დაალაიქე ჩვენი გვერდი facebook -ზე

ანოტაციები კლინიკების რეიტინგი ექიმების რეიტინგი სხვა

I ჯგუფი

გაიცემა ფორმა №2 რეცეპტით

II ჯგუფი

გაიცემა ფორმა №3 რეცეპტით

III ჯგუფი

გაიცემა რეცეპტის გარეშე
შეამოწმეთ თუ რომელ მედიკამენტზე გჭირდებათ რეცეპტი
 
შეაფასეთ და დატოვეთ თქვენი კომენტარი ( 0 )
ანოტაცია: როზუვასტატინი
გაუგზავნე ეს ანოტაცია მეგობარს ან ახლობლებს. მხოლოდ გვითხარით ვის უგზავნით და დანარჩენზე ვიზრუნებთ ჩვენ! ელ–ფოსტის მისამართი:
x


  ამობეჭდილია 356-ჯერ
ანოტაცია ნანახია: 2443-ჯერ




როზუვასტატინი

შემოგარსული ტაბლეტები, 5მგ, 10მგ, 15მგ, 20მგ, 30მგ, 40მგ 1.3.1 როზუვასტატინი SPC, მარკირება და შეფუთვის დანართი ფურცელი GE შეფუთვის დანართი ფურცელი: ინფორმაცია მომხმარებლისათვის სორვასტა 5მგ შემოგარსული ტაბლეტები სორვასტა 10მგ შემოგარსული ტაბლეტები სორვასტა 15მგ შემოგარსული ტაბლეტები სორვასტა 20მგ შემოგარსული ტაბლეტები სორვასტა 30მგ შემოგარსული ტაბლეტები სორვასტა 40მგ შემოგარსული ტაბლეტები [u]როზუვასტატინი[/u] ამ სამკურნალო საშუალების მიღებამდე, გულდასმით წაიკითხეთ ეს დანართი ფურცელი სრულად • შეინახეთ ეს დანართი ფურცელი, შესაძლოა კვლავ დაგჭირდეთ მისი წაკითხვა. • თუ გაგიჩნდათ დამატებითი შეკითხვები, მიმართეთ თქვენს ექიმს, ან ფარმაცევტს. • ეს სამკურნალო საშუალება დაგენიშნათ თქვენ, არ გადასცეთ ის სხვა პირებს, ამან შესაძლოა ზიანი მოუტანოს მათ, მიუხედავად იმისა, რომ მათი სიმპტომები თქვენის მსგავსია. • თუ რომელიმე გვერდითი მოვლენა ხდება სერიოზული, ან თქვენ შენიშნეთ სხვა სიმპტომები, რომლებიც არ არის აღწერილი ამ დანართ ფურცელში, აცნობეთ თქვენს ექიმს, ან ფარმაცევტს. [u]1.რას წარმოადგენს სორვასტა და რისთვის გამოიყენება[/u] სორვასტა მიეკუთვნება ე.წ. სტატინების ჯგუფს. თქვენ დაგენიშნათ სორვასტა რადგან: - გაქვთ ქოლესტერინის მაღალი დონე. ეს ნიშნავს, რომ გაქვთ გულის შეტევის, ან ინსულტის მომატებული რისკი. თქვენ დაგენიშნათ სტატინი, რადგან დიეტის შეცვლა და მეტი ვარჯიში არ აღმოჩნდა საკმარისი ქოლესტერინის დონის დასარეგულირებლად. სორვასტას მიღების პერიოდში უნდა განაგრძოთ ქოლესტერინის შესამცირებელი დიეტა და ვარჯიში. ან - არსებობს სხვა ფატქორები, რომლებიც ზრდიან გულის შეტევის, ინსულტის ან მასთან დაკავშირებული ჯანმრთელობის პრობლემების განვითარების რისკს. გულის შეტევა, ინსულტი, ან მასთან დაკავშირებული ჯანმრთელობის პრობლემები შეიძლება გამოწვეული იყოს ათეროსკლეროზით. ათეროსკლეროზი ვითარდება ცხიმის დეპოზიტების დაგროვებით არტერიების კედლებზე. რატომ არის მნიშვნელოვანი სორვასტას მიღება ? სორვასტა გამოიყენება სისხლში ცხიმოვანი ნივთიერებების – ლიპიდების – ძირითადად ქოლესტერინის დონის დასარეგულირებლად. სისხლში არის სხვადასხვა ტიპის ქოლესტერინი – ‘‘ცუდი’’ ქოლესტერინი (დსლპ-ქ, დაბალი სიმკვრივის ლიპოპროტეინების ქოლესტერინი) და ‘‘კარგი’’ ქოლესტერინი (მსლპ-ქ, მაღალი სიმკვრივის ლიპოპროტეინების ქოლესტერინი). - სორვასტა ამცირებს ‘ცუდ’ ქოლესტერინს და ზრდის ‘კარგ’ ქოლესტერინს. - სორვასტა ახდენს თქვენი ორგანიზმის მიერ ‘ცუდი’ ქოლესტერინის გამომუშავების ინჰიბირებას და აუმჯობესებს ორგანიზმის უნარს გამოდევნოს ‘ცუდი’ ქოლესტერინი ორგანიზმიდან. ადამიანთა უმრავლესობაში, ქოლესტერინის მაღალი დონე, სიმპტომების უქონლობის გამო, არ ახდენს გავლენას მათ მიერ ამ მდგომარეობის შეგრძნებაზე. თუმცა მკურნალობის ჩაუტარებლობის შემთხვევაში ცხიმის დეპოზიტები დაგროვდება სისხლძარღვების კედლებზე, რაც გამოიწვევს მათ შევიწროვებას. ზოგჯერ ეს შევიწროვებული სისხლძარღვები იხშობა, რაც იწვევს სისხლის მიწოდების შეწყვეტას გულისა და ტვინისათვის და შესაბამისად ვითარდება გულის შეტევა, ან ინსულტი. ქოლესტერინის დონის შემცირებით, თქვენ ამცირებთ გულის შეტევის და ინსულტის რისკს. მიიღეთ სორვასტა იმ შემთხვევაშიც კი, თუ პრეპარატმა ქოლესტერინის დონე დაარეგულირა, რადგან პრეპარატი თავიდან გაცილებთ ქოლესტერინის დონის კვლავ გაზრდას და ცხიმის დეპოზიტების წარმოქმნას. თუმცა პრეპარატის მიღება უნდა შეწყვიტოთ თუ ეს არის ექიმის რჩევა, ან თუ დაორსულდით. სორვასტას მიღების პერიოდში უნდა განაგრძოთ ქოლესტერინის შესამცირებელი დიეტა და ვარჯიში. [u]2. სორვასტას მიღებამდე[/u] არ მიიღოთ სორვასტა თუ: - ხართ ალერგიული (ჰიპერმგრძნობიარე) როზუვასტატინის, ან სორვასტას სხვა კომპონენტების მიმართ - ხართ ორსულად ან მეძუძური დედა; სორვასტას გამოყენების პერიოდში დაორსულების შემთხვევაში შეწყვიტეთ პრეპარატის მიღება და დაუყოვნებლივ მიმართეთ თქვენს ექიმს; ქალებმა, შესაბამისი კონტრაცეპტივების გამოყენებით, თავიდან უნდა აიცილონ დაფეხმძიმება სორვასტას მიღებისას. - გაქვთ ღვიძლის დაავადება გაქვთ თირკმლის მწვავე პრობლემები - გაქვთ კუნთების განმეორებითი, ან მოულოდნელი ხასიათის ტკივილი - იღებთ ციკლოსპორინს (გამოიყენება ორგანოს ტრანსპლანტაციის შემდეგ) თუ რომელიმე ზემოთ ჩამოთვლილიდან გეხებათ თქვენ (ან რაიმეში გეპარებათ ეჭვი), გთხოვთ მიმართოთ თქვენს ექიმს. ამასთანავე, არ მიიღოთ სორვასტა 30მგ და 40მგ (ყველაზე მაღალი დოზები): - თუ გაქვთ თირკმლის საშუალო სიმძიმის პრობლემები (თუ გეპარებათ ეჭვი მიმართეთ თქვენს ექიმს) - თუ თქვენი ფარისებრი ჯირკვლები არ ფუნქციონირებს შესაბამისად - თუ ხართ 18 წლამდე: სორვასტა 30მგ და 40 მგ არ გამოიყენება ბავშვებში და 18 წლამდე მოზარდებში - თუ გქონდათ კუნთების განმეორებითი ან მოულოდნელი ტკივილები, პირად, ან ოჯახის ანამნეზში გაქვთ კუნთებთან დაკავშირებული პრობლემები, ან მანამდე გქონდათ კუნთების პრომლება ქოლესტენის-დამწევი სხვა საშუალებების მიღებისას - თუ რეგულარულად მოიხმართ ჭარბი რაოდენობის ალკოჰოლს - თუ გაქვთ აზიური წარმოშობა (იაპონელი, ჩინელი, ფილიპინელი, ვიეტნამელი, კორეელი ან ინდოელი) - თუ ქოლესტერინის შესამცირებთლად იღებთ სხვა საშუალებებს ე.წ. ფიბრატებს თუ რომელიმე ზემოთ ჩამოთვლილიდან გეხებათ თქვენ (ან რაიმეში გეპარებათ ეჭვი), გთხოვთ მიმართოთ თქვენს ექიმს. გამოიჩინეთ სიფრთხილე სორვასტას მიღებისას: - თუ გაქვთ თირკმელებთან დაკავშირებული პრობლემები - თუ გაქვთ ღვიძლთან დაკავშირებული პრობლემები - თუ გქონდათ კუნთების განმეორებითი ან მოულოდნელი ტკივილები, პირად, ან ოჯახის ანამნეზში გაქვთ კუნთებთან დაკავშირებული პრობლემები, ან მანამდე გქონდათ კუნთების პრომლება ქოლესტენის-დამწევი სხვა საშუალებების მიღებისას, განსაკუთრებით თუ თავს გრძნობთ ცუდად ან გაქვთ ცხელება - თუ რეგულარულად მოიხმართ ჭარბი რაოდენობის ალკოჰოლს - თუ თქვენი ფარისებრი ჯირკვლები არ ფუნქციონირებს შესაბამისად - თუ ქოლესტერინის შესამცირებთლად იღებთ სხვა საშუალებებს ე.წ. ფიბრატებს; გთხოვთ გულმოდგინედ წაიკითხოთ ეს ინსტრუქცია იმ შემთხვევაშიც კი, თუ მანამდე იღებდით სხვა საშუალებებს ქოლესტერინის მაღალი დონის შესამცირებლად - თუ იღებთ აივ ინფექციის სამკურნალო საშუალებებს, მაგ. ლოპინავირი/რიტონავირი, გთხოვთ იხ. ‘გამოყენება სხვა პრპეარატებთან’ - თუ პაციენტი არის 10 წლამდე: სორვასტა არ არის რეკომენდებული 10 წლამდე ასაკის ბავშვებისათვის - თუ პაციენტი არის 18 წლამდე: 30მგ და 40მგ სორვასტას გამოყენება არ არის რეკომენდებული ბავშვებსა და მოზარდებში 18 წლამდე - თუ ხართ 70 წელს გადაცილებული (ექიმმა უნდა შეარჩიოს თქვენთვის საჭირო საწყისი დოზა), - თუ სუნთქვის მწვავე უკმარისობა - თუ გაქვთ აზიური წარმოშობა - იაპონელი, ჩინელი, ფილიპინელი, ვიეტნამელი, კორეელი ან ინდოელი (ექიმმა უნდა შეარჩიოს თქვენთვის საჭირო საწყისი დოზა) თუ რომელიმე ზემოთ ჩამოთვლილიდან გეხებათ თქვენ (ან თუ არ ხართ დარწმუნებული): - არ მიიღოთ სორვასტა 30მგ ან 40მგ (ყველაზე მაღალი დოზა) და სორვასტას მიღებამდე კონსულტაციისათვის მიმართეთ თქვენს ექიმს, ან ფარმაცევტს. ადამიანთა მცირე ნაწილში სტატინებმა შეიძლება გავლენა მოახდინონ ღვიძლზე. ეს დგინდება მარტივი ტესტით, რომელიც განსაზღვრავს ღვიძლის მომატებულ ენზიმებს სისხლში. ამიტომ, სორვასტათი მკურნალობის დაწყებამდე თქვენი ექიმი ჩვეულებრივ ჩაგიტარებთ ამ ტესტს (ღვიძლის ფუნციური ტესტი). სხვა პრეპარატების გამოყენება გთხოვთ აცნობოთYთქვენს ექიმს, ან ფარმაცევტს თუ იღებთ, ან ბოლო დროს იღებდით რაიმე სხვა პრეპარატს, ურეცეპტოდ გასაცემი საშუალებების ჩათვლით. განსაკუთრებით, აცნობეთ ექიმს თუ იღებთ შემდეგ პრეპარატებს. - ციკლოსპორინი (გამოყენება მაგ. ტრანსლპანტაციის შემდეგ) - ვარფარინი ან სისხლის გასათხელებელი სხვა საშუალებები - ფიბრატები (როგორებიცაა ჰემფიბროზილი ან ფენოფიბრატი), ან ქოლესტერინის შესამცირებელი სხვა საშუალება (როგორიცაა ეზეტიმიბი) - საჭმლის მოსანელებელი საშუალებები (გამოიყენება კუჭში მჟავიანობის გასანეიტრალებლად) - ერითრომიცინი (ანტიბიოტიკი) - პერორალური კონტრაცეპტივი (ტაბლეტები) - ჰორმონჩანაცვლებითი თერაპია - ლოპინავირი/რიტონავირი (გამოიყენება აივ ინფექციის წინააღმდეგ – გთხოვთ იხილოთ გამოიჩინეთ განსაკუთრებული სიფრთხილე სორვასტას მიღებისას) ამ პრეპარატების მოქმედება შეიძლება შეცვალოს სორვასტამ, ან მათ შეცვალოს სორვასტას ეფექტი. სორვასტას მიღება საკვებთან და სასმელთან ერთად სორვასტას მიღება შეიძლება როგორც საკვებთან ერთად, ისე მისგან დამოუკიდებლად. [u]ორსულობა და ლაქტაცია[/u] არ მიიღოთ სორვასტა თუ ხართ ორსულად ან ხართ მეძუძური დედა. თუ დაორსულდით სორვასტას მიღებისას, შეწყვიტეთ პრეპარატის გამოყენება და დაუყოვნებლივ მიმართეთ თქვენს ექიმს. ქალებმა, შესაბამისი კონტრაცეპტივების გამოყენებით, თავიდან უნდა აიცილონ დაფეხმძიმება სორვასტას მიღებისას. ნებისმიერი პრეპარატის მიღებამდე რჩევისათვის მიმართეთ თქვენს ექიმს, ან ფარმაცევტს. [u]სატრანსპორტო საშუალების მართვა და მექანიზმებთან მუშაობა[/u] სორვასტას მიღების დროს ადამიანთა უმრავლესობას შეწევს ავტომანქანის მართვის და მექანიზმებთან მუშაობის უნარი – პრეპარატი არ ახდენს გავლენას ამ უნარზე. თუმცა, სორვასტათი მკურნალობის პერიოდში ზოგიერთ ადამიანში შესაძლოა გამოვლინდეს თავბრუსხვევა. თუ გრძნობთ თავბრუსხვევას, კონსულტაციისათვის მიმართეთ ექიმს ავტომობლის მართვამდე და მექანიზმებთან მუშაობამდე. მნიშვნელოვანი ინფორმაცია სორვასტას ზოგიერთ კომპონენტზე სორვასტა შეიცავს ლაქტოზას. თუ ექიმმა გითხრათ, რომ გაქვთ ზოგიერთი შაქრის აუტანლობა, ამ პროდუქტის გამოყენებადე კონსულტაციისათვის მიმართეთ თქვენს ექიმს. კომპონენტების სრული ჩამონათვალისათვის იხ. დამატებითი ინფორმაცია ქვემოთ. [u]3. როგორ მივიღოთ სორვასტა[/u] ყოველთვის მიიღეთ სორვასტა ზუსტად ექიმის დანიშნულების შესაბამისად. ჩვეული დოზები თუ სორვასტას იღებთ მაღალი ქოლესტერინისთვის: საწყისი დოზა: ჩვეული საწყისი დოზა არის 5მგ ან 10მგ ერთჯერ დღეში იმ შემთხვევაშიც კი თუ იღებდით სხვა სტატინის უფრო მაღალ დოზას. ექიმის მიერ დოზის შერჩევა დამოკიდებულია: - თქვენი ქოლესტერინის დონეზე - გულის შეტევის, ან ინსულტის განვითარების რისკზე - იმ ფაქტორზე, რომელმაც შეიძლება უფრო მგრძნობიარე გაგხადოთ შესაძლო გვერდითი ეფექტებისადმი გთხოვთ კითხოთ თქვენს ექიმს, ან ფარმაცევტს თუ რომელი საწყისი დოზა არის თქვენთვის საჭირო. თქვენმა ექიმმა შესაძლოა გადაწყვიტოს დაგინიშნოთ 5მგ დღეში თუ: - თუ გაქვთ აზიური წარმოშობა (იაპონელი, ცინელი, ფილიპინელი, ვიეტნამელი, კორეელი ან ინდოელი) - ხართ 70 წელს გადაცილებული - გაქვთ თირკმლის საშუალო სიმძიმის პრობლემა - გაქვთ ღვიძლის საშუალო სიმძიმის პრობლემა - გაქვთ კუნთების ტკივილის (მიოპათია) რისკი დოზის გაზრდა და მაქსიმალური დღიური დოზა თქვენმა ექიმმა შეიძლება გაზარდოს დოზა 40მგ-მდე დღეში იმისათვის, რომ მიღწეულ იქნას ქოლესტერინის სასურველი დონე. თოთოეული დოზის რეგულირებამდე უნდა იყოს ოთხკვირიანი შუალედი. სორვასტას მაქსიმალური დოზა არის 40მგ. ეს დოზა არის მხოლოდ იმ პაციენტებისათვის რომლებსაც აქვთ ქოლესტერინის მაღალი დონე და გულის შეტევის, ან ინსულტის განვითარების მაღალი რისკი და რომელთა ქოლესტერინის დონე არ შემცირდა დაბალი დოზების მიღებისას. თუ სორვასტად იღებთ გულის შეტევის, ინსულტის ან ჯანმრთელობის სხვა პრობლემების რისკის შესამცირებლად: რეკომენდებული დოზა არის 20მგ დღეში. თუმცა, ექიმმა შესაძლოა გადაწყვიტოს უფრო დაბალი დოზის გამოყენება ზემოთ აღწერილი ფაქტორების არსებობის შემთხვევაში. ჩვეული დოზა ბავშვებში და მოზარდებში 10-დან 17 წლამდე ჩვეული საწყისი დოზა არის 5მგ. თქვენმა ექიმმა შეიძლება გაზარდოს დოზა თქვენთვის შესაფერისი დოზის მიღწევამდე. სორვასტას მაქსიმალური დღიური დოზა არის 20მგ. დოზა მიიღეთ დღეში ერთჯერ. სორვასტა 30მგ და 40მგ არ გამოიყენება ბავშვებში და მოზარდებში. [u]ტაბლეტების მიღება[/u] გადაყლაპეთ ტაბლეტი მთლიანად წყლის დაყოლებით. სორვასტა მიიღეთ დღეში ერთხელ. მისი მიღება შეგიძლიათ დღის ნებისმიერ მონაკვეთში. უმჯობესია პრეპარატი მიიღოთ დღის ერთსადაიმავე დროს, რომ არ დაგავიწყდეთ მისი მიღება. [u]ქოლესტერინის რეგულარული შემოწმება[/u] მნიშვნელოვანია ქოლესტერინის რეგულარულად შემოწმება, რათა დარმუნდეთ რომ ქოლესტერინმა მიაღწია სასურველ დონეს და დარჩა ამ დონეზე. ექიმმა შეიძლება გაზარდოს პრეპარატის დოზა, რათა სორვასტა მიიღოთ თქვენთვის საჭირო დოზით. [u]თუ მიიღეთ სორვასტას ჭარბი დოზა[/u] რჩევისათვის მიმართეთ ექიმს, ან უახლოეს საავადმყოფოს. თუ მიხვალთ საავადმყოფოში, ან ჩაგიტარდებათ მკურნალობა სხვა მდგომარეობის გამო, აცნობეთ სამედიცინო პერსონალს რომ იღებთ სორვასტას. [u]თუ დაგავიწყდათ სორვასტას მიღება[/u] არ ინერვიულოთ, მიიღეთ შემდეგი დოზა რეჟიმის მიხედვით შესაბამის დროს. არ მიიღოთ ორმაგი დოზა დავიწყებულის საკომპენსაციოდ. თუ შეწყვიტეთ სორვასტას მიღება მიმართეთ ექიმს, თუ გსურთ სორვასტას მიღების შეწყვეტა. სორვასტას მიღების შეწყვეტამ შეიძლება გამოიწვიოს ქოლესტერინის დონის კვლავ მომატება. ამ პრეპარატის გამოყენებასთან დამატებითი კითხვების შემთხვევაში მიმართეთ თქვენს ექიმს, ან ფარმაცევტს. [u]4. შესაძლო გვერდითი მოვლენები[/u] სხვა პრეპარატების მსგავსად სორვასტამაც შეიძლება გამოიწვიოს გვერდითი მოვლენები, თუმცა არა ყველა ადამიანში. მნიშვნელოვანია იცოდეთ თუ რა სახის მოვლენები შეიძლება გამოვლინდეს. ისინი ჩვეულებრივ სუსტი ხასიათისაა და ქრება მცირე ხანში. გვერდითი მოვლენები კლასიფიცირებულია შემდეგ ჯგუფებად სიხშირის მიხედვით: ძალიან ხშირი - ვლინდება 10-დან 1 პაციენტში ხშირი - ვლინდება 100-დან 1-10 პაციენტში არახშირი - ვლინდება 1000-დან 1-10 პაციენტში იშვიათი - ვლინდება 10,000-დან 1-10 პაციენტში ძალიან იშვიათი - ვლინდება 10,000-დან 1-ზე ნაკლებ პაციენტში არ არის ცნობილი არსებული მონაცემებიდან ვერ ფასდება სიხშირე შეწყვიტეთ სორვასტას მიღება და დაუყოვნებლივ მიმართეთ სამედიცინო დახმარებას შემდეგი ალერგიული რეაქციების შმეთხვევაში: - სუნთქვის გაძნელება, სახის, ტუჩების, ენის და/ან ყელის შეშუპებით, ან მის გარეშე - სახის, ტუჩების, ენის და/ან ყელის შეშუპება, რომელიც იწვევს გადაყლაპვის გაძნელებას - კანის ძლიერი ქავილი ასევე შეწყვიტეთ სორვასტას მიღება და დაუყოვნებლივ მიმართეთ ექიმს, თუ გაქვთ უჩვეულო ტკივილი კუნთებში, რომელიც გძელდება უფრო დიდხანს, ვიდრე ელოდით. კუნთების სიმპოტომები უფრო დამახასიათებელია ბავშვებში და მოზარდებში მოზრდილებთან შედარებით. სხვა სტატინების მსგავსად, ადამიანთა ძალიან მცირე ნაწილში ვლინდება კუნთებზე არასასურველი ეფექტი და ის იშვიათად იწვევს კუნთების სიცოცხლისათვის პოტენციურად სახიფათო დაზიანებას, რომელიც ცნობილია რაბდომიალიზის სახელით და რომელიც ხასიათდება კუნთების ძლიერი ტკივილით, კუნთების სისუსტით და შარდის მუქი ფერით. [u]ხშირი შესაძლო გვერდითი მოვლენები : [/u] - თავის ტკივილი - კუჭის ტკივილი - შუკრულობა - გულისრევა - კუნთების ტკივილი - სისუსტე - თავბრუსხვევა - შარდში პროტეინის მომატება – ეს ჩვეულებრივ თავისით უბრუნდება ნორმას სორვასტას მიღების შეწყვეტის გარეშე (მხოლოდ 40მგ მიღებისას) - დიაბეტი, ძირითადად პაციენტებში სისხლში შაქრის მაღალი დონით [u]არახშირი გვერდითი მოვლენები:[/u] - ქავილი, გამოანყარი, ჭინჭრის ციება - შარდში პროტეინის მომატება – ეს ჩვეულებრივ თავისით უბრუნდება ნორმას სორვასტას მიღების შეწყვეტის გარეშე (მხოლოდ 5-20მგ მიღებისას) იშვიათი გვერდითი მოვლენები: - მწვავე მომატებული მგრძნობელობის რეაქციები – ნიშნები მოიცავს სახის, ტუჩების, ენის და/ან ყელის შეშუპებას, ყლაპვის და სუნთქვის გაძნელებას, კანის ძლიერ ქავილს; შეწყვიტეთ სორვასტას მიღება თუ ფიქრობთ, რომ გაქვთ ალერგიული რეაქციები და დაუყოვნებლივ მიმართეთ სამედიცინო დახმარებას - კუნთების დაზიანები მოზრდილებში - შეწყვიტეთ სორვასტას მიღება და დაუყოვლებლიც მიმართეთ თქვენს ექიმს თუ გავთ კუნთების უჩვეულო ტკივილი, რომელიც უფრო დიდ ხანს გრძელდება, ვიდრე ელოდით - კუჭის ძლიერი ტკივილი (პანკრეასის ანთება) - სისხლში ღვიძლის ენზიმების მომატება ძლიან იშვიათი გვერდითი მოვლენები: - სიყვითლე (კანის და თვალის თეთრი ნაწილის გაყვითლება) - ჰეპატიტი (ღვიძლის ანთება) - სისხლის კვალი შარდში - ქვემო და ზედა კიდურების ნერვების დაზიანება (როგორიცაა შეგრძნების დაკარგვა) - სახსრების ტკივილი - მეხსიერების დაკარგვა უცნობი სიხშირის გვერდითი მოვლენები: - დიარეა (თხელი განავალი) - სტივენს-ჯონსონის სინდრომი (კანზე, პირის ღრუში, თვალებსა და გენიტალიებზე ძლიერი ბუშტუკოვანი გამონაყარი) - ხველა - ქოშინი - შეშუპება - ძილის დარღვევა, უძილობის და ღამის კოშმარების ჩათვლით - სქესობრივი დარღვევები - დეპრესია - სუნთქვის პრობლემები, უწყვეტი ხველის და/ან ქოშინის ჩათვლით, ან ცხელება თუ რომელიმე გვერდითი მოვლენა ხდება სერიოზული, ან შენიშნეთ ისეთი გვერდითი მოვლენები, რომლებიც არ არის აღწერილი ამ დანართ ფურცელში, მიმართეთ თქვენს ექიმს, ან ფარმაცევტს. [u]5. სორვასტას შენახვის წესი[/u] შეინახეთ ბავშვებისათვის მიუწვდომელ ადგილას. არ გამოიყენოთ სორვასტა შეფუთვაზე მითითებული თარიღის შემდეგ. ვარგისიანობის ვადა ეხება თვის ბოლო დღეს. შეინახეთ ორიგინალ შეფუთვაში, რათა დაიცვათ სინათლისაგან. არ გადააგდოთ პრეპარატები საკანალიზაციო წყლებში, ან საყოფაცხოვრები ნარჩენებთან ერთად. პრეპარატის განადგურებასთან დაკავშირებით რჩევა კითხეთ ფარმაცევტს. ეს ზომები დაიცავს გარემოს დაბინძურებისაგან. [u]6. დამატებითი ინფორმაცია[/u] რას შეიცავს სორვასტა - აქტიური ნივთიერება არის როზუვასტატინი. თითოეული შემოგარსული ტაბლეტი შეიცავს 5მგ, 10მგ, 15მგ, 20მგ ან 40მგ როზუვასტატინს (როზუვასტატინ-კალციუმის სახით). - სხვა კომპონენტებია უწყლო ლაქტოზა, მიკროკრისტალური ცელულოზა (E460), კროსპოვიდონი, მაგნიუმის სტეარატი (E572) და კოლოიდური, უწყლო კვარცი (E551) ტაბლეტის ბირთვში და ლაქტოზას მონოჰიდრატი, ტიტანის დიოქსიდი (E171), მაკროგოლი 6000 და გარში ბუთილირებული მეტაკრილატის კოპოლიმერი. სორვასტას აღწერა და შეფუთვის შიგთავსი 5მგ შემოგარსული ტაბლეტები არის თეთრი ფერის, მრგვალი, ოდნავ ამობურცული, წაკვეთილი ბოლოებით, მარკირებით 5 ერთ მხარეს. 10მგ შემოგარსული ტაბლეტები არის თეთრი ფერის, მრგვალი, ოდნავ ამობურცული, წაკვეთილი ბოლოებით, მარკირებით 10 ერთ მხარეს. 15მგ შემოგარსული ტაბლეტები არის თეთრი ფერის, მრგვალი, ოდნავ ორმხრივად ამობურცული, წაკვეთილი ბოლოებით, მარკირებით 15 ერთ მხარეს. 20მგ შემოგარსული ტაბლეტები არის თეთრი ფერის, მრგვალი, წაკვეთილი ბოლოებით. 30მგ შემოგარსული ტაბლეტები არის თეთრი ფერის, ორმხირვად ამობურცული, კაფსულის ფორმის, გამყოფი ხაზით ორივე მხარეს. გამყოფი ხაზის დანიშნულება არ არის ტაბლეტის გატეხვა ადვილად გადაყლაპვის მიზნით, ან მისი ორ თანაბარ ნაწილად გაყოფა. 40მგ შემოგარსული ტაბლეტები არის თეთრი ფერის, ორმხრივად ამობურცული, კაფსულის ფორმის. სორვასტა ხელმისაწვდომია 28 და 84 შემოგარსული ტაბლეტის სახით ბლისტერებზე, რომლებიც მოთავსებულია კოლოფში. [u]გაცემის პირობები[/u] სამედიცინო პროდუქტი გაიცემა ექიმის რეცეპტით. [u]სავაჭრო უფლების მფლობელი და მწარმოებელი[/u] კრკა, ტოვარნა ზდრავილ, ნოვო მესტო, სმარჯესკა ცესტა 6, 8501 ნოვო მესტო, სლოვაკეთი
ანოტაციის მომწოდებელია:
პსპ
ანოტაცია: როზუვასტატინი
გაუგზავნე ეს ანოტაცია მეგობარს ან ახლობლებს. მხოლოდ გვითხარით ვის უგზავნით და დანარჩენზე ვიზრუნებთ ჩვენ! ელ–ფოსტის მისამართი:
x

 
დახურვა



შეაფასეთ ექიმები:

ინგა მამუჩიშვილი
5
კომენტარები:
63

ბიძინა კულუმბეგოვი
4.9
კომენტარები:
49

ლია მაისურაძე
5
კომენტარები:
2

თამარ ზუბადალაშვილი
4.2
კომენტარები:
5

ლერი მოსელიანი
5
კომენტარები:
11



შეაფასეთ კლინიკები:

ქართული ფოლადის სამკურნალო ცენტრი
5
კომენტარები:
5

ინტერმედი
0
კომენტარები:
0

მედულა
0
კომენტარები:
0

თქვენი კლინიკა
5
კომენტარები:
6

სტომატოლოგიური კლინიკა მინანქარი
0
კომენტარები:
0
ყველა უფლება დაცულია 2013
Yandex.Metrica
2014-10-30
visitor 2616
visit 2878
page 10844
2014-10-31
  1949
  2130
  8011

 

X
სხეულის მასის ინდექსი

გამოთვალეთ თქვენი სხეულის მასა და გაიგეთ გაქვთ თუ არა ჭარბი წონა.