რა უნდა ვიცოდეთ მედულობლასტომის შესახებ

Notice: Undefined offset: 0 in /home/admin/web/tsamali.ge/public_html/amp/blog_full.php on line 139

რა არის მედულობლასტომა?

მედულობლასტომა არის თავის ტვინის ავთვისებიანი ნეიროექტოდერმული სიმსივნე, რომელიც ვითარდება ემბრიონის უჯრედებიდან, ამიტომ ის ძირითადად გვხვდება ბავშვებში და შეადგენს, ბავშვთა თავის ტვინის ყველა სახის სიმსივნის დაახლოებით 1/5-ს (20%-ს). მედულობლასტომა იშიათად გვხვდება მოზრდილებში.

მედულობლასტომები ვითარდება ნათხემში, თავის ქალას იმ ნაწილში, რომელსაც ეწოდება "უკანა ფოსო" და წარმოადგენს ცენტრალური ნერვული სისტემის იმ მცირერიცხოვან სიმსივნეებს, რომლებიც მეტასტაზირებს ცერებროსპინალური სითხის გზების გასწვრივ თავის ტვინსა და ზურგის ტვინში და თავის ტვინის პარკუჭების ეპენდიმაში. 

რა სიმპტომები ახასიათებს მედულობლასტომას?

 თავის ტვინის ნებისმიერი სიმსივნის პირველი სიმპტომი ჩვეულებრივ ასოცირდება ინტრაკრანიალური წნევის მატებასთან, რაც თავისთავად იწვევს თავის ტკივილს, გულისრევას, ღებინებას (უმეტესად დილით), მხედველობის პრობლემებს და სხვა სიმპტომებს. ბავშვები სწრაფად იღლებიან, უჩივიან სისუსტეს და ღიზიანდებიან. ვინაიდან ნათხემი ტვინის ის ნაწილია, რომელიც აკონტროლებს კუნთების კოორდინაციას. მედულობლასტომამ შეიძლება გამოიწვიოს სიარულის და მეტყველების გაძნელება.

მედულობლასტომასთანაა დაკავშირებული სხვა სპეციფიკური სიმპტომების ნისტაგმი, კუნთების სისუსტე და ა. შ. მათი სიმძიმე და გამოვლინებები დამოკიდებულია სიმსივნის ზომასა და ლოკალიზაციაზე.

 

რა მეთოდები გამოიყენება მედულობლასტომას დიაგნოსტიკისთვის?

ძირითადი დიაგნოსტიკური მეთოდებია მაგნიტურ-რეზონანსული ტომოგრაფია (MRI) და კომპიუტერული ტომოგრაფია (CT) კონტრასტით. ძირითად შემთხვევებში, მედულობლასტომები ვიზუალურად წარმოიქმნება, როგორც მრგვალი ან ოვალური ფორმის მოცულობითი წარმონაქმნები. ისინი ჰეტეროგენურად ირთავენ კონტრასტულ საშუალებებს, რომლებიც განლაგებულია ნათხემის ჭიის პროექციაში. ზურგის ტვინის MRI გამოკვლევა საშუალებას გვაძლევს ვიმსჯელოთ მეტასტაზების არსებობაზე ან არარსებობაზე.

 

როგორ მკურნალობენ მედულობლასტომას?

მედულობლასტომას ძირითადად მკურნალობენ ქირურგიული, რადიაციული და ქიმიოთერაპიის კომბინაციური მეთოდით.

რადიოქირურგიული მკურნალობა Gamma Knife-ით შეიძლება გამოყენებულ იქნას თუ ქირურგიული ჩარევა არ არის მიზანშეწონილი ან როდესაც სიმსივნე ინვაზირებს თავის ტვინის ღეროში.