჰიალურონატის მიმართ.

სიფრთხილის ზომები: ადანტით მკურნალობის დაწყების წინ აუციელბელია სახსარში ანთებითი პროცესის ალაგება, რადგან ჰირუანმა შეიძლება გაამწვავოს ანთების სიმპტომები.
სახსარში სითხის რეტენციის შემთხვევაში რეკომენდებულია ართროცენტეზი.
ადანტით მკურნალობა წყდება 5 კვირიანი არაეფექტური მკურნალობის შემთხვევაში.
დაუშვებელია ჰირუანის სისხლძარღვში ინექცია.
ადანტი არის ძალიან ბლანტი, ამიტომ ინექციისთვის სასურველია 22-23გ-იანი ნემსი გამოყენება.
ადანტი ინახება 2-8C ტემპერატურაზე, ინექციამდე 30 წუთით ადრე პრეპარატი უნდა გავაჩეროთ ოთახის ტემპერატურაზე;
ადანტის სახსარშიდა ინექცია კეთდება პრეპარატის გახსნისთანავე.

განსაკუთრებული მითითებები: ადანტი სიფრთხილით ინიშნება სხვა მედიკამენტების
მიმართ ჰიპერმგრძნობელობის, ღვიძილის დაავადებების ან მისი ფუნქციური სინჯების დარღვევის შემთხვევაში. სიფრთხილით ინიშნება ბავშვებში, ხანდაზმულებში,
ორსულებში ვინაიდან არ არსებობს კვლევები ნატრიუმის ჰიალურონატის გამოყენების უსაფრთხოების შესახებ. ძუძუთი კვების დროს რეკომენდებულია ლაქტაციის შეწყვეტა.

სხვა წამლებთან ურთიერთქმედება: ადანტის პრეციპიტაცია შეიძლება გამოიწვიოს
სადეზინფექციო საშუალებებმა, ამონიუმის მარილებმა-ბენზალკონიუმის ქლორიდმა, ქლორჰექსიდინმა.

შენახვის პირობები და ვადები: ინახება ბნელ, ჰერმეტიულ კონტეინერში 2-8 C
ტემპერატურაზე მაცივარში.

შენახვის ვადა: 3 წელი (36 თვე)