აქცია: ფილტვის სრული ფუნქციური გამოკვლევა - პლეტიზმოგრაფია, 280 ლარად ნაცვლად 360 ლარისა

აქცია: ფილტვის სრული ფუნქციური გამოკვლევა - პლეტიზმოგრაფია, 280 ლარად ნაცვლად 360 ლარისა

კლინიკა "დიაკორი" გთავაზობთ ფასდაკლების აქციას - ფილტვის სრული ფუნქციური გამოკვლევა - პლეტიზმოგრაფია, 280 ლარად ნაცვლად 360 ლარისა

 

აქციით სარგებლობისთვის წინასწარ დაუკავშირდით კლინიკის ადმინისტრაციას:

+995 32 2 518 718; +995 599 471 447

 

რა არის პლეტიზმოგრაფია და რატომ არის გამოკვლევა მნიშვნელოვანი, კოვიდ-19 გადატანილი პაციენტებისთვის?

 

ფილტვის ფუნქციური კვლევების ჩატარება აქტუალურია კოვიდ-19 გადატანილ
პაციენტებში, პოსტ-კოვიდური ჩივილების მიზეზის დაზუსტებისთვის. ფილტვის
ფუნქციური კვლევები რეკომენდებულია დიაგნოზის დადასტურებიდან 6 კვირის შემდეგ,
განსაკუთრებით მაშინ, თუ დიაგნოსტირებული იყო კოვიდ- პნევმონია, ასევე თუკი რჩება
სუნთქვის უკმარისობა და ხველა.


ფილტვის ფუნქციის ყველაზე თანამედროვე და სრულყოფილი შეფასებისთვის გამოიყენება
პლეტიზმოგრაფია და ფილტვის დიფუზური მოცულობის განსაზღვრა.
მიუხედავად იმისა, რომ სპირომეტრიით გარეგანი სუნთქვის შეფასება უკანასკნელი
წლებია სასუნთქი სისტემის შეფასების ოქროს სტანდარტს წარმოადგენს, ფილტვის
დიფუზური მოცულობის განსაზღვრა კარბონ მონოქსიდით არის ფილტვის ქსოვილის
ფუნქციის და მის მიერ ჟანგბადის გამტარებლობის უნარის შეფასებისთვის
უმნიშვნელოვანესი გამოკვლევა. ანუ, ფილტვის დიფუზური მოცულობის განსაზღვრით
ფასდება ფილტვის ქსოვილში ჟანგბადის განვლადობის უნარი. დღესდღეობით კლინიკა
„დიაკორი“ წარმოადგენს ერთადერთ კლინიკას საქართველოში, სადაც უკვე 5 წელია
არსებობს ამ კვლევის ჩატარების შესაძლებლობა.


რაც შეეხება პლეტიზმოგრაფიას, იგი არის ზუსტი და ნატიფი გამოკვლევა, რომელიც
გვაძლევს ინფორმაციას სასუნთქი გზების რეზისტეტობის არსებობასა და
ბრონქოდილატაციის შემდეგ სასუნთქი გზების რეაქტიულობაზე; ამ გამოკვლევით
განისაზღვრება ფილტვის სრული სასუნთქი ტევადობა (TLC- total lung capacity), ნარჩენი
მოცულობა (RV- residual volume) და ფუნქციონალური სარეზერვო მოცულობა (FRC-functional
reserve capacity), რასაც სასუნთქი სისტემის დაავადებათა შეფასებაში საკვანძო როლი
აკისრია.


ფილტვის ფუნქციური კვლევების ჩატარება რეკომენდებულია როგორც ჩივილების -
გახანგრძლივებული ხველა, ჰაერის უკმარისობა, დაღლა არსებობის შემთხვევაში, ასევე
დაავადების ხარისხის შესაფასებლად ისეთი დაავადებების დროს როგორებიცაა ფილტვის
ქრონიკული ობსტრუქციული დაავადება, ბრონქული ასთმა, იდიოპათიური ფიბროზი,
ემფიზემა და სხვ.


რა უნდა გავითვალისწინოთ ფილტვის ფუნქციური ტესტების ჩატარების წინ?
იზღუდება: მოწევა 1 საათით ადრე; ალკოჰოლი 8 საათით ადრე; ფიზიკური დატვირთვა 1
საათით ადრე; გარკვეული საინჰალაციო მედიკამენტების გამოყენება; მოჭერილი
ტანსაცმელი არ არის რეკომენდებული.


პლეტიზმოგრაფიის ჩატარებას ფილტვის დიფუზური მოცულობის განსაზღვრასთან და
სპირომეტრიასთან ერთად ესაჭიროება დაახლოებით 45 წთ- ერთი საათი. გამოკვლევა
უსაფრთხოა.

დიაკორი
ლუბლიანას 5/ჩაჩავას 1(ყოფილი რკინიგზის საავადმყოფო); 5-ე სართული
უფასო ზარი

გსურთ გადმოგირეკოთ?

ფორმატი: 599181192

გმადლობთ, ჩვენ მალე დაგიკავშირდებით.